السلاك عليكم
يا خوتي انا العام هادا ان شاء الله عندي باك و لك انا تلميد كسول قريت الدوزيام فالليسي واشنو الله معلابالي واش كنا نقراو علابالي فالرياضيات الدرس تاع u1+u2…الخ برك و فالفيزياء هي المصيبة منعرف والو سيرثو الكيمياء يعني زيرو فوق زيرو نعرف غير تاع الميكانيك الطاقو الحركية و الكامنة ,,,الخ و العلوم نعرف غير الدرس الاول تاع العضلة ,,,هادو هما الدروس اللي نعرفهم فالدوزيام يعني عندي فكرة عليهم برك و لكن الحمد الله انا جيد في الانجليزية يعني الاول في الليسي ديما 18 و 19 و الفرونسي تاني الحمد الله مليح ,,انا كنت نقرا فالمتوسطة كنت نجيب المعدل غير ب 18 و لكن الله غالب طلعت لليسي طاح النيفو و العام هادا راني طلعت للنهائي و لكن بالتكوبياج يعني لولا اصحابي كنت منطلعش و المعدل تاع العام هادا طلعت ب 10 و المواد العلمية معدلتها كلها من تحت 6 و انا شعبة علوم تجريبية
الاستفسار تاعي يا جماعة هو اني حاب نظم روحي و حاب ندي الباك من فوق 14 رغم اني راسي فارغ و لكن عندي ارادة ان شاء الله قولولي واش ندير و كيفاه على الدروس تاع الباك في المواد العلمية هل رايحين يكونو مرتبطين بعضهم و قولولي واش ندير قبل الدخول المدرسي ان شاء الله
و ربي يحفظكم و صح عيدكم
راني كيفك خوي نقعد نستناو كيفكيف ورب يجيب الخير
دير الازم باش تدي الباك
انا تاني العام الجاي باك و انشاء الله يوفقنا ربي و انا نظن مادام عندك ارادة راه في يدك مفتاح النجاح و بقالك الجد و الاجتهاد و المثابرة و باذن الله نكونوا العام الجاي من الناجحين
ان شاء الله يا خاوتي
السلام عليكم أخي يجب ان لا تفقد الأمل أبدآ اجعل من الفشل بداية للتفوق
صدقني الرياضيات سهلة جدا جدا ما عليك الا ان تتابع الدروس لكن مع انك لم تدرس جيدا في السنة الثانية ارى انك قد تجد صعوبات
في البداية انا اقول لك هذا الكلام فقط لتعلم ان السنة الثانية هي القاعدة خصوصا الرياضيات يا خويا استعين بكراس العام الماضي للمراجعة و حاول ان تفهم الدروس قبل الدخول و استعين ايضيا بالدروس الخصوصية انصحك بهذا خصوصا مادتي الفيزياء و الرياضيات و العلوم
و بالنسبة لمادة الفيزياء يمكنك هنا ان تتابع الدروس المسجلة للاخ انيس صدقني سوف تستفاد منها كثير
https://djelfa.info/vb/showthread.php?t=1034385
و ان شاء الله ما يكون غير الخير لا تقلق
متشكر لكي جدا اختي
الفيزيا و الله مشكلة عويصة معها فالكيمياء ليست لدي اي معلومة عنها مند اولى ثانوي ممكن تخبرني اهم القواعد او الدروس التي ساحتاجها هادا العام ان شاء الله
كان الله في عونكم اخوتي
ههههههههههه هدا موضوع انا كتبتو ,,,,
الحمد الله تغيرت الامور في هده 6 اشهر الكيميا اصبحت لاباس و العلوم اصبحت رائعة و الرياضيات كدلك و كل المواد في النهائي راائعة ما عدا الفلسفة ,,بالتوفيق لتلاميد 2 ثانوية اللي كانو كيفي و للكل