السلام عليكم ورحمة الله و بركاته 
اولا ردودكم والله تشجعني و تفرحني كيما الماء لي يسقي الزهور و بلا بيه تدبل و تموت ومروركم شرف لي
اخواتي العزيزات حبيت اليوم نقدملكم تارت بكريمة الليمون جي لديدة و ممكن تستخدميها في اعياد الميلاد
نبدأ بسم الله
المقادير
4 حبات بيض
100غ سكر عادي
علبة شكلاطة امباسادور السوداء
100غ فرينة كريم شانتي للتزين
75غ زبدة طرية جدا
طريقة التحضير
نفصل البياض عن الصفار
نطلع بياض البيض مع قرصة ملح حتى يصبح كالثلج
اما الصفار نضربو مع قرصة ملح و نضيف السكر شيئا فشيء ثم نضيف الشكلاطة دائبة مع ملعقتين حليب ونحرك بطريقة الطي اي من الاسفل الى الاعلى
و نضيف الفرينة مغربلة طبعا شيئا فشيء ودائما بطريقة الطي من الاسفل الى الاعلى
بعدها نضيف قليل من بياض البيض نحركو بطريقة عادية نخفو الخليط لانو راح يكون جامد شوية
و باقي البياض نضيفوه ونحركوه بشوية من الاسفل الى الاعلى و نضيف 75غ الزبدة طرية و ندخلوها جيدا فالخليط حتى يصبح متجانس و نفرغوها في مول دائري متوسط و مدهون بالزبدة و مرشوش بالفرينة جيدا مسبقا
ملاحظة المول لي ستخدمتو لي راني حاطة فوقو لاتارت فالصور
نطيبوها كيما المسكوتشو
كريمة الليمون
100غ زبدة ندوبوها و نخلوها تبرد شوية نضيفولها 100غ كاس سكر و فنجان صغير من عصير الليمون و 2 حبات بيض
نخلطوهم مليح ثم على نار متوسطة حتى تعقاد
التزيين
ملاحظة هدي لاتارت راهي جي رقيقة يعني كي تحبي حاجة عالية تقدري تحضري اثنين و ديريهم فوق بعض و ديري كريم شانتي فالوسط
طلعي كريم انتي بالحليب
المهم نشربي لاترت بعد ما تبرد بالعصير افري من الاحسن
ديري طبقة من كريم شانتي في كامل لاتارت ثم من الفوق يعني فالوجهكريمة الليمون و تكون باردة
انا درت خطوط بالشكلاطة و جوزت عليهم بالكيردو خوجو كيما شبكة العنكبوت
و كمالت التزين بكريم شانتي و الفرولة
هههههه هنا رانا دينا منها قطعة ندوقو
نتمنى تعجبكم و ردودكم شرف لي و تفرحني و تشجعني نزيد نحط مواضيع 
و صلو على النبي الحبيب عليه الصلاة والسلام
صلى الله عليه وسلم ماشاء الله ربي يعطيك صحتك .
يا اختي والله ما شاء الله يعطيك 1000 صحة حبيت نرد عليك ونشجعك في هذا الوقت باش تعرفي بلي كاين مهتمين شكرا.
عليه الصلاة و السلام ماشاء الله تهبل اختييييي يعطيك الصحة
بارك الله فيك
يعطيك الصحة
هايلة
تسلم الايادي
السلام عليكم بارك الله فيكن و شكرا على المرور العطر الف الف الف شكر لكن