يا الحراير جربت اكثر من وصفة جينواز او كيك وكامل ما يطلعوش و اما يطلعو وكي نخرجهم يهبطو وينو السبب والله تعقدت على وجه ربي مدولي دي استوس او الجزئيات اللي راني نغلط فيها سواء في الخلط او الطياب وحتي بعد الطياب و شكرا مقدما و ما تبخلوش على اختكم و الله حابة نتعلم وننجح
اختي ان شاء الله طبقي هذا الحاجات اللي رايحة نقولهوملك و باذن الله رايحة تتوفقي في الوصفات
-لازم الفرن يكون سخون مسبقا
– بالنسبة للجنواز لازم تخلطي السكر مع البيض لمدة 10 دقائق حتى يوليلك الخليط على شكل رغوة و يضاعف حجمه
-لازم المقادير تكون صحيحة
-متحليش الفرن اثناء الطهي
-لازم يكون المول مناسب مع مقادير الوصفة
ان شاء الله راني اعطيتلك شوية حلول على حسب تجاربي وبلاك يزيدو اخواتي في المنتدى يعطولك النصائح من خلال تجاربهم
نتمنالك التوفيق باذن الله
السر هو في الخلط حنونتي جربي هذي الوصفة ورديلي الخبر :كأس ونصف فرينة + نصف كأس سكر عادي +ملعقة صفيرة خمارة +3وملاعق زيت +فاني +5بيضات
الطريقة: نخلط البيض +ملعقة صغيرة فاني +السكر نخلط بخلاط كهربائي حتى يطلع ويصبح لونها يميل إلى اللون الأبيض نضيف الزيت .
نمزج المواد الجافة فرية +خمارة و نغربلهم ثم نضيفهم تدريجيا إلى المزيج الأول ونخلط بالملعقة من تحت إلى فوق باش يدخلها الهو وتطلع مليح ثم في المول وطيبيها . أنا ناجحتلي
|
المشاركة الأصلية كتبت بواسطة القسنطينية 84
 يا الحراير جربت اكثر من وصفة جينواز او كيك وكامل ما يطلعوش و اما يطلعو وكي نخرجهم يهبطو وينو السبب والله تعقدت على وجه ربي مدولي دي استوس او الجزئيات اللي راني نغلط فيها سواء في الخلط او الطياب وحتي بعد الطياب و شكرا مقدما و ما تبخلوش على اختكم و الله حابة نتعلم وننجح
|
بلاك راكي تجريها جربي كيك تاعي في هذا القسم مضمون 100/100
شكرا تحت اي اسم حاطتها
بعيد الشر عليك والله خلعتيني ربي يعيشك ويطول في عمرك
السلام عليكم، أختي لازم تزيدي الفرينة غير بالعقل باش ما يهبطلكش الخليط ولازم تزيدي الزيت مع الآخر.
ولازم الحاجة الي تخلطي فيها تون ناشفة زين و السكر لام يذوب زين
جربي وصفة فلة راهي تهبل و ناجحة
ana mana3erfouch mazelni sghira w nchalah tet3almi