https://www.djelfa.info/vb/showthread.php?t=1289712
لحد الان مازال ما لقيتش الحل
علابالي منا لعام جاي حي و ميت
مي انا حابة نحسم اموري باش نقول لشريكة الغرفة هي تاني تشوف كيفاه دير و مع من تحكم
و تاني نرتاح من هاد الموضوع
و تاني لانو لازم نحطو طلب تغيير الغرفة قبل 31 ماي
و لي يحط بعد هاد التاريخ يكون غير مقبول
البارح شفت 2 بنات لي نقولها تقولي رايحة نحكم في هاد لا سيتي و مع هاد الطفلة
كامل مقررين
بقيت غير انا
عيطت لبابا قتلو شوفلي معريفة يحطوني وحدي
مي مازال ما ردليش و بابا يكره حكايات المعريفة هادو
و تاني نقدر نحكم وحدي بلا معريفة مي كون من بعد يتعمر سيتي يحطولي اي وحدة معايا
و تاني نخاف نقلق وحدي
و تاني كاين حل اخر هو اني العام الجاي نجي في اول العام كيما يجيو تاع السنة الاولى اول مرة
و نشوف وحدة جديدة
الشريكة لي معايا كانت في الاول bien و مبعدا بداو المشاكل و ضرك عاودت رجعت bien
مي انا sayé فاتت و سمطتلي
و ماما تقولي ما تقوليلهاش باه ادا ما لقيتيش هي ولا وحدة خرا
و الحياة الجامعية نحير كي يقولولي اجمل السنوات
لانو هادا العام من اسمط اعوام حياتي
قولولي كيفاه تمتعتو بالحياة الجامعية
انت انسانة غير طبيعية
اسكني مع اي وحدة والسلام وكيما يقولو الخيرة فيما اختاره الله
فوت ابشع ايام حياتي خخ
صحاباتي حكمو مع بعضاهم و بقيت انا حطوني مع وحدة منعرف كيفاه دايرة شيطتني
ننصحك ختي احكمي شمبرة وحدك و اتهناي من تكسار الراس
نهار تحبي الونس جيبي صحاباتك و الا يباتو معاك
هكدا تقراي براحتك و كلش واحد ما يديرونجيك
شوفي مع باباك اذا عندو معريفة
و الا حطي دوسيي ميديكال باللي مريضة
انا تاني كانت عندي نفس مشكلتك و حكمت شومبر وحدي
ساعات نجيب وحدة من صحاباتي يباتو عندي و نفوتوها حكايات و ضحك
و وقت لقراية قراية
و هاذي هي لاسيتي و همهااااا
ربي يسهللك
ربي معاك اختي
|
المشاركة الأصلية كتبت بواسطة doba
 ربي معاك اختي
|
أنا مع الأخت ماقالته صحيح
حاولي تحكمي غرفة وحدك و كي تقلقي روحي لصحباتك ولا جيبي وحدة تبات معاك
واذا تحتمت عليك تحكمي مع وحدة ماتخالطيهاش يعني حيزك حيز روحك باه مايكونوش مشاكل بالزااااااااااف
الحياة الجامعية صعيييييييييييييييييييييييييبة ماتكفيش هموم القراية زادت الاقامة من فوق
ربي معاك
اسكني مع اي وحدة والسلام وكيما يقولو الخيرة فيما اختاره الله
يا اختي ربي يكون في عونك صح شي صعيب بزاف انا والله غير الحمد لله ايامات لاسيتي كانو روعة على خاط كنت مع صحاباتي وتخيلي كنا اربعة بنات بصح من الليسي كنا متفاهمين نديرو نفس التخصص ونفس الشومبرا ننصحك يااختي روحي ديري شومبرا وحدك ديؤري روحك مريضة والعام الجاي ان شاء الله تلقاي كاش واحدة تتفاهمي معاها واذا خفت يديرولك اي وحدة دبري من اللي رايحين يربحو هذا العام بنات جيرانكم ولا بنات لافامي ولا كاش حبابات وديريها معاك قبل ما يجيبولك هوما وحدة ماتعرفيهاش وماعندك علاه تتقلقي صلي استخارة ولي فيه الخير يجيبو ربي ربي يوفقك
اوضعي حدك بينك وبينها لا تلكميها ولا تكلمك وهكاك راح تكوني مرتاحة وديري الي حبيتيه هذي مشكلة صغيرة لم تقدري تواجهي مزالت الحياة وستواجهين مشاكل أكبر كوني عقلانية اكثر بالتوفيق أختي …..~
انا نعطيك نصيحة من حياتي الشخصية : عشت مع الكثير من الناس الي مانعرفهمش : عمرك ما تبين لانسان أنك تكرهو ….حاولي تتاقلمي مع الناس لان هذه المرحلة جايزة………..ربي يسهلك أمورك
السلام عليكم
اختي صدقيني راكي تتعبي كان تبقي هكا انا ننصحك ماتحكميش شمبرا وحدك والله توسوسي والانسان بطبعه اجتماعي و الوحدة تقضي عليك خليها على ربي سبحانه ومنا الى العام الجاي يرحم ربي هذا علم غيب عند ربي
انا ننصحك اقري على روحك و بس
والله الحل الوحيد
ديماا نفسوو
احكمي شمبرا وحدك ولعماال على ربي
سلاااام
ربي يكون معاك
دعك من هده التفاهات المهم ادرسي بجد و التزمي بأخلاقك افرضي وجودك ما تخلي حتى وحدة تستحقرك كوني قوية و انتهى هدا امر تافه و لا يستحق وجوده بقيم مشكلتي نسمي شي مشكلة كي تهبل و ما تلقى ما أدير المشكل فيبك مش في لبنات 