السلام عليكم و رحمة الله تعالى و بركاته
بطلب من غاليالي"االمتحابات في الله"
جيت نشارككم بوصفة الشريك القسنطيني
نتمنى يعجبكم و تجربوه و تستمتعو بيه مع افراد عائلاتكم
ملاحظة فقط
هذه العجينة تصلح تعمل بيها شريك: فرينة+ سميد
او بريوش: فرينة فقط
نبداو بإسم الله
المقادير و هي جد بسيطة
250 غ فرينة+ 250غ سميد
4ملاعق كبار سكر/لي تحبه حلو تقدر ضيف السكر انا شخصيا نعمل 6 ملاعق كبار :d
4 ملاعق كبار زيت
4 ملاعق صغار خميرة الكسرة
شوية ملح
الحليب دافئ
ماء الزهر
زوج بيضات
زبدة
طريقة التحضير
فرينة+ سميد ضيفي عليها السكر+ الزيت+ الخميرة
بلي بالحليب دافئ مضاف له ماء الزهر كي قريب تكملي ضيفي الملح
اعجينها شوي بعدها
خلطي بيضة بالشوكة و ضيفي و اعجني
و زيدي البيضة الثانية بنفس الطريقة
راح تتحصلي على عجين يلصق باليد ديري شوي زيت لمي لعجين و خليه يخمر مليح
حتى يضاعف حجمه مليححححححح
بعدها ذوبي الزبدة/انا شخصيا نستعمل زبدة التوريق/
ضيفي بالشوي و اعجني
الزبدة ما تكثريش تقريبا 50 غ
بعدها لوزيهم و حطيهم في بلاطو مدهون بالزبدة و خليهم يخمرو للمرة الثانية
ادهنيهم بصفار بيضة و شوووية حليب
رشي عليه جلجلانية أو سكر لكي حرية الاختيار
و دخليهم الفرن
راه ما ياخدش وقت كبير في الطياب //غير نشم الريحة نطفي من تحت و نشعل عليه من فوق
صدقوني اخواتي راح تتحصلو على احلى شريك مع فطور الصباح اممممم
نتمنى يكون الشرح وافي خاصة و ان الموضوع مش مدعم بالصور :d
لكن راح نضيفهم غير يسهل ربي ان شاء الله
لكم مني اجمل تحية
خاصة حبيباتي لي نحبهم بزااااف
شكرا جزييييييييييييييلا اختي ام سراج
طليتي على قلبي
حابة نتعلمو
|
المشاركة الأصلية كتبت بواسطة قطيطوشة
 شكرا جزييييييييييييييلا اختي ام سراج
طليتي على قلبي حابة نتعلمو |
شكرا حبيبتي و الله فرحتيني غير قلتي طليت على قلبك
نتمنى تجربيه و تنجحي فيه
انا ثاني حابة نديرو لكن لخميرة وين راهي
بإذن الله نجربو مادام جربوه المتحابات في الله هههههههههههه
سخفوني بالصور تاعهم
و أكيد يجي مليح كي مولاتو
اختي ام محمد تاج
شحال تدير كعبة هاد الكمية
ياريت حطيتيه قبل الفاتحة تاع اختي كومونديناه وماكان ماكان
|
المشاركة الأصلية كتبت بواسطة ام الهضاب
انا ثاني حابة نديرو لكن لخميرة وين راهي
|
شكرا للتنبيه ذرك نعدل و نضيفها
|
المشاركة الأصلية كتبت بواسطة قطيطوشة
اختي ام محمد تاج
شحال تدير كعبة هاد الكمية ياريت حطيتيه قبل الفاتحة تاع اختي كومونديناه وماكان ماكان |
ههههه انا اختك ام سراج الدين
و الله حساب تكبري يما تصغري الحبة
و الله ماني مذكرة للأسف
|
المشاركة الأصلية كتبت بواسطة أم معاذ أم معاذ
بإذن الله نجربو مادام جربوه المتحابات في الله هههههههههههه
سخفوني بالصور تاعهم و أكيد يجي مليح كي مولاتو |
نحسب فيه راه يخمر هههههه
نضحك معاك غاليتي
شجعتيني نحطو موضوع
و نتمنى نفيد بيه الاخوات
مرورك عسل يا جميل
آسفة الله يعطيك الصحة
يعطيك الصحة ام سراج في انتظار الصور
انتظري تطبيقي
يعطيك الصحة ام سراج انا من الجماعة الى جربوه والله خرج روعة وهشيش خفيف ياعينى على ناس قسنطينة
يعطيك الصحة
يعطيك الصحة ام سراج الدين انا وحدة من المتحابات في الله لي جرباتو
بصح تحطي الفوتو نحط ماتحطيش مانحطش ههههههههههههههههههههههههههههههههههههههههههه
ايه كي غير حطيتيه كنت راح نطلب منك الوصفة شكرا جعلها الله في ميزان حسناتك