يا البنات اغيثوني و لو بكلمة طلع لي المورال اليوم درت مقروط الكوشة و جاني يابس و كل مرة يجيني يابس و الله سخفت ندير مقروط يفرحني احس نفسي فاشلة ماعرفتش السر تاعو هل في المقادير ام في الطياب تاعو ممكن تفهموني كيفاش ديرو باش يصلحلكم و يجي يذوب في الفم
شكرا لك حلوة رائعة وسهلة بارك الله فيك
حبيبتي هدا وين شمختو وغدوة ان شاء الله نديرو
وهده المقادير هزيتها من عند ماما وهي مضمونة بادن الله
وجامي فسدلي المقرود
درت 4 كيلات دقيق بكيلة زبدة دائبة
شمخت الدقيق بالزبدة ونخليه حتى الغدوة من داك ونديرو
والغرس داويها طبعا بالقرفة والطيب وشوية زبدة
ارجو ان اكون افدتك
وهدي صورتو …….. درتو ف العيد اللي فات
شكرا اختي على الرد بصح قوليلي طيبيه في الفرن ام في المقلة
العفو اختي بلا مزية
هدا نطيبو ف الفرن
انا كنت نتمنى مقروض يذوب في الفم وربي حققلي امنيتي بفضل أخوات المنتدى وجاني خفيف وهشيش حتى ماتقدريش تعسليه واليك المقادير
3كيلات سميد نوع جيد
1كيلة ماشي معمرة فرينة
كيلة زبدة لابال و وربعها زيت
قرصة ملح
خلطي الكل مع بعض وابقي امحكي مليح ما بين يديك لمدة ربع ساعة او اكثر حتى تحسي السميد تروى مليح من بعد خليه يبات والصبا اخدميه بلي بشوية وأخدميه وانشا الله يجيك كيما تتمنى وأحسن ( التمرة اعجنيها مليح بشوية زبدة او زيت وهرسيلها شوية جلجلانية + قرصة قرنفل + وشوية قرفة )
انشاالله وفيت وربي يعاونك
|
المشاركة الأصلية كتبت بواسطة rinna sousou
 يا البنات اغيثوني و لو بكلمة طلع لي المورال اليوم درت مقروط الكوشة و جاني يابس و كل مرة يجيني يابس و الله سخفت ندير مقروط يفرحني احس نفسي فاشلة ماعرفتش السر تاعو هل في المقادير ام في الطياب تاعو ممكن تفهموني كيفاش ديرو باش يصلحلكم و يجي يذوب في الفم
|
ياسوسو الجميلة
انت ناجحة بهذه المحاولة
بصح نقولك خاجة =جربي مقروط شهد العسل رووووووووووووووووووووووووعة
رايح يج=يييييييييييييك بنييييييييييييييييييين
يا عاشقة الجنة الشكل نتاع المقروط نتاعك بزاف شباب كيفاش داير الطابع الي قطعت بيه
شكرا للاخوات روسيا و salima1984 ربي يحفظكم انا طبقت تلك الوصفة بالتدقيق يعني اتعبعت المقادير بلا زيادة او نقصان الان فهموني في الطياب تاعو في الفرن هل يطيب من تحت برك و لا من تحت و نزيدولو شوية من فوق و المدة من فضلكم و شكراااااااااااا يا حبيباتي
السلام عليكم
مقادير المقرود:
3-كيلالت سميد متوسط
1-كيلة سمن
قرصة ملح
شوي جلجلان
ماء زهر
الغرس مداوي
في قصعة تاع العود نضع السميد والملح والسمن
ونبسس حتى إذا درت العجين كرة ورميتها في القصعة لم تتفتت
نضيف شوي جلجلان ونبدأ نشمخ بالشوي ونخدم المقرود تاعي
ونطيبو في الفرن
وإن شاء الله إيجيك كيما تحبي
سر المقروط لازم الفور يكون سخون بزاف و تشعلي من الفوق و من تحت
السلام عليكم
السر هو في نوعيةالسميد لازم يكون مليح
تاخدي الفرخ اي المتوسط ماشي الخشين وماشي الرقيق
2 كيلات ونصف سميد مقابل كيلة ايدام
انا درتو جاني هايل
لبلا كبير
عملت 5 كيلات سميد وعبرت بصحن الشربة المتوسط
2 كيلات ايدام (كيلة سمن المدينة مذاب و الكيلة الثانية خليط من ازبدة ستار وعلبة مارغرين) والزبدة كي تذوبيها نحيلها الماء اللي فيها
بسييه مليحه حكيه مليح
ولكي تعرفيه لكان مبسس مليح شكلي كوية وارميها اذا تفتت ناقص واذا قعدت كرية يعني مليح
وساعات لازم وقت يعني تحكيه مليح وتعطيه الوقت باش يشرب
كاين ناس يبسسوه في الليل في الصباح يبلوه ويخدموه
ثم بليه بماء دافئ مخلط معاه ماء الزهر
خليه يرتاح مليح وشكليه اذا لقيتي العجينة يابسة زيديلها الماء برفق باش ما يجراش
الغرس حطيلها القرفة والقرنفل والجلجلانية المحمصة وحطي فيها كذلك الجللانية المرحية تعطيه مذاق رائع
اتبعي وصفتي لانها من عند خبيرة في المقروظ صدقيني مكانش اللي ذاق مقروظها ومقالش مممممممم
ربي يعينك
معليش كلنا كنا منعرفوش بالشوية فقط
أختي لبنى بالنسبة للكرية لازم منين نعجبنها بيدي تقعد واقفة ماتنحلش وزيد انا درت وجاتني متكورة في يدي محطيتهاش ايا منين بديت نخدم أمي زادت الماء وعركت يعني بالشوية وتعرك وتزيد ماء بصح منين كنا نديرو الطابع ونحوه مرات يجينا متفتت من فوق لانو كنا مرات ندهنو طابع بزيت وكاين لي قالنا بالماء ومرات تانيك قبل مانحطو طابع نديرو شوية زيت باش يتلم العجين مليح لما نغلقو الحشوة
حقا انا استعملت زبدة صول نتع 250 غ في كيلو سميد ودرت شوي فرينة باش مايتفتحش يعني 3 مغارف منخولة
|
المشاركة الأصلية كتبت بواسطة روسيا55
انا كنت نتمنى مقروض يذوب في الفم وربي حققلي امنيتي بفضل أخوات المنتدى وجاني خفيف وهشيش حتى ماتقدريش تعسليه واليك المقادير
3كيلات سميد نوع جيد 1كيلة ماشي معمرة فرينة كيلة زبدة لابال و وربعها زيت قرصة ملح خلطي الكل مع بعض وابقي امحكي مليح ما بين يديك لمدة ربع ساعة او اكثر حتى تحسي السميد تروى مليح من بعد خليه يبات والصبا اخدميه بلي بشوية وأخدميه وانشا الله يجيك كيما تتمنى وأحسن ( التمرة اعجنيها مليح بشوية زبدة او زيت وهرسيلها شوية جلجلانية + قرصة قرنفل + وشوية قرفة ) انشاالله وفيت وربي يعاونك |
يا اختي هاذ الوصفة تع المقروض طيب في الكوشة ولا ينقلى في الزيت؟؟؟؟؟؟؟؟؟