صباح الخير عليكم على بالي طولت عليكم بوصفة البريوش 
قبل مانبدى حبيت نقوللكم سر بصح ماتهدروش ششششش
أنا مانحبش البريوش خلاص … لهذا منذ سنوات وأنا نحوس على الوصفة المميزة اللي ترضيني 
: تكون خفيفة + هشوشة كي القطن + مقرمشة شوية نحب القرمشة + ريحة الخميرة لا وجود لها + نكهة وريحة وطعم مميز ولذيذ مممممممم .
تلقاو من تحت 2 وصفات الأولى العجينة المعتمدة للبريوش عندي خفيفة تهبل وريحتها ريحة فواكه وطعمها ممممممم لكن طرية ماشي مقرمشة أما الوصفة الثانية فيها قرمشة خفيفة وهي الوصفة اللي أنا اعتمدتها بإذن الله ومانغيرهاش رائعة فعلا وأخيرا هذي هي الوصفة اللي كنت نبحث عليها طعم وريحة وقرمشة ولا أروع 
على بالي كاين بزاف وصفات بريوش في المنتدى وكلها ناجحة لكن حبيت نشارككم وصفتي لأنو شفت بزاف أخوات يشكيو من ريحة الخميرة في البريوش حبيت ننقللكم طريقتي في التخلص من ريحة الخميرة نهائيا ونتحدى وحدة تقولي جربتها و جاتني فيها ريحة الخميرة
بريوش رولي بالزبيب
نبداو بالبريوش نتاع الخايبات ههههههه اللي متكاسلين يورقو البريوش
المقادير:
2 كيسان كبار ( كاس نتاع ربع لتر )
1 ملعقة كبيرة خميرة خبز
3 ملاعق كبيرة سكر
1 بيضة
2 علب ياوورت صومام نكهة فراولة ( طبعا إذا ماتوفرش ممكن تعوضو بأي ماركة أخرى أو نكهة أخرى لكن هذا هو أحسن ياوورت سواء للبريوش أو للعصائر )
1 ملعقة صغيرة فانيليا
1 ملعقة صغيرة ملح
2 ملعقة كبيرة زبدة أو مارغارين طرية
ربع ملعقة صغيرة خميرة حلويات ( اختياري )
للحشو : 2 ملعقة كبيرة زبدة او مارغارين طرية + 2-3 ملعقة كبيرة سكر + كمشة زبيب
هذي صورة الياوورت المستعمل في الوصفة ننصحكم بيه
هذي صورة الياوورت المستعمل في الوصفة ننصحكم بيه
صورة الكاس اللي عبرت بيه الفرينة
الطريقة :
1- نحط كاسرول صغيرة على النار فيها كاس ماء كبير حتى يغلي الماء نطفي ونحط الزبيب ونخليه ينقع حتى ينتفخ .
2- نغربل الفرينة .
3- في إناء نحط نصف كمية الفرينة مع السكر والخميرة والياوورت والبيضة والفاني ونخلط بواسطة مضرب يدوي حتى نتحصل على خليط متجانس وجاري .
2- نغربل الفرينة .
3- في إناء نحط نصف كمية الفرينة مع السكر والخميرة والياوورت والبيضة والفاني ونخلط بواسطة مضرب يدوي حتى نتحصل على خليط متجانس وجاري .
4- نغطي الصحن ونخلي الخليط يخمر …لازم نصبر عليه حتى يخمر مليح ويتضاعف حجم الخليط 2-3 مرات … هذه المرحلة أهم مرحلة إذا ماخمرش مليح مايجيش البريوش خفيف … ممكن تستغرق حوالي 1 ساعة… رايحين تلاحظو أنو الخليط ريحتو مليحة ومافيهش ريحة الخميرة نهائيا بالعكس ريحتو ريحة فواكه وفانيليا روعة.
5- بعد مايخمر الخليط نضيف باقي كمية الفرينة + الملح ( نكون غربلتو أيضا ) ونجمع العجينة .
6- الآن الخليط جاري ويلصق طريقة العجن نتاع البريوش نتاعنا مختلفة عن المعتاد شوية : نعجنها بحركات كأنو راني نجمع في العجينة من الحواف إلى وسط الصحن ونحاول نهز العجينة الفوق باش يدخلها الهواء ( كيما مالفين تشوفو المصريين في الافلام يعجنو الخبز نتاعهم ) …. هذه العملية تتطلب حوالي 5د.
نحي الغش والدمار اللي نتاجاتك راهو يحوسو بيهم رجالهم وانت محشورة في الكوزينة تعجني في البريوش وكل ماتقوليلو أشريلي بيتران يطيشك مايعطيك لاحق لا باطل .
7- لازم كي نهز العجينة بيدي كيما الصورة ماتتقطعش لازم كي تهزي العجينة الفوق تحسيها مطاطية وماتتقطعش تحسي العجن أصبح صعب لانو العجينة تقاومك بالمطاطية اللي فيها … معناها خلاص راهي واجدة ومعجونة مليح…. العجينة صح جارية شوية لكن هذا ضروري باش البريوش نتاعكم يجي خفيف وطري.
نحي الغش والدمار اللي نتاجاتك راهو يحوسو بيهم رجالهم وانت محشورة في الكوزينة تعجني في البريوش وكل ماتقوليلو أشريلي بيتران يطيشك مايعطيك لاحق لا باطل .
7- لازم كي نهز العجينة بيدي كيما الصورة ماتتقطعش لازم كي تهزي العجينة الفوق تحسيها مطاطية وماتتقطعش تحسي العجن أصبح صعب لانو العجينة تقاومك بالمطاطية اللي فيها … معناها خلاص راهي واجدة ومعجونة مليح…. العجينة صح جارية شوية لكن هذا ضروري باش البريوش نتاعكم يجي خفيف وطري.
8- الآن ناخذ مقدار 2 م ك زبدة طرية وكل مرة ناخذ شوية من هذي الكمية نطريها مليح بين يديا وننقل العجينة إلى طاولة العمل ونبدى نعجن باش تدخل الزبدة في العجين… ثم نزيد قطعة اخرى ندهن بيها يديا ونعجن … حتى نكمل كمية الزبدة نتاعي … رايحين تتحصلو على عجينة مخملية .
9- نرش الصحن نتاعي بشوية فرينة ونرجع العجينة ترتاح 15د باش نطرحها بسهولة.
10- ندهن طاولة العمل ( الرخام ) بشوية زيت ونطرح العجينة نتاعي على شكل مستطيل وتكون العجينة شوية رقيقة مثل الصورة.
10- ندهن طاولة العمل ( الرخام ) بشوية زيت ونطرح العجينة نتاعي على شكل مستطيل وتكون العجينة شوية رقيقة مثل الصورة.
11- نأخذ مقدار 2 ملاعق كبار زبدة طرية ونطريها مليح بين يديا وندهن بيها مليح سطح العجينة بدون ماندخلها في العجين يعني مجرد دهن.
12- نرش مقدار 2-3 ملاعق كبيرة سكر ونوزع كمية الزبيب نتاعي (بعد مانقطرو مليح من الماء ) على كامل العجينة.
13- نلف العجينة نتاعي برفق ولكن لازم نرخف يدي لازم نخلي فراغ شوية مانزيرش اللفات باش العجينة تلقى الفراغ وين تخمر والبريوش يجي خفيف ماشي معجن.
14- نغلق مليح الحربوش بيدي ونقطع بقطاعة العجين والعرض نتاع الحبات مثل الصورة مانعرضش بزاف .
12- نرش مقدار 2-3 ملاعق كبيرة سكر ونوزع كمية الزبيب نتاعي (بعد مانقطرو مليح من الماء ) على كامل العجينة.
13- نلف العجينة نتاعي برفق ولكن لازم نرخف يدي لازم نخلي فراغ شوية مانزيرش اللفات باش العجينة تلقى الفراغ وين تخمر والبريوش يجي خفيف ماشي معجن.
14- نغلق مليح الحربوش بيدي ونقطع بقطاعة العجين والعرض نتاع الحبات مثل الصورة مانعرضش بزاف .
15- ندهن صينية الفرن بالزبدة ( يفضل زبدة ماشي زيت ) ونحط حبات البريوش وحاولو تخليو فراغ كبير بين الحبات لأنو من بعد يلصقو في بعض ( انا بعض الحبات تنفخو بزاف لصقولي مع بعض ) .
16- نخلي الحبات يخمرو مليح مليح حتى يتضاعف الحجم نتاعهم ( هذا ايضا ضروري جدا جدا باش البريوش يجي خفيف وماشي معجن )…. لضيق الوقت انا جربت كيما الأخت زينب : حطيت شوية ماء يغلي في البرمة كي غلى الماء نقصت النار خلااااااص وحطيت الكسكاس وحطيت البلاطو فوق الكسكاس … حذاري هنا لازم النار تكون ناقصة خلاص باش العجينة تدفى برك ماشي طيب على البخار ههههههههه ….. مرحلة التخمير هذي مالفة تستغرقلي شوية وقت لكن بهذي الطريقة في نصف ساعة فقط تنفخو الحبات ماشاء الله .
17- نشعل الفرن يسخن على 180°.
18- ندهن البريوش برفق باش مايهبطش : بصفار بيض معاه رشة فاني وشوية برك بياض باش مايجيش الخليط ثقيل ويمشي بسهولة ونرش شوية جلجلانية من فوق ….. أنا نستعمل بانسو نتاع سيليكون للدهن مايهبطش الحبات بعد ماخمرو وماتحاولوش تحركو الحبات من مكانهم بعد ماخمرو تفسدولهم الطلعة … مايهمش إذا رايحين يلصقو في بعض المهم البريوش يكون خفيف .
19- لما يسخن الفرن ندخل البريوش للرف الوسطاني في الفرن …. حذاري راهو يحمار بسرعة من تحت ماتتحركوش من قدام الفرن يحتاج حوالي 10د فقط ….. مانحكيلكمش على الريحة كي يكون يطيب روووووووووعة أحسن من أي معطر جو منزلي هههههههه.
20- نهبط الصينية للرف السفلي ونشعل من فوق باش يتحمر البريوش وعسوه مليح .
21- بمجرد ما نخرج الصينية من الفرن ننزع الحبت من الصينية باش مايعرقش ونحطهم فوق شباك باش يبردو .
22- ندهن البريوش بلاجولي … طبعا ممكن تعضو لاجولي بعسل أو معجون لكن صراحة طعم لاجولي وحدو ننصحكم تستعملوه .
23- يقدم فورا مع القهوة والحليب
والله العظيم روعة يابنات ريحتو وطعمو والخفة ماشاء الله .
18- ندهن البريوش برفق باش مايهبطش : بصفار بيض معاه رشة فاني وشوية برك بياض باش مايجيش الخليط ثقيل ويمشي بسهولة ونرش شوية جلجلانية من فوق ….. أنا نستعمل بانسو نتاع سيليكون للدهن مايهبطش الحبات بعد ماخمرو وماتحاولوش تحركو الحبات من مكانهم بعد ماخمرو تفسدولهم الطلعة … مايهمش إذا رايحين يلصقو في بعض المهم البريوش يكون خفيف .
19- لما يسخن الفرن ندخل البريوش للرف الوسطاني في الفرن …. حذاري راهو يحمار بسرعة من تحت ماتتحركوش من قدام الفرن يحتاج حوالي 10د فقط ….. مانحكيلكمش على الريحة كي يكون يطيب روووووووووعة أحسن من أي معطر جو منزلي هههههههه.
20- نهبط الصينية للرف السفلي ونشعل من فوق باش يتحمر البريوش وعسوه مليح .
21- بمجرد ما نخرج الصينية من الفرن ننزع الحبت من الصينية باش مايعرقش ونحطهم فوق شباك باش يبردو .
22- ندهن البريوش بلاجولي … طبعا ممكن تعضو لاجولي بعسل أو معجون لكن صراحة طعم لاجولي وحدو ننصحكم تستعملوه .
23- يقدم فورا مع القهوة والحليب
والله العظيم روعة يابنات ريحتو وطعمو والخفة ماشاء الله . 
شوفو من داخل كيفاش طري وهشوش كي القطن والريحة ممممم 
بريوش رولي بالشكلاطة
ضرك نجيو لبريوش الفحلات ….. بريوش مقرمش كأنو PAIN AU CHOCOLATرائع يابنات جربوه تحححححححححححفة
ريحتو وطعمو مممممممم معاه تزيدي 10كغ في شهر
الآن الوصفة المعدلة :
المقادير:
250غ فرينة أي مايعادل 2 كيسان كبار+ 2-3 ملعقة كبيرة معمرة مليح فرينة
1 ملعقة كبيرة خميرة خبز
3 ملاعق كبيرة سكر
1 بيضة
2 علب ياوورت صومام نكهة فراولة نطهة الفانيليا وإذا ماتوفرش ممكن أي نكهة أخرى
1 ملعقة صغيرة فانيليا
1 ملعقة صغيرة ملح
1 ملعقة كبيرة زيت
ربع ملعقة صغيرة خميرة حلويات ( اختياري )
للتوريق : 150غ زبدة توريق
للحشو : 2 علب شكلاطة MINA مرابية ( مبشورة ) المهم تكون شوكولا بنينة
الصورة من موضوع ام كوثرالطريقة :
1-نغربل الفرينة .
2-في إناء نحط نصف كمية الفرينة مع السكر والخميرة والياوورت والبيضة والفاني ونخلط بواسطة مضرب يدوي حتى نتحصل على خليط متجانس وجاري .
3-نغطي الصحن ونخلي الخليط يخمر …لازم نصبر عليه حتى يخمر مليح ويتضاعف حجم الخليط 2-3 مرات … هذه المرحلة أهم مرحلة إذا ماخمرش مليح مايجيش البريوش خفيف … ممكن تستغرق حوالي 1 ساعة… رايحين تلاحظو أنو الخليط ريحتو مليحة ومافيهش ريحة الخميرة نهائيا بالعكس ريحتو ريحة فواكه وفانيليا روعة .
4-بعد مايخمر الخليط نضيف باقي كمية الفرينة + الملح ( نكون غربلتو أيضا ) ونجمع العجينة .
5-الآن الخليط جاري ويلصق طريقة العجن نتاع البريوش نتاعنا مختلفة عن المعتاد شوية : نعجنها بحركات كانو راني نجمع في العجينة من الحواف إلى وسط الصحن ونحاول نهز العجينة الفوق باش يدخلها الهواء …. هذه العملية تتطلب حوالي 5د.
لازم كي نهز العجينة بيدي كيما الصورة ماتتقطعش لازم كي تهزي العجينة الفوق تحسيها مطاطية وماتتقطعش … معناها خلاص راهي واجدة ومعجونة مليح…. العجينة صح جارية شوية لكن هذا ضروري باش البريوش نتاعكم يجي خفيف وطري.
6-نضيف 1 م ك زيت ونعجن حتى يدخل الزيت في العجينة.
7-نضيف 2 م ك فرينة ونجمع العجينة باش ماتكونش العجينة جارية بزاف ونقدرو نورقوها بسهولة فيما بعد .
8-الآن نرش طاولة العمل بشوية فرينة ونحط فوقها العجينة باش نغبرها مليح بالفرينة من كل الجهات باش ماتلصقش ونحطها في منديل قماش ثم في كيس وإلى المجمد لمدة 20د نخلي العجينة تبرد وترتاح …. أنا نستعمل قطاعة العجين تساعدني في العمل بزاف.
9-نطرح زبدة التوريق فوق قطعة بلاستيك ونحطها في المجمد.
10-بعد 20د نرش طاولة العمل بالفرينة بسخاء ونطرح العجينة نتاعي بالطول.
11-نرش الزبدة على الوجهين مليح بالنشاء ونحطها على العجين ونطوي العجينة على 3 وندور العجينة 90° ونرجع نطرحها بالطول ونطويها على 4 مثل الصورة…. ماتنساوش في كل مرة باستعمال الفرشاة تتخلصو من الفرينة الزايدة وحذار ي رشو مليح الفرينة مالازمش تلصق العجينة في الرخام نتاعنا باش ماتخرجش الزبدة … العجينة راهي طرية وجارية شوية.
12-نرجع نطرح العجينة ونطويها على 4 ونرجعها للمجمد 20د أخرى.
13-نرش طاولة العمل بسخاء بالفرينة ونطرح العجينة على شكل مستطيل ونوزع عليها كمية الشكلاطة المبشورة .
14-نلف العجينة على شكل حربوش مع ترك فراغ يعني مانزيرش وأنا نلف في العجينة.
15-نقطع الحربوش وماتكبروش القطع يعني نخلي 4سم ونقص .
16-ندهن صينية الفرن بالزبدة ( يفضل زبدة ماشي زيت ) ونحط حبات البريوش وحاولو تخليو فراغ كبير بين الحبات لأنو من بعد يلصقو في بعض ( أنا بعض الحبات تنفخو بزاف لصقولي مع بعض ) .
17-نخلي الحبات يخمرو مليح مليح حتى يتضاعف الحجم نتاعهم ( هذا ايضا ضروري جدا جدا باش البريوش يجي خفيف وماشي معجن )…. لضيق الوقت انا جربت كيما الأخت زينب : حطيت شوية ماء يغلي في البرمة كي غلى الماء نقصت النار خلااااااص وحطيت الكسكاس وحطيت البلاطو فوق الكسكاس … حذاري هنا لازم النار تكون ناقصة خلاص باش العجينة تدفى برك ماشي طيب على البخار ههههههههه ….. مرحلة التخمير هذي مالفة تستغرقلي شوية وقت لكن بهذي الطريقة في نصف ساعة فقط تنفخو الحبات ماشاء الله .
18-نشعل الفرن يسخن على 180°.
19- ندهن البريوش برفق باش مايهبطش : بصفار بيض معاه رشة فاني وشوية برك بياض باش مايجيش الخليط ثقيل ويمشي بسهولة….. أنا نستعمل بانسو نتاع سيليكون للدهن مايهبطش الحبات بعد ماخمرو وماتحاولوش تحركو الحبات من مكانهم بعد ماخمرو تفسدولهم الطلعة … مايهمش إذا رايحين يلصقو في بعض المهم البريوش يكون خفيف .
20-لما يسخن الفرن ندخل البريوش للرف الوسطاني في الفرن …. حذاري راهو يحمار بسرعة من تحت ماتتحركوش من قدام الفرن يحتاج حوالي 10د فقط ….. مانحكيلكمش على الريحة كي يكون يطيب روووووووووعة أحسن من أي معطر جو منزلي هههههههه.
21- نهبط الصينية للرف السفلي ونشعل من فوق باش يتحمر البريوش وعسوه مليح .
22-بمجرد ما نخرج الصينية من الفرن ننزع الحبت من الصينية باش مايعرقش ويبقى مقرمش ونحطهم فوق شباك باش يبردو .
23-ندهن البريوش بلاجولي … طبعا ممكن تعوضو لاجولي بعسل أو معجون لكن صراحة طعم لاجولي وحدو ننصحكم تستعملوه .
24-يقدم فورا مع القهوة والحليب
طعم الشكلاطة الذايبة وقرمشة البريوش فعلا رووووووووووعة …. أخيرا وصلت للوصفة اللي كنت حابتها . 
وهذي من داخل كيفاش طرية وخفيفة وهشوشة صدقوني رووووووعة 
وصدقوني ماتندموش إذا جربتوه ….. فقط نصيحتي إذا حابين ديروه لقهوة العشية أبداو فيه الصباح باش يخمر في راحتو وحتى تقدرو توجدوه من قبل وتورقوه وتحطوه في الثلاجة وفي الغد أو حتى بعد 2-3 أيام تخرجوه من الثلاجة وتشكلوه وتخمروه وطيبوه .
* ملاحظة : أنا نفضل ديما نعمل بريوش رولي بحشوة معينة باش يجي بنين يعني يجي طبقة عجينة ثم طبقة حشو ثم طبقة عجينة وهكذا أفضل من كي نعمل البريوش كرات يجيني سامط تاكلي غير في العجينة .
* هذا ماشي كرواسون لهذا ماورقتش البريوش كيما يلزم لأنو الكرواسون عندو طريقة التوريق الخاصة بيه ولكن فقط حبيت البريوش نتاعي يجي مقرمش شوية .
أتمنى نشوفكم طبقتو كامل بريوش الفحلات ماشي نتاع الخايبات هههههههههههه
تحياتي …………. لهومة 
ممممممممممممممممم يشهوا يعطيك الف صحة لهوبة
ما شاء الله يافنانة دا ئما مبدعةابداع لا متناهي
الف شكر لك
ما شاء الله رووعة جزاك الله خيرا و ربي يحفظك و يعطيك ما تتمني
يعطيك الصحة الهام والله غير يشهي امممم اطباقك كلها روعة سلمت يداكي
وااااااااااااو ،تحفة
كالعادة متالقة بوصفاتك ،ربي يجازيك
ما شاء الله رووعة جزاك الله خيرا و ربي يحفظك و يعطيك ما تتمني
يشهي يعطيك الصحة يا رائعة
ماشاء الله الهام دمت مبدعة ومتالقة دائما
روععة كعادتك جاري التطبيق لكن تاع الخايبات الله غالب ماعنديش الوقت ألف شكر و جازاك الله كل خير
ماشاء الله روعة يعطيك الصحة وشكرا على الوصفة
هايل يعطيك الصحة يالهلوبة
milles bravo ya fahlla et milles remercis et milles bisous sur votre front
vous meritez da3ouette khir ya notre grand chef
يهبل نموووت عالبريوش يعطيك الصحة انشاء الله نجربو
رووووووووووووووووووعة بريوش يهبل