السلام عليكووم إن شاء الله تكونوا كامل لاباس توحشتكوم بزاف
بعد رياب طويل اليوم جيت نشاركوم وصفة طارت بموس الشوكولا ؛ البنات ما نحكيلكومش بزاف بنينا لمحبين الشوكولا كيما أنا ؛ ما نطولش عليكووم نمدلكم المقادير
عجينة التارت
95 غ سكر مسحوق
150 غ زبدة
1 بيضة
15 غ كاكاو
قرصة ملح
30 غ لوز مرحي رقيق (إختياري)
فرينة تقريبا 230 غ
مقادير لاموس بالشوكولا
2 صفار بيض
2 بيضات
350 غ شوكولا
150 غ زبدة
طريقة التحضير
بالنسبة لعجينة
نضع في إناء الزبدة مع سكر جلاصي
وندخلو مليح السكر جلاصي في الزبدة
بعدها نضيف مسحوق اللوز ؛ الكاكاو ؛ البيضة و قرصة ملح وبعدها نظيف الفرينة ندخلها بلا ما نعجنها
حتى نتحصل على العجينة
نغطوها ونخلوها ترتاح لمدة 2 سا
كي تريح العجينة نحلوها هكذاك 4 ملم و نثقبوها بفرشاة
ونعاودو نرجعوها لثلاجة تريح شوية من بعد ندخلوها طيب
ونخلوها تبرد
بالنسبة ل لا موس
على نار هادئة نضع في حمام مائي الشوكولا والزبدة
حتى وين ذوب كامل نحوها ونخلوها تبرد
في هاذ الوقت نقوم بخفص البيض وصفار البيض والسكر إلى أن يتضاعف الحجم
كي نكملو تكون بردت الشوكولا نضيفها على البيض والسكر ونخلطها بسباتولا
ونديرها فوق الفون طارت
ونضعها في الثلاجة تشد روحها
بعد ما تشد روحها نزينوها كيما نحبو
وهادي كيما قسمتها
سمحولي تصاور خرجوا مطلامين لخاترش صورتا في الليل
إن شاء الله تكون عجبتكوم وإن شاء الله جربوها
وشهية طيبة
يعطيك الصحة هايلة ان شاء الله نجربها
raw3aaaaa allah ybarek fik okhti
تشهيي امممممم شكولا………….
يعطيك الصحة
امممممممممممممممممممم هايلة يعطيك الصحة
راااااااااائع جدا يعطيك الصحة هايلة ا
يعطيك الصحة هايلة
اهلا بالحامل والمحمول
عسلامة هدولة واش راكي ويعطيك الصحة
الله يعطيك الصحة هدولة تهبل
شكرا مممم شهتني يعطيك الصحه
هايلة يعطيك الصحة
ya3tik lsaha hadil koli kifeh rsomti fok la tarte??
اهلا بالحامل والمحمول
عسلامة هدولة واش راكي ويعطيك الصحة |
الله يسلمك أختي راني لاباس ونتيا إن شاء الله تكوني تان مليحة
أختي ساهل عندي رسم مرسوم فيه بقراج تاع لاتاي حطيتو ملفوق وغربلت فوقوا بسكر مسحوق
شكرا علا ردودك العطرة