لازم بطاطا مسلوقة او مغلية ارحيها بالفرشيطة وزيديلها ملح انا زدتلها شوية هريسة وشوية وصدر دجاج طايب ومفتت هادي خطوة اختيارية لانو ماكانش عندي لحم مفروم
حبة طماطم مقطعة مربعات صغيرة
حبة بصل مقطعة مربعات صغيرة
بيض حسب افراد العائلة
جبن طري انا ديما نستعمل نوع باربار نتاع ىالميزان
معدنوس وحشيشة مقطعين رقاق
واكيد اوراق البوراك انا استعملت المشريين
في صحن غامق نحط الورقة وندور البطاطا على الحواف نتاع الصحن ونشكل مربع نحط في كل جانب كمية من الجبن ونحط البيضة في الوسط ونرش شوية ملح وفلفل
ونحط كمية من البصل وكمية من الطماطم وانا متعودة ندر فوقهم كمية لحم مفرروم ماكانش عندي ونكملو برشة من المعدنوس والحشيش
نغلط الحبة من الجوانب الاربعة
نقلبها مباشرة بالصحن على كف يدي حتى تحافض على الشكل
نحطها في زيت غزير ومن المهم جدا جدا تكون النار متوسطة الى قليلة حتى تستوي البيضة من والوسط مهم جدا
كي نحطها نصب عليها الزيت بالملعقة حتى تتنفخ مليح ونخليها تطيب على مهلها ونقلبها من الجهة الثانية
كي تطيب نقطرها مليح مليح من الزيت ونزيد نحطها فوق منديل ولا ورق ماص ونقدمها
انا مانحبش البيض المستوي مليح على عكس عائلتي عملت حبتي نصف طياب
ملاحظة / اللي ماتحبش المقلي ممكن تدهن الحبات منفوق وتحت بشوية زبدة دائبة وتدخلهم الفرن على نار متوسطة حتى يتحمرو
__________________
شكرا عزيزتي على الطريقة و الشرح الوافي و أكيد تشهي كما باقي أطباقك أصلا أنا كنت نحوس على طريقتها ألف شكر
|
المشاركة الأصلية كتبت بواسطة rofia.sarah
 شكرا عزيزتي على الطريقة و الشرح الوافي و أكيد تشهي كما باقي أطباقك أصلا أنا كنت نحوس على طريقتها ألف شكر
|
العفو حبيبتي وطلباتك على العين والراس واي طلب آخر انا في الخدمة
بارك الله فيك اختي والله ربي يخلي لي كيفك دائما تفيدونا
شكرااااا
تشهي
بارك الله فيك أختي
|
المشاركة الأصلية كتبت بواسطة نور اليقين جيداء
بارك الله فيك اختي والله ربي يخلي لي كيفك دائما تفيدونا
شكرااااا |
وفيك بركة حبيبتي انا دائما في الخدمة وماتنساونيش بدعواتك ليا بالدرية الصالحة
ما شاء الله عزيزتي انا فالحقيقة ما جربتهمش من قبل لكن بطريقتك أكيد نجربهم يبانو روعة يعطيك الصحة فكرتيني برمضان ههههه
مشكووووووووووووووووووووورة
شكرا نينا
انا نديرهم لكن بالبيض والتون فقط ونطيب البيضة مليح على نار هادئة جدا
تحبها طايبة مليح
رائعه اختي ربي يرزقك اولاد صالحين
شكراااا يعطيك الصحة
طريقة رائعة و اكيد بنبنة من يديك يعطيك الصحة
YAATIK ESSAHA jamais jarbtha mais ajbetni bzffff
nchalah toslehli kifk
انت كيما ولادي يحبو البيض نص طياب يقوليلي البنة كيتسيل لبيض يعطيك الصحة راح يستفادو البنات بارك الله فيك