مشكلتي هي جار السوء تسكن بحذانا جارة وهي من أقربائي ملي كبرنا وهي دايمن تكيدنا المكائد ودائما نقابلو إسائتها بإحسان بحكم الجورة وبحكم القرابة
هاذ الصيف وتحديدا بعد رمضان كانوا يجوا ناس خدامة حذانا ولينا يوميا نخرجولهم الماء البارد لوجه الله وتديه بنت خوي صغيرة هاذ الخدامة دايمن يكرمو بنت خوي إما بالمال وإما بأموركحلويات أو فاكهة أو ماشابه من أكلهم اللي يحملوه تطييبا لخاطر لبنت خوي مع أننا حاولنا نخلوها ترفض باش ما يوليس الماء لي يدوه بمقابل علما أنو بنت خوي عندها أربع سنين فقط
وهنا بدات المشاكل هاذ الجارة وبنتها وجارة أخرى كل يوم يعسو فينا ووصل بهم الأمر أنهم يعايرونا بلي حنا طماعين ووو وكل هذا وحنا صابرين لخاطرش الماء كنا قاصدين بيه وجه ربي
لمدة شهر ونص وحنا هكا في يوم ما صبرتش الجارة وولت تخرج حتى هي بنت بنتها المطلقة وترسل حتى هي الماء الأمر هاذا عادي وكل واحد ونيتو ____ لكنهم طلبوا من بنتهم تضرب بنت خوي وما تخليهاش تدي الماء ولما الخدامة يعطوهم شيئ يتقاسموه تديه وحدها حنا قلنا ما عليش ما يهمش لكن أذاهم زاد ورفعوا صواتهم علينا وخلاونا نغلقو باب دارنا وما نزيدوش نمدو الماء تفاديا للمشاكل
وجات الجارة لبيتنا وتهدت عليا وعايرتني بكلمات هابطة قتلها إلى على الماء ما رايحينش نمدو رانا خلينالكم الطريق وحدكم قاتلي تحبي ولا تكرهي انا نمد نمد وزاد وين بنتها المطلقة عيطتلي في التليفون وقالت كلام قاسي وصلت وين سبتني ووالله ما رديت لا عليها ولا على أمها وخليت كلش لربي
مع العلم أنو هاذ الخدامة عمرهم ما شافونا وهما من كثر إصرارهم وصل وين خرجت بنتها بشعرها الأصفر للخدامة __ وصل وين الجارة لوخرا خرجتلهم هي بنفسها
يا خاوتي أنا قررت نبتعد عنهم نهائيا السلام وما نقوللهمش نهائيا لأنو وين يوصل الحسد حتى في الصدقة ما بقاتش الدنيا
الله يرحم ليكم والديكم كون جيتو في بلاصتي واش رايحين تديرو ؟؟؟
جوارين دايمن يعاملونا بالسوء وقصة ليوم غيض من فيض ولي مخبي أكثر وأكثر وتخيلو تأذي فينا وحنا مسلفينلها دراهم
شورو علي هل قراري صائب ؟
السلام عليكم
لا حول ولا قوة الا بالله ………… هذه الجارة وربي يعلم لم تحسدكم على الصدقة بل خشيت ان يعجب بكم احد العمال ويطلب الزواج ……… في مجتمعنا خاصة الاقارب حسدهم اتجاه البنات لما يخطبوهم يديروا المستحيل حتى يتعطل مشروع الزواج ولا يتم ……… ونساوا بلي ربي هو الرزاق وهو المعطي وهو المانع سبحانه ……………….
ربي يهديها ويهدينا اجمعين ………… والله المستعان
سبحان الله ملقيتش واش نقول
رايي راكي درتي الصواب
هذم مرضي نفسيا يغاروا منكم
وصراحة كي تسكتوا يزيدوا يكلبوا كثر وكثر انا منيش نشجع على عنف إنما لصبر
حدود كون بقات هكذا يلحقوكم ويفسدولكم حياتكم
يلزم تحمروا العين
والله اختي ربي يفرج عليك اظن ان المنافسة كما قال من سبقني هو في انهم يطمحون ان يزوجو بناتهم وكل شئ بيد الله اصبري اختي ولن تاخذي الا ماكتب الله لكي والمهم ان تحاولي ان تبقي علاقتك بيهم سطحية حتى تتفادي المشاكل وكل العائلات الجزائرية تعاني من هذا المشكل والطفلة كي تلحق 30 وما تتزوج تدير مشاكل حتى في دارهم وتولي تحسد وتغير حتى من خاوتها ربي يهدينا ربي يفرج على الجميع
كيما قالولك خافوا تتزوجوا الله يهدي ما خلق
اذا قدرتو بدلوا السكن والا اصبروا وحاولوا ما تتزينوش قدامهم و ديروا كل شيئ في السترة و حاولوا تعاملوهم بالتي هي احسن لعل وعسى
لانو لو عاندتوهم راح يزيد عليهم الحال وكاشما يديرولكم حوايج كبار لا قدر الله مثل السحر نصيحتي قابلو الاساءة بالاحسان بدون ما تختلطي بيهم وتاكلي ماكلتهم ولا تمديلهم حوايجك
ربي يستر
اصبري، لقد كان لنا جار لديه 17 ولدا وبنتا يهودي من الطراز الاول هو وزوجته وابناءه حتى لقبه الجيران بشمعون. ولكن الزم كان كفيل بأن يعيد الامور إلأى نصابها. ماتت زوجته بالسرطان واصيب هو بالزهايمر وابناءه تشننوا واصبحوا اضحوكة الناس. حاولي ان تتافديهم ولا تكثري جدالهم والزمن عن قيرب سوف يضع لكل نهايته
هاذو مرضى نفسيين و مهابل ديري عليا غير ماتعمريش راسك بيهم حنا تاني كانو عندنا جيران كيما هادو يغلقولنا الطريق و يرمولنا الزبل حاشاك قدام بابنا و يحرشوا ولادهم الصغار يتيروا بالحجر على التيقان مي كي ماقيمناهمش و ماهدرناش معاهم صدقيني غير ليوم يتلاقاوني في الطريق يهبطوا ريسانهم ربحوا غير العيب برك الجيران كامل عرفوهم بلي مايسواوش … هذي هي العقلية اللي لازم تتعاملي بيها مع هاذ اليهود يدرولكم في المشاكل غير باش تهدروا معاهم ماتقيموهمش ماترموا عليهم السلام يخلوكم في حالكم
يااختي والله لو تعلمين ادى جيراننا لنا وخاصة لابي رغم احسانه اليهم لاعتبرتي المشكلة ليست مشكلة اصلا المثل يقول اتق شر من احسنت اليه ربي يهدي هدو الناس والاعمال بالنيات المهم نويتو الصدقة وهوما خليهم لنيتهم
لو اني في مكانكم لن اتوقف عن التصدق بالماء حتى ولو لم يعجبهم الامر لاني اعرف نيتي ولي مايعجبش الحال ماعندي مانديرلوا