في كامل الحبوب تقريبا في كل الماكولات تحط ملعقة سكر وخاصة في الحبوب
دائما تضع التوابل والتوم واي حاجة تا نكهة تحطها كي تقرب طيب مش تقلي بيها
في رطل مقرونة تحط 3 ملاعق طماطم وانتي والكمية تاعك
الحبوب تحط الطماطم بعد ما طيب
لازم بسم الله قبل اي وصفة
الشربة في ضحن او غميقة تحط مغرف نتي والكمية الي تحطي
الدجاج لازم بعد ما تغسليه تصبي عليه ماء يغلي باه تروح الرائحة
انا مبتدئة في الطبخ اي حاجة نتعلمها نقولهالكم
الله يعطيك الصحة
بارك الله فيك حبيبتي وفي الوالدة الكريمة
شكرا لمروركن اخياتي
kouli lmamak yatik esaha ou siyi atalmi menha lmaximumnasihti lik rabi yahfadhalak ou koul les mamans
|
المشاركة الأصلية كتبت بواسطة natacabell
 kouli lmamak yatik esaha ou siyi atalmi menha lmaximumnasihti lik rabi yahfadhalak ou koul les mamans
|
شكرا اخيتي الفاضلة
بارك الله فيك و في الوالدة
جعلها الله في ميزان حسناتكما
يعطيك الصحة على النصائح الرائعة عندي سؤال الطماطم لراكي تهدري عليها هنا هي الطماطم المصبرة ؟ وسؤال أخر الشربة يعني كل صحن ياخد مغرفة تع شربة فيرميسال يابسة هكذا لاني عندي مشكل ديما نديرلها بزيادة جي شوية ثقيلة وألف شكر حبيبتي
|
المشاركة الأصلية كتبت بواسطة prettywoman
يعطيك الصحة على النصائح الرائعة عندي سؤال الطماطم لراكي تهدري عليها هنا هي الطماطم المصبرة ؟ وسؤال أخر الشربة يعني كل صحن ياخد مغرفة تع شربة فيرميسال يابسة هكذا لاني عندي مشكل ديما نديرلها بزيادة جي شوية ثقيلة وألف شكر حبيبتي
|
لا لا اختي شوفي الشربة تا ماما تهبل تبعيني مليح وجربيها تخرج روعةذ
اول حاجة تحطي البصل شوية برك لانو الجاري ما يحبش البصل
كي تعودي راح ديري صحن احد ا غميقة وحدة ديري مغرف وحدة تا طماطم مصبرة
نعناع يابس. كل ملعقة طماطم معاها 3 ملاعق زيت
كل ملعقة طماطم معاها ضعف فريك ولا لسان عصفور ولا دويدةاو فارميسال يعني زوز ملاعق
كل ملعقة طماطم معاها اقل شوية من نصف ملع
التحضير
تحطي البصل والزيت والملح والدجاج والفلفل الاسود يتقلاو حتان تذوب البصلة الي رابيتيها قبل .
بعد ما تذب البصلة حطي ملعقة طماطم ادا كنتي راح ديري صحن واحد وتزيدي النعناع اليابس ضروري جدا شوية برك ملعقة تا قهوة لا اكثر .قرن فلفل حار ما تفتحيهش
بعد ما تتقلي 10 دقايق او اكثر صبي غميقة تا ماء الي حابة تحصلي عليها ورزيدي نصف الكمية تا الماء الي تنشف في الطياب فهمتيني
وخليها طيب كي تقربي طفي عليها ارمي الفريك او الدويدة زوز ملاعق دايما تضاعفي على كمية الطماطم يجي عادي واذا تحبيه ثقيل زيدي شوية
وتحطي الكرافس او الدبشة قبل ماطفي ب 15 دقيقة
اختي انا عطيتلك الكيل تا ملعقة وحدة طماطم يعني صحن لشخصين وانتي كي تحبي تضاعفي ديري تا اربع اشخاص يعني زوز ملاعق طماطم واربع فريك و6 زيت ونصف ملعقة ملح انتي والكمية الي حابتها والله بهذة الطريقة تخرج روعة وما تنسايش بسم الله
وادعيلي ربي يحققلي احلامي سلام
يعطيك الصحة على هاد المقادير ربي يحفضكم
انا كل مشيربة نعمرها ماء ندير ملعقة اكل فريك بصح لازم تطيب في القدرة ماشي في الكوكوطة
|
المشاركة الأصلية كتبت بواسطة مطيعة زوجي
لا لا اختي شوفي الشربة تا ماما تهبل تبعيني مليح وجربيها تخرج روعةذ
اول حاجة تحطي البصل شوية برك لانو الجاري ما يحبش البصل كي تعودي راح ديري صحن احد ا غميقة وحدة ديري مغرف وحدة تا طماطم مصبرة نعناع يابس. كل ملعقة طماطم معاها 3 ملاعق زيت كل ملعقة طماطم معاها ضعف فريك ولا لسان عصفور ولا دويدةاو فارميسال يعني زوز ملاعق كل ملعقة طماطم معاها اقل شوية من نصف ملع التحضير تحطي البصل والزيت والملح والدجاج والفلفل الاسود يتقلاو حتان تذوب البصلة الي رابيتيها قبل . بعد ما تذب البصلة حطي ملعقة طماطم ادا كنتي راح ديري صحن واحد وتزيدي النعناع اليابس ضروري جدا شوية برك ملعقة تا قهوة لا اكثر .قرن فلفل حار ما تفتحيهش بعد ما تتقلي 10 دقايق او اكثر صبي غميقة تا ماء الي حابة تحصلي عليها ورزيدي نصف الكمية تا الماء الي تنشف في الطياب فهمتيني وخليها طيب كي تقربي طفي عليها ارمي الفريك او الدويدة زوز ملاعق دايما تضاعفي على كمية الطماطم يجي عادي واذا تحبيه ثقيل زيدي شوية وتحطي الكرافس او الدبشة قبل ماطفي ب 15 دقيقة اختي انا عطيتلك الكيل تا ملعقة وحدة طماطم يعني صحن لشخصين وانتي كي تحبي تضاعفي ديري تا اربع اشخاص يعني زوز ملاعق طماطم واربع فريك و6 زيت ونصف ملعقة ملح انتي والكمية الي حابتها والله بهذة الطريقة تخرج روعة وما تنسايش بسم الله وادعيلي ربي يحققلي احلامي سلام |
تعيشي على الشرح الجميل شكرا جزيلا
أختي من فظلك ملاحظة برك أحنا البلدية كي نديرو الشربة(الجاري) نديرو البصل بزاف لخاطر يبنن بصح قبل ما نزيدو الفيريك و الا غيرو نصفيو المرق من بقايا القشور انتاع البصل الي تقلاو لازم ما يكونش أثر للبصل أصلا و تجي بنييييييينة و تاع حقة
شكرا لك أختي على هذه النصائح ، و ربي يحفظ لك ميمتك ، و تتعلمي منها كل شيء.
|
المشاركة الأصلية كتبت بواسطة meriemchawiya
أختي من فظلك ملاحظة برك أحنا البلدية كي نديرو الشربة(الجاري) نديرو البصل بزاف لخاطر يبنن بصح قبل ما نزيدو الفيريك و الا غيرو نصفيو المرق من بقايا القشور انتاع البصل الي تقلاو لازم ما يكونش أثر للبصل أصلا و تجي بنييييييينة و تاع حقة
|
الاكل اذواق اختي الفاضلة انا عطيتلها طريقتنا برك وكل منطقة كيفاه دير المهم في زوج غمايق شربة تحط راس بصلة وترابيه وكي تقليه لازم تذب البصلة نهائيا وشكرا على التفاعل اختي
شكرا لمرور كل الاخوات نسيت حاجة مهمة الملعقة تا الطماطم ما نديروهاش كامل تخلي شوية حطيه في الاخير خاطرالطماطم كي تغلي بزاف تروح بنانتها الطرف الاخير حطيه مع الفريك او الحاجة الي راح تضيفيها سلام