اليومـ جبتلكمـ بقلاوة من مطبخي
المقادير :
العجينة : 4 كيلات فرينة – كيلة سمن فاما – قرصة ملح – ماء دافئ
الحشو : 3 كيلات لوز او كاوكاو مرحي – كيلة سكر خشن – قرفة – ماء زهر
التحضير :
ضعي في اناء الفرينة و اضيفي قرصة ملح ثم اضيفي السمن الذائب بالتدريج و بسسيها جيدا ثم لميها بالماء الفاتر حتى تتحصلي على عجينة طرية اتركيها ترتاح قليل
قسمي العجينة الى 11 كرية بالتساوي ثم بواسطة الحلال حلي الكرية ثم مرريها في الآلة في رقم 2 ثم 7 ثم 9 و ضعيها في الصينية
كرري العملية بعمل 6 طبقات و بين كل طبقة و اخرى ادهنيها بالسمن ثم ضعي الحشو و كرري العميلة و هذه المرة 5 طبقات قطعيها و دخليها الفرن
عند خروجها مباشرة تكوني موجدة العسيلة باردة فرغيها عليها و خليها ليلة كاملة لتتشربها
و هذه حلوى الكابريس تطبيقي للأخت جواهر
المقادير:
250غ زبدة+ كاس سكر رطب+ كأس زيت+ 02 بيض كاملة+ 02صفار البيض+ 01فاني
+ 02 أكياس كاراميل (من فلان رابحة) + 01 خميرة كيميائية+ فرينة+ عدد كافي من حبات حلوى الكبريس
للتزيين : شكولاطة ذائبة و فارميسال
التحضير:
نمزج المقادير السابقة مع بعضها نجفف بالفرينة حتى نتحصل على عجينة سهلة وطرية ثم نشكل العجينةالمحصل عليها على شكل كريات ثم نضغط قليلا وسط الحبة بأصابعنا ونضع نصف حبة الكبريس ونغلق (نعيد الكرية كما كانت) ونضعها في الفرن مدة 30دقيقة حتى تنضج ثم نغطسها بعدإخراجها من الفرن في الشكولاطة المذابة و نزينها بالفارميسال ..
ملاحظة: مدة الطهي يمكن أن تكون اقل من 30د أو أكثر حسب الفرن يستحسن مراقبة الطهي.
أعطوني رأيكمــ
والله حسب الشكل تحفة طبعا ويا ريت يكون الدوق تانا كيمن هك الله يسلمك اختي
راني جيعانة ودرك واش ندير ….االله يعطيك الصحة يبنو هايلين
الله يعطيك الصحه يشهوا
ما شاء الله
أعطيك الصحة
و الله هايلة بس ممكن الوصفة
أين هي المقادير و الطريقة
اختي زمردة17 من الشكل تبان متقونة ويبدوا عليك طباخة ماهرة البقلاوة عجينتها ملساء وماش مجعدة ولونها رائع اما الحلوة الثانية حلوة الكابريس الخاصة باختي الغالية جواهر فهي في القمة فكل وصفاتها دونتها والبعض منها جربتها وجات رائعة بارك الله فيك اختي زمردة 17والمزيد ان شاء الله
يعطيك الصحة مبدعة كالعادة من فضلك غوسات الحلوة الي بشيكولا و الفارمسال
بارك الله فيك مشرفتنا المميزة
سلمت الايادي
الله يبارك متقونة نتاع الصح
يعطيك الصحة
المقادير من فضلك و يعطيك الصحة
الله يعطيك الصحة يبنو هايلين
ختي زمردة ربي يبارك ملاح حلوياتك
بصح بغيت نسقسيك الكلاصاج تاع الشوكولا ممكن تقوليلي كيفها ذوبتيها؟؟؟؟
شكراااااااااااااا لك حبيبتي