السلام عليكم و رحمة الله و بركاته
بسم الله
للأمانة هي وصفة الشاف فلة 
, بتطبيق مساعد الشاف أنا أمهم هههههه
يعني الوصفة من إقتراح فلة و التقديم من مطبخي 
الطريقة :
تسلقي 1 كلغ بطاطا في ماء و ملح و كركم (اختياري). (أنا هنا كانت الكمية أقل: تقريب 1 كغ إلا ربع)
إرفسيه بالشوكة مليييييييح حتى تتحصلي على عجينة مثل الصورة اللي تحت, و بعد أضيفي 1 م ص خميرة حلويات, ملح, بهارات (هنا حطيت بهارات الدجاج : كليل و زعتر و ريحان…..), 3/4 ك خبز مرحي , 1 م ك زبدة طرية
أعجنيهم مليييييييييح , تتحصلي على هذه العجينة :
كنت محضرة الحشو من قبل , و هو اختياري !!!!! يمكن باللحم المفروم و يمكن بالدجاج , هنا استعملت 2 صدر دجاج ( و كانت الكمية كبيييييرة يعني يكفيكم صدر واحد )
قليت لحم الدجاج مع بصلة صغيرة مقطعة, زيت زيتون, ملح فلفل أسود, بهارات, م طماطم معجونة, و 1 طماطم مبشورة (أنا دايما عندي طماطم مبشورة مثلجة ههههه للوصفات السريعة !!!!!), تشوفوه الحشو هنا في الصحن على جنب :
التشكيل : (تشبه طريقة المقروض العادي)
رشي على مكان العمل شوييييية خبز مرحي, شكلي في ايدك حربوش طويل من البطاطا, حطيه و اضغطي في الوسط حتى تحضري مكان للحشو
حطي الحشوو و اضغطي شوية بقفا ملعقة :
لمي الجوانب باستعمال الأصابع, برفق ههههههه شوفو هنا الرقة ههههه:
اقلبي الحربوش, و حسني من الشكل,
حاولي تطولي في الحربوش : اضغطي من فوق بصوابع ايدك اليمين و بصوابعك اليسار حددي عرض الحربوش, إن شاء الله تكونو فهمتوني : المهم ركزو هنا من النتيجة تفهمو كلامي هههه:
(و ما تعملوهاش رقيقة برشة!!!!! يعني متوسطة الحجم)
قصيهم في شكل مقروض, زينيهم بالنقاش, و حطيهم في طبق مدهون بالزيت : (او افرشي عليه الألمنيوم و ادهنيه بالزيت
ادهني المقروضات بشوية (حليب و أصفر بيضة) :
في هذه المرحلة تقدري ترشي عليهم جلجلان :
حطيهم في فرن سخون 220 درجة, النار من تحت و من فوق, و حطي الطبق في الوسط, خليهم حتى ياخذو اللون الذهبي :
بعد ما يبردو شوية , قدميهم : يمممممممممممممممممي يمممممممممممممممي تعجب الصغار و الكبار 
ربي يجازيك كل خير يا فلة , وصفة هايلة
نتمنى تجربوها , ساااااااااااااااااهلة و بنيييييييييييييييينة 
اممممممممممممممممم باين يهبل يعطيك الصحة ,, اعطيني وحدددددددددددة ندوقها سخفت ههههه
عيشك ممكت تعيطني الرابط تاع الوصفة ؟؟
بصح حطيلهم الوصفة ههههههههههههههه
اختي عيشك وشنهي هداك لي داخل قصدي الحشو
اعطيلي المقادير بالضبط وشكرا
مرسي ليك
هايلة يعطيك الصحة انت وفلة ياشافات
البارح جربت الكيكة انتاعك جاتني فوووووووووووووووور الله يحفظك
شكرا لكي انتي يا صديقتي ♥♥
يعطيك الصحة…فكرة مليحة و شكل جميل…
waaw raw3a merci om omham
merci
3jabni bezaffff
فكرة هايلة تبارك الله عليكم يا شافاااااااااااااااااااااااااااات
أممممم باينة تهبببببل
وجديرة بالتجريب
ان شاء الله نحاول نجربها
مشكورتان هيهيهي
^^
يعـــــــــطيــــــــــك الصــــــــحــــــة
وااااو روعة تسلم الأيادي
يعطيك الصحة عزيزتي انا امهم و كل الشكر لحبيبتي فلة
هاد المرة سامحتكم المرة الجاية نديرلكم جمركة ههههه