السلام عليكم ورحمة الله وبركاته
قد يستغرب البعض من العنوان لكنها الحقيقة
يأتي شاب زميل لي في العمل ويقول : أريدك أن ترشدني الى فتاة أتزوجها بشروط معلومة ، فوافقت علني أكون سببا في بناء أسرة مسلمة
كلفت زوجتي رعاها الله وأعطيتها صفات الفتاة التي يبحث عنها ، ناديته في المسجد وأخبرته بالخبر ، رتبت له النظر اليها دون شعورها ـ كانت عاملة والعمل في التعليم شرطه ـ أعجبته ، فاتحتها الزوجة بالموضوع فسرت ، بعد أسبوع قلت له متى تتقدم قال امهلني أسبوع ثم أسبوع ، ثم قال لي اشتريت سيارة وألغيت مشروع الزواج لأجل غير مسمّى
وعليكم السلام ورحمة الله وبركاته
الله يهديه
في هاد لوقت تجي دير لخير تحصل هي مسكينة واش ذنبها
ونتموما تاني واش ذنبكم علاه يسببلكم فلإحراج
ربي هناها منو وان شاء الله ربي يعوضها خير
|
المشاركة الأصلية كتبت بواسطة مراد سابقا
 ………………………………………..
|
راك تقول فيها وفرحان ؟؟؟
pfffffffffffffffffffffffff
يبدو انو هذي الانسانة مولات خير وربي شاف ليها
ونصيحة صحيح ان من وفق راسين في الحلال ينال الاجرالعظيم لكن الافضل ان لا يتدخل الانسان في مثل هذه الامور ان لم يكن متاكد ان الطرفين اهلا لذه الخطوة
يعنى اذا شفت الشاب لا يصلح فلا تتوسط له افضل
وانت علاه تدخل لروحك دركا شاطر مايحبش يدخل روحه في امور زواج
نحكيلك جارتي وصديقتي بنفس الوقت بكري حبت تزوج لوليدها قالت الواحد وعانوها وجابلها عروسة وزعم يعرفها مليح العروسة وكي جبتها لوليدها من هداك نهار مشاكل مع عروستها وتعرف ديما تدعيله لراجل هداك وتوكل عليه ربي لانهجابلها بومبة ماشي مرا غير ماتدخلش روحك نتصورو انها قبلها وخدها وين تعرف راح يتفاهمه ويدبا يدعيلك بشر ماتجيبش روحك دعاوي نتاع علبالك زواج حاجة كبيرة بزاف راح يوكلوا هليك ربي من اول نهار لاخر نهار
لصرا من مصلحتك احمد ربي انه خلاها ومدهاش
السلام عليكم كل واحد ترتيب القيم لديه وأعتقد ان هذا الشخص القيم المادية هي رقم 1 بإعتباره يبحث عنها في سلك التعليم، ثم ترك فكرة الزواج لأجل أمر مادي اخر وهو السيارة في الاخير ربي يرزقها بزوج يحفظ كرمتها
بكل بساطة ما عندوش كلمة ..بغض النظر شكون بالنسبة ليه اهم الزوجة ام السيارة ..الراجل يتقاس بكلمتو و الكلمة قبل …يعني هو ماشي مسؤول احرجك برك انت و زوجتك …واش نقولك مع هذا التمس له الاعذار ماتعاديهش مام سي حشمك مي المرة الجاية هو بالدات ماتساعدوس في موضوع اختيار الزوجة …ممكن يزيد يحشمك مع الناس
|
المشاركة الأصلية كتبت بواسطة amel03l
بكل بساطة ما عندوش كلمة ..بغض النظر شكون بالنسبة ليه اهم الزوجة ام السيارة ..الراجل يتقاس بكلمتو و الكلمة قبل …يعني هو ماشي مسؤول احرجك برك انت و زوجتك …واش نقولك مع هذا التمس له الاعذار ماتعاديهش مام سي حشمك مي المرة الجاية هو بالدات ماتساعدوس في موضوع اختيار الزوجة …ممكن يزيد يحشمك مع الناس
|
أعجبني رأيك مشكور أخي
ربي يهديه وننصحك ماتزيدش تتدخل في مثل هذه الامور لانه صعب في وقتنا..خليه هو يختار ويتحمل مسؤولية اختياره
و الله دير الخير في الناس اجوك احلوا منبعد اجيبوا سبايب رجالة آخر الزمان بكري كلمة الراجل كالرصاصة ما تولي دوكا يتسخيروا ببنات الناس كي شغل ايديرو مزية فيهم الله لا يرد راجل كيما هادا اليوم طوموبيل غدوا عمرة او لول غدوا يادرا وقتاش ينوي 
هي قضية اولويات في الحياة هناك من اولويته المال و هناك من اولويته تكوين اسرة
شخصيا حلمي ان اجد ( زوجة صالحة) و غير عاملة …حلم بعيد المنال …لحد الآن لم يتحقق رغم البحث الطويل و الخطوبات المتتالية
لهذا فانا افكر في شراء سيارة …إلى حين يفتح ربي و نلقى بنت الحلال
|
المشاركة الأصلية كتبت بواسطة هالة الجزائر
ربي يهديه وننصحك ماتزيدش تتدخل في مثل هذه الامور لانه صعب في وقتنا..خليه هو يختار ويتحمل مسؤولية اختياره
|
حقيقة ، لكن الجنة حفت بالمكاره
ليس المهم اشترى سيارة او طيارة في الموضوع الله اسهل على كل واحد وكل انسان ادرى باموره واولوياته…..المم في موضوعك والذي كان من الاحرى ان تصيغه بعنوان اخر هو التوسط في امر الزواج لاجل اشخاص عديمي المسؤولية ونتائج هذا التوسط لهدف الخير ….يعني هذا الشخص لم يكن مسؤول وسبب لك احراج ولزوجتك وللبنت الله يهدي الجميع.
|
المشاركة الأصلية كتبت بواسطة السي محمد
هي قضية اولويات في الحياة هناك من اولويته المال و هناك من اولويته تكوين اسرة
شخصيا حلمي ان اجد ( زوجة صالحة) و غير عاملة …حلم بعيد المنال …لحد الآن لم يتحقق رغم البحث الطويل و الخطوبات المتتالية لهذا فانا افكر في شراء سيارة …إلى حين يفتح ربي و نلقى بنت الحلال |
مازلت هكذاك ول؟؟يا حسراااه انا قلت فريتها على العموم الامر قدر ونصيب عش حاضرك لحين يفرجها الله.
ربي يهدي ما خلق