السلام عليكم ورحمة الله وبركاته
انا فتاة جامعية ، واواجه مشكلة اود استشارتكم فيها
احد زملائي يود التقدم لي وطلب رأيي قبل الرسميات
وبالنسبة لي لا اعتراض لي عليه فنحن ندرس معا من المتوسطة وكل منا يعرف طباع الاخر و اخلاقه وطريقة تفكيره
ولكن مشكلتي انني اكبره بحوالي ستة اشهر ، و اعلم تمام العلم ان عائلتي سترفض 
. فاحد اقربائي تزوج فتاة تصغره بسنة و قد تقبلوا الامر بصعوبة ، فما بالك في حالتي ؟
انا اعرف هذا الشخص جيدا و اجدنا مناسبين بعضنا للغاية و لكني خائفة من رفض عائلتي و لا اريد تعريضه لهذا الرفض .
ارجوكم ارشدوني ماذا افعل ؟؟ انا وحيدة بين اخوة ذكور و من المستحيل ان افاتح امي في الموضوع فمابالك ابي ، لاني خائفة ان يتهموني انني كنت في علاقة معه و انا بريئة من هذا
ما الحل ؟؟
سبقتي انواع البلاء الكل يا بنتي بالاك ما يكون غير الخير هذا برك خوفك لا يترفض
و العمر واش يعني 6 اشهر راكم في نفس العام تقريبا العني ابليس هلى هدرتك مقتنعة بيه و كاراكيش حابة تخسريه ايا الفحلة خبري امك و فرحينا بالقبول ربي يسرها في وجهم يا رب
وعليكم السلام ورحمة الله وبركاته..
تقولين: كل منا يعرف طباع الاخر و اخلاقه وطريقة تفكيره
وفي نفس الوقت تظنين أنك لم تكوني على علاقة معه؟!! أي براءة هذه؟!!
سموا الأشياء بأسمائها بارك الله فيكم
لا أدري هل يمكن أن نسمي مشكلتك مشكلة
يعني في اليوم الذي سيخطبك سينظرون لشهادة ميلاده بل شهر ميلاده !!
هناك أولويات لدى كل العائلات تقريبا أولها الجاهزية المادية والأخلاقية للشاب
هل فكرت في هذا؟ هل هذا الشاب عامل مستقر؟ هل يملك بيت أو سيسكن مع عائلته؟
أمر الست أشهر هو آخر ما يمكنك أن تفكري فيه إن كنت عاقلة وجاهزة للزواج حقا والله أعلم
وإن كانت عائلتك تجعل من هذا الأمر سببا للرفض فهو أفضل بالنسبة للشاب على الأقل
ربي يصلح حالكم..
اختي العمر ماشي مشكل ادا. من مكتوبك واحد مينحيه
صلي صلاة استخارة و ادا كان فيها خير رب يسهلك
قوليلو هوا يروح للبباك ولا واحد من خاوتك يهدر معاهم امبعد ساهل بالاك يعجبهم و يرتاحولو
رب يجيبلك لي فيها الخير اختي
فارق 6اشهر انا مانشوفوش مشكل لكن الصح ايلا راه خدام ايلا عندو الدار يعني ايلا قادر يفتح بيت هدا هو االمهم
و انشالله ربي يجيب اللي فيه الخير
يالاخت الكريمة اولا ابداي ضلاة الاستخارة عوديها قداش من مرة و فاتحي امكي ادا قبلت و قبل بوك اتوكل على الله و ربي يكمل و ادا رفضو ربي يسهل على كل و حد و خليك من المشاكل و راي والديك هو كلشي و ان شاء الله خير
6 أشهر أظنها ليست بمشكل المهم ان ترضين به ويرضى بك
أما الأهل فالأحسن تكلمين أمك في الأمر فان قيلت فلا بأس
والا فحاولي اقناعها بالفكرة موفقة بحول الله
فرق العمر لا يمثل مشكلة على المدى القريب، لكن هل فكرتي في استعداده المادي وقدرته فعل على الزواج اما يجب ان تنظري لسنوات بعد توظيفيه والتجهيز وما يحتاج الامر من امور ضرورية ، في مثل هذه الامور ان يجب ان يكون العقل هو الحاكم الاول و الاخير
سلام اولا اقول لكي الف الف مبروك اما فارق العمر كل مايهمك هو يعلم وموافق هذا هو المهم اما عن الاخريين فتحدثي مع امكي وليس بالضرورة اخبارهم ربي يهنيك
|
المشاركة الأصلية كتبت بواسطة مشكلتي
 السلام عليكم ورحمة الله وبركاته
انا فتاة جامعية ، واواجه مشكلة اود استشارتكم فيها ولكن مشكلتي انني اكبره بحوالي ستة اشهر ، و اعلم تمام العلم ان عائلتي سترفض ارجوكم ارشدوني ماذا افعل ؟؟ انا وحيدة بين اخوة ذكور و من المستحيل ان افاتح امي في الموضوع فمابالك ابي ، لاني خائفة ان يتهموني انني كنت في علاقة معه و انا بريئة من هذا ما الحل ؟؟ |
ماشي مشكل أختي العزيزة العمر نقولك نعتيلو بباك او خليه يحكي معاه في قهوة الرجال يفهمو بعضاهم
لي فيها الخير ربي يكتبهالك إن شاء الله
العمر ماشي مشكل و خاصة و أنو 6 أشهر فقط،نتي حاولي تخفي الأمر على الناس و لكن صارحي امك باه هكا ما تخلي لحتى واحد حجة باه يدخل في حياتك الشخصية و ربي يسهلك و نعود نقولك بلي العمر عمررررررررررووووو ماكان مششششششكل و خاصة أنو ماش بيناتكم سنوات لدرجة وين يبان الفرق و حتى و لو سنوات هادي حياتك الخاصة
خلعتيني كي قلتي الوحيدة بين اخوة دكور نحسبك ..انا ههه
العمر ليس مشكلة ادعي ربي يسهلك و يقدملك لي فيها خير
شوفي انت في هاد الوقت راكي تحكمي في قلبك وعاطفتك أكثر
بصح لازم تحكمي عقلك
هذا راه مازال ما تخرجش وما عنده لا عمل ولا بيت ولا شيء
وما تقوليش راح نبنوا مستقبلنا مع بعض لانه مجرد كلام
انا نظن راكي تغامري بحياتك ومستقبلك ومستقبل حتى أبناءك
الحياة الزوجية راهي طويلة مع مرور السنوات راح تندمي
كيما قالوا الاخوة صلي صلاة الاستخارة
واللي فيه الخير ربي يجيبه لك
لماذا تكبري في المشكل
أتركي الأمر لأهلك مادام أنك انت موافقة ما عندكش مشكل خليه يبعث أهله أهله للحديث مع أهلك و معرفة رأيهم الكن لا تقدمي له أي ضمانات قولي له ان من جهتك ما عندكش مشكل لكن يبقى رأي أهلي تقدم و الي فيها الخير يجيبو ربي