كياه راكم مع رمضان ان شاء الله تكونوا كامل ملاح
المهم هدا اول موضوع ليا في موضوع الطبخ
العادة راني منتدى تحضير البكالوريا
وبعد عناء طويل جبتلكم بعض تطبيقاتي الناجحة اللي تعلمتها من عند شيفات المنتدى
نبدا على بركة الله
هدا اسفنج جرباتو اختي من مدة عذرا صاحبة الوصفة مجهولة جاها روعة
وهذا مادلان جربتو انا جاخفيف بزاف حشيتو بالمعجون 
وهدا بريوش فوري محشي بالشوكولا و لكرام باتيسيار روعة مشكووورة نينا فرات
التجربة الولى كانت شوي فاشلة لاني خليتو خمر بزاف خسرت الخميرة
وهنا زعما كي تعلمتو هههههه فنانة 
وعن قرب 
نتمنى كل وحدة تجربو لانو فعلا رائع وانا معتمدة هدي الوصفة في البريوش
وهدا رابط الوصفة
https://www.djelfa.info/vb/showthread.php?t=1234411
وهدي مجموعة من الحلويات جربتهم انا و اختي واصحاب الوصفات مجهولين عندي زهايمر النسيان هههههه
هدا القاطو بنتو تهبل بصح نسينا الوصفة منقلنهاش 
وهدا قاطو الشرفيطة و الغربال
وهدا باتيسري للاخت نينا فرات جا روعة الله يعطيك ما تتمناي خرجلي احسن من تاع الباتيسري 
وهدي كيكة الدانيت جات هايلة نظن لام اماني
وهدا رابط الوصفة
https://www.djelfa.info/vb/showthread.php?t=994993
وهدي كيكة بكريمة الليمون لام سامي يعطيك الصحة و الله يحققلك امانيك رووووعة
وهدا ميل فاي جرباتو امي جا هااااايل مشكوووورة صاحبة الوصفة و كالعادة مجهوووولة هههه
وهدا مقروط في الكوشة جرباتو تاني امي جا شوي يابس بصح هايل
وهذو حنيفيات روعة كلمة قليلة عليهم اللي يذوقهم يطلب الوصفة العايلة كامل تحبهم اللي دايرتهم ربي يعطيك ما تتمناي لاني نسيتك خخخخخ
هدا الجزء الاول منهم ان شاء الله منباعد نعاود نكمل لالجزء الثاني تعبت من تحميل الصور
كل مانطلبو منكم دعوة نجاح في الباك لانو بقات ايام قليلة على النتائج 
و محتاجة دعواتكم و لكم بالمثل 
في لقاء اااخر
تطبيقات هايلة سلمت يداك و ربي يفقك انتي و قاع اللى راهم يفوتو و نجحكم
|
المشاركة الأصلية كتبت بواسطة مرام 92
 تطبيقات هايلة سلمت يداك و ربي يفقك انتي و قاع اللى راهم يفوتو و نجحكم
|
مشكوووورة على المرووور و ان شاء يارب كااامل ننجحو
يعطيك الصحة بارك الله فيك
يعطيكم الصحة وماشاء الله عليكم كلش يبان بنين
ماشاء الله عليكم فحلات تاع الصح هكذا معروفين بنات المسيلة .. حتى أنا مسيلية ـ سلمي على ماماك و قلها راكي جبتي فحلات مايتخافش عليهم نهار آخر عند رجالهم .. برااافو
يعطيك الصحة
4444444444444444444444444444
يعيشكم شجعتوني باه نزيد نجرب ونحطلكم انشالله
جاك هايلة بصحتك
يعطيك الصحة