واش راكم غزالات المنتدى ان شاء الله راكم باحسن حال
حبيت نحط الوصفة هاذي مليحة خصوصا نحنا في الشتاء و الواحد منا يحتاج اكلة سخونة تدفيه
المهم هذه فكرة امي الغالية ادعولها يا لغزلات تشفى و تصير تمشي بلا ألم
المهم و بدون اطالة
العجينة كل وحدة و طريقتها هي خبز الدار عادي لكن نحنا ما نكثروش فيها الزيت و انا نستعمل محسن الخبز معاها
نجهز العجينة و حسب افراد العائلة كل وحدة تعرف واش تحتاج نعجنوها و نتركوها تتخمر
نحضر الحشو انا قليت البطاطا مقطعة رقيقة باش نختصر الوقت قسمت الفلفل على زوج و حطيته فوقها باش يتقلى يذبل فقط ساهل طيابه ثم صفيته من الزيت هو و البطاطا و قطعته
و حطيت البصلة تتقلى وحدها تكون مقطعة تذبل شوية اضفت ليها شوية ماء و تركتها تنضج في عقلها و لما دخلها الطياب اضفت ليها شوية ثوم و هريسة الي ما تحبش الحار تستغني عنها و خليتها تكمل طيابها
على فكرة ملحوا كل شي على حدى لكن كونوا حذرين باش لما يتخلطوا ما يجيش الخليط مالح شط بط يقتل القط هههههههههه
و حطيت السجق اي المرقاز بعدما نزعت عنه هاديك الغطاء تاعه باش يصير كما اللحم المكفت قليتو مع الثوم و بهارات و و هريسة نحنا نحبوا الحار بزاف
بعدما تقلى مليح و طاب قليت بشكل خفيف حبة طماطم كنت قطعتها دوائر ثم اخلطت كل المقادير مع بعضها بصراحة الهريسة الي عندي ماشي حارة 
استعنت بفلفل مخلل عندي حار 
و اضفت لهم مغرف للنكهة من حشو بقالي من المحجوبة خدمته بالسلق و الجزر و البصل و البهارات و الشحمة و المرقاز
ممكن تضيفي الجبن اختياري
و بعدها نقرص العجينة و نخليها ترتاح شوية و نحلها ماشي غليظة و ماشي رقيقة نفرش الدائرة الاولى في البلاء و ندهنها بالحشو و نحط فوقها الثانية و نغلقها و نعمل ثقب في الوسط باش نتجنب انتفاخها اثناء نضجها في الفور
نخليها تتخمر ثم ندهنها بالبيض مخلط مع شوية خل لتفادي رائحة البض المزعجة ممكن ننثر عليها سانوج او جلجلان هذا اختياري انا ما رشيت عليها والو كنت مزروبة
المهم حطيها تنضج في الفور و بصحتكم
راهي خفيفة و بنينة
و نتمنى تعجبكم
تحياتي لكن 
ممممممم هايلة يعطيك الصحة وربي يسافي الوالدة
رائع لو كانو الصور كانت top
يعطيك الصحة أمممممممممممممم مع البرد . ربي يشافي الوالدة.
رااائع. يعطيها الصحة
|
المشاركة الأصلية كتبت بواسطة touta2016
 ممممممم هايلة يعطيك الصحة وربي يسافي الوالدة
|
شكرا شرفني انك اول وحدة ترد عليا
آمين حبيبة ربي يحفظك
ربي يشفي الوالدة ويسلمها يارب
|
المشاركة الأصلية كتبت بواسطة wassyl
رائع لو كانو الصور كانت top
|
انا تاني حبيت نصور الطريقة كامل لكن البورطابل نتاعي صورو ماشي باهية و صغيرة
الصورتين صورتهم ببورتابل خويا كي جاء :d
مشكورة حبيبة عالمرور الطيب
|
المشاركة الأصلية كتبت بواسطة samira15
يعطيك الصحة أمممممممممممممم مع البرد . ربي يشافي الوالدة.
|
شكرا حبيبة ربي يحفظك
|
المشاركة الأصلية كتبت بواسطة staifia
رااائع. يعطيها الصحة
|
انتي الاروع شكرا عسولة
|
المشاركة الأصلية كتبت بواسطة aouniak
ربي يشفي الوالدة ويسلمها يارب
|
آمين شكرا حنونة
الشرح كافي ووافي حتى وماكانوش الصور بارك الله فيك على الوصفة وشفى الله والدتك
بارك الله فيكً. والله يشافي الوالدة.
د
تسلم ايادي ست الحبايب ونعم الابتكار رووووعة
فكرتيني في زمان الوالدة كانت دلئمة صنعها لكن فيها اختلاف برك في الحشو نديرولها البطاطا مرحية والبصل والشحمةوالتوابل والهريسة الله يرحمك يا امي