الجينواز
حابة نقولكم يا حراير مدونة الجيريا انو هده الطريقة مجربة و مضمونة مئة بالمئة
هده الطريقة تكفيك لطبقة المقادير 3 بيض+4 ملاعق فرينة+4 ملاعق سكر عادي + نصف ساشي خميرة القاطو و لي حبت الكاكاو تدير 1 ملعقة عادي
اولا نطلعوا البيض مع السكر مليح حتى يطلع مليح ونزيدو الفرينة مع الخميرة بالتدريج و خلطي من التحت للفوق بحدر انا خلطتها بالباتور و هبطت ومبعد كي دخلتها للفور صلحتلي ههههههههه
انا درت 3 طبقات 2 بيضاء + 1 بالكاكاو طلعت100غ شونتي مع كاس حليب بارد ولي حبت تدير الماء تدير و انما بالحليب ابن
درت كرام كحلة المقادير هي نصف لتر حليب + 1 ملعقة كاكاو +2ملاعق كبار نشاء +3 ملاعق سكر عادي اولاحطير كلش مع بعض بلا ما تحلي النار ومبعد حلي النار وحركي بالفوي حتى يعقد وكي يعقد حطي علبة شكلاطة منى او البقرة انا درت منى ابن واحسن وطفي النار نحي ملعقة كبيرة من الكرام وخلطيها مع 2 ملاعق كبار شونتيي و حركيهم مليح وحطيها بين الطبقات و ادا حبيتي تشربي الجينواز بالسيرو شربيها بعد ما نحطو الشونتيي نحطو القاطو تاعنا في بلا حطي عليه الكرام لي خدمناه https://www.up.djelfa.info/uploads/142644311074841.jpg
ومبعد التزيين اختياري انا زينت كيما كيكة ام رامي و بدلت فيها شوية
https://www.up.djelfa.info/uploads/142644347373391.jpg
ولي فضلي من الكرام حطيتو في كيسان و زينتو و ان شاء الله تجربوها وتعجبكم صدقوني روعة
:1 9:
الصور ما عرفتش نحطهم اسمحولي اول مرة
ممممممممم تحفة
الله يعطيك الصحة حبيبة
يعطيك الصحة جاتك هايلة
شكراااااااااااااااا على المرور