كيفية تحضير نوعين من المقروض لخاطر عيون حبوباتي السلام عليكن حبيباتي
اليوم نبدا معاكم بطريقة جد سهلة عملتها اليوم خص نص من اجل عيون حبيبة قلبي نوال
نعطيكم المقادير وممبعد نحط التصاور تنطق وحدها هههههه
على خاطرش ماعنديش الوقت وكيندخل ونلقى اي سؤال نجاوب عليه وهكذا تتضح الامور وانا تحت امركن جميعا
المقادير:
3كيلات غير ربع سميد ووربع كيلة فرينة + كيلة سمن + قرصة ملح ونبدل بماء الزهر
وبالنسبة للغرس نحيلها ربع مورسو ونقيها مليح وحطيلها قطعة سمن + ماء الزهر وعجنيها
لبنات الكيلة في المقروض انا ديمة نستعمل باطة طماطم صغيرة ككيل
لموممبعد نقسم لعجينة على 2 ونديرولها كيما ربراج
ونسبطوها في سنيوة
ولما طاب نخرجوه ونسقيوه بلعسل وهو سخون
ممبعد تزيد تنشف شوي ونوريلكم الحبة كيفاش تجي
وكنت عند وعدي واتاسف عن التاخير
هاهو شكله النهائي
وعذرا منكن حبوباتي نسيت باش نقولكم بلي نحطو في الغرس كمية من الكوكاو محمص ومرحي لمن اراد دالك طبعا وايضا القليل من القرفة
يتبع ان شاء الله
منقول االامانة
يعطيك الصحة حنونة الله يبارك شكرا لك
بارك الله فيك على النقل المفيد
qشكرا اختي هذي فكرة جديدة ومليحة نبذلو شويا
طريقة هايلة لوكان نقشتيه بالنقاش يجي يهبل
يعطيك الصحة ام خيرو على طريقة جديدة …. شكله رائع
بارك الله فيك
فكرة هاااااااااااااايلة و جديدة يعطيك الصحة
واش راكى يا ام خيرو
فكرت المقروض مليحة بارك الله فيك
صح فطورك
شكرا لك شكرا لك
جاك يهبل ان شاء الله نجربو.على خاطر خاوتي وسلافي يقولولي كلش غير المقروط ما تلعبولناش فيه 
يشتيوه نتاع بكري.يعطيك الصحة.
شكرا و الله فكرة هايلة
تبارك الله عليك الله يعطيك الصحة فكرة شابة و جديدة
شكرا فكرة رائعة انا بقالى شوية غرس من تاع العيد
ان شاء الله نجربو و نردلك بالخبر
يعطيك الصحة ام خيرو على طريقة جديدة …. و سريع فى تحضير
يعطيك الصحة اختي