مساء الخير اخواتي بقسم الديكور
راني حاطة موضوع خاص كانت طلباتو مني اختي كارمن
وراني اسفة جدا لتاخري في الرد عليك اختي كارمن
والله مشغوليات العمل و ارتباطي بعدة دورات في المنتدى خلاني ننسى
لكن راني وعدتك والحمد لله قدرت نوفي بوعدي ونحطلك المخطط
اختي كارمن المخطط ابتدائي فقط وليس مخطط معماري مكتمل
بينت من خلالو الاشياء الاساسية
انتبهي معاي للشرح
ساحاول الشرح بالعربية حتى ابتعد عن المصطلحات التقنية ومانتعبش الاخوات معاي
اولا عملتلك ساحة خارجية يعني المدخل الاساسي و مبعد ساحة خارجية
هذه الساحة تستغليها كيما تحبي ممكن تديريها شكل جنينة صغيرة وفي نفس الوقت استغليتها باه نحل فيها نوافذ الغرفة
نوافذ غرفة الجلوس تفتح مباشرة على الشارع
عملتلك فيراندا في الجزء العلوي للمخطط
و عملت الدوش والمرحاض فيهم نافذتين تطل على الفيراندا وهذا استغلالا لدخول الهواء
المطبخ وغرفة الطعام كذلك في الجزء العلوي وانت حبيتيهم مفتوحين على بعض نخليلك الاختيار كيفاه تخدميهم
و كاين فتحة للتهوية بين المطبخ والفيراندا
كاين هول لتوزيع la circulation
لكن الغرفة الثانية للاسف مالقيتلهاش وين نفتح ليها فتحة للتهوية عملت بابها مقابل للباب الي يدي للفيراندا باه كي يتفتحو الاثنين يكون كاين تغيير للهواء
كذلك احسن مكان للدرج هو هناك ممكن الفتح نتاع الباب نتاعو فوق يجيب الهواء للهول في ايام الصيف
و كيما نقولو يجيبلكم البحري للدار
اما عن موقع المطبخ و الفيراندا والدوش و المرحاض راني نشوف فيه احسن شيء وذلك باه تكون
installation gaz
eau
assainissement
ماشية مع بعض و ماتتعبوش في le branchement
اتمنى نكون افدتك اختي كارمن
واي ملاحظات راني هنا لتعديلها اذا قدرت
رغم انها هذه الحلول الوحيدة لي لقيتها
لانو الواجهات الثلاثة عندك مغلوقة بالجيران
وثانا راعيت مسار الشمس في المخطط
و بهذا نكون استوفيت اغلب الجوانب المعمارية
نتمنى يكون في المستوى
رغم انو اختصاصي
الله يعطيك الصحة اخت فيفي
كنت متبعة موضوع كارمن من الاول ومنتظرة معاها المخطط
نتمنى يعجبها
|
المشاركة الأصلية كتبت بواسطة قطيطوشة
 الله يعطيك الصحة اخت فيفي
كنت متبعة موضوع كارمن من الاول ومنتظرة معاها المخطط نتمنى يعجبها |
العفو اختي وانت عجبك والا لا
على فكرة الاخت كارمن لم ترد بعد مازال ماظهرتش
يعطيك الصحة اختي فيفي والله راكي شاطرة عحبني المخطط يمكن نقدرو حتى حنا نديرو عليه
رانا شفناه قبل مولاتو
|
المشاركة الأصلية كتبت بواسطة chiraz16
يعطيك الصحة اختي فيفي والله راكي شاطرة عحبني المخطط يمكن نقدرو حتى حنا نديرو عليه
رانا شفناه قبل مولاتو |
الله يسلمك اختي شراز
شفت الاخت كارمن مابانتش اليوم
|
المشاركة الأصلية كتبت بواسطة fifiarch
العفو اختي وانت عجبك والا لا
على فكرة الاخت كارمن لم ترد بعد مازال ماظهرتش |
أيه عجبني بزاف لأانك استغليتي اكثر المساحة من المخطط لي اقترحتو كارمن
رانا نستناو كارمن ونشوفو رايها
لكن للاسف المنتدى ليوم محبش يتفتح
بالنسبة للمخطط فعلا صدق من قال ادي الطحين لخبازوا
وانتي ابدعتي الله يبارك فيك وجزاك الله كل خير
ابدعتي وكلشي فيه مدروس بعناية ودقة خانتني العبارات والله
ليك مني احلى التحيايا وأجمل باقة تعبر عن تقديري و امتناني
|
المشاركة الأصلية كتبت بواسطة karmine30
المفروض نكون أول من ترد
لكن للاسف المنتدى ليوم محبش يتفتح بالنسبة للمخطط فعلا صدق من قال ادي الطحين لخبازوا وانتي ابدعتي الله يبارك فيك وجزاك الله كل خير ابدعتي وكلشي فيه مدروس بعناية ودقة خانتني العبارات والله ليك مني احلى التحيايا وأجمل باقة تعبر عن تقديري و امتناني |
ايه والله حتى اننا تعبت باه دخلت للمنتدى كنت نحسب الميكرو نتاعي كاشما بيه
معليش المهم كي عجبك المخطط
و هكا نكونو كامل مستفيدين
يعطيك الصحة
رجعتيني للدومان
عندي اشهر مللي تخرجت ماخدمت حتى خط
الحمد لله انو نال رضاك
واي شيء اختك راها هنا انت او باقي الاخوات
ولا عندكم ارشيتاكت للمنتدى
تسلمي حبوبتي الله ينورك وينورك
وينولك كل ما في بالك
يوم عن يوم يزيد اعجابي بيك
والله عجز لساني عن التعبير
اهديك قبلة على جبينك
دمت بهذا العطاء
وجزاك الله الجنة
|
المشاركة الأصلية كتبت بواسطة لآلئ
تسلمي حبوبتي الله ينورك وينورك
وينولك كل ما في بالك يوم عن يوم يزيد اعجابي بيك والله عجز لساني عن التعبير اهديك قبلة على جبينك دمت بهذا العطاء وجزاك الله الجنة |
الله يخليك لؤلؤتي
والله فرحتيني
واش عجبك البلو
بوه عليا قالت اختي كرونو
وانا قاعدة هكاك بلا خدمة
مع الادماج نروح نقعد نقعد ونروح ماكان ولا شيء
|
المشاركة الأصلية كتبت بواسطة fifiarch
الله يخليك لؤلؤتي
والله فرحتيني واش عجبك البلو بوه عليا قالت اختي كرونو وانا قاعدة هكاك بلا خدمة مع الادماج نروح نقعد نقعد ونروح ماكان ولا شيء |
والله تستاهلي احلى الأشياء واحسنها
وندعيلك من قلبي يفتح عليك
واللي يحبو ربي يحبب فيه الخلق
|
المشاركة الأصلية كتبت بواسطة لآلئ
يفرج ربي ان شاء الله
والله تستاهلي احلى الأشياء واحسنها وندعيلك من قلبي يفتح عليك واللي يحبو ربي يحبب فيه الخلق |
الله يخليك ليا يا لؤلؤتي
|
المشاركة الأصلية كتبت بواسطة fifiarch
ايه والله حتى اننا تعبت باه دخلت للمنتدى كنت نحسب الميكرو نتاعي كاشما بيه
معليش المهم كي عجبك المخطط و هكا نكونو كامل مستفيدين يعطيك الصحة رجعتيني للدومان عندي اشهر مللي تخرجت ماخدمت حتى خط الحمد لله انو نال رضاك واي شيء اختك راها هنا انت او باقي الاخوات ولا عندكم ارشيتاكت للمنتدى |
فيفي العزيزة لكي مني باقة شكر
عرفانا على مجهودك وعطائك ولو بيدي لأعطيتك وسام التميز و العطاء
ولي رأيي لو قبلته فبه تبقين على حسك الابداعي ولا تضيع دراستك سدا
لو تتفقي مع المشرفين على هذا القسم على تغيير العنوان الذي تختارينه
بحيث تقوم كل عضوة بطلب مخطط أو ديكور معين وتعملين على انجازه
ويكون هذا الموضوع مثبت
هذا ان سمح وقتك وانا كلي ثقة في سعة قلبك
تقبلي انتي وكل اخواتي أجمل تحياتي
|
المشاركة الأصلية كتبت بواسطة karmine30
فيفي العزيزة لكي مني باقة شكر عرفانا على مجهودك وعطائك ولو بيدي لأعطيتك وسام التميز و العطاء ولي رأيي لو قبلته فبه تبقين على حسك الابداعي ولا تضيع دراستك سدا لو تتفقي مع المشرفين على هذا القسم على تغيير العنوان الذي تختارينه بحيث تقوم كل عضوة بطلب مخطط أو ديكور معين وتعملين على انجازه ويكون هذا الموضوع مثبت هذا ان سمح وقتك وانا كلي ثقة في سعة قلبك تقبلي انتي وكل اخواتي أجمل تحياتي |
الله يسلمك اختي كارمن
ايه علاش لالا
لكن اخاف اني مانقدرش نكون دايما تحت الطلب
ان شاء الله مرة على مرة نعود ندخل للقسم ونشوف طلبات الاخوات
و ربي يقدرني على مساعدة الكل
تقبلي مني احلى سلام اختي الغالية
