السلام عليكم و رخمة الله و بركاته
هذه مجموعة من الوصفات من مطبخي المتواضع
ميني بيتزا محشية
هذه الطريقة من عند الغالية ام رامي
و العجينة للغالية صبرينة زهرة جزاهما الله خيرا
اولا مقادير العجينة
5 اكواب متوسطة فرينة
2 كوبين من الماء الدافئ
نصف كوب زيت
2 ملاعق كبيرة خميرة الخبز
ملعقة كبيرة سكر
ملح
التحضير
نضرب كوبين من الفرينة مع كوبين من الماء الدافئ + خميرة الخبز +ملح + سكر و نغطيه و نتركه يخمر مدة نصف ساعة تقريبا او اقل
المهم يتضاعف حجمه
ثم نضيف بعد ذلك 3 اكواب فرينة و نصف كوب زيت
و نعجنها قليلا
اذاكانت طرية كثيرا نضيف القليل من الفرينة
نفتح العجينة
و نشكل دوائر و نضع في وسطها صوص الطماطم عبارة عن بصل مقلي +طماطم و نرحي بالرحاية اليدوية
و نضيف الزيتون الاخضر المقطع و نقانق مقلية و مقطة
و نضيف الجبن و القليل من البيشاميل
و نغلق
و نقلبها و نضعها في صنية مدهونة بالزيت
و نضع فوقها القليل من صلصة الطماطم و حبة زيتون
و نتركه تخمر و ندخلها الى الفرن 180 درجة
و عندما نخرجها نزينها بالمايونيز
************************************************** ******************
بيري بالصلصة النقانق
للغالية صبرينة
نقشر البطاطا و نغليها و نرحيها ساخنة و نضيف لها قطعة من الزبدة
نقلي 3 سنات ثوم +ملعقة كبيرة زيت + فلفل اسود+و بعد ذلك نضيف ملعقة كبيرة و نصف من طماطم العلبة المحلولة في كأسين ماء و لما تغلي نضيف المرقاز(النقانق) و نتركه حتى ينضج
نتخلص من الزيت التي تطفوا على السطح
نأخذ حبات النقانق و نرحيها
التقديم حسب الرغبة
يمكننا وضع البيري في الكيس الحلواني و تشكيل أعشاش و ملإها
انا قدمتها بطريقة بسيطة
************************************************** ******************
هومبورغر هش و رائع و لذيذ
هذه الوصفة للغالية ام هاني
4 كؤوس فرينة
كأس و ثلالثة ارباع ماء دافئ
ربع كأس زيت
25 غ زبدة ذائبة
ملعقتين كبيرتين خميرة الخبز
ملعقة صغيرة خميرة الحلوى
ملعقتين كبيرتين سكر
ملعقتين كبيرتين حليب بودرة
التحضير
نأخذ كأس فرينة و نضيف له خميرة الخبز و خميرة الحلوىو السكرو حليب البودرة و الماء الدافئ و نضرب تقريبا دقيقة كاملة بالميكسور
أو بالضراب الكهربائي و نفرغ الخليط فوق الفرينة المتبقية و نعجن جيدا ثم نضيف الزيت و الزبدة الذائبة و نعجن حتى نتحصل على عجينة طرية
ندهن وجهها بالزيت و نضعها داخل الكيس و نغلقه جيدا بحيث نترك فراغ داخل الكيس
حتى تلاحظينانها ضاعفت حجمها و ان الكيس انتفخ جيدا
نخرجها من الكيس
نشكل كرات تزن تقريبا 120غ
و نضعها في صنية مدهونة و نتركها تخمر و ندهن السطح بالحليب فقط و نرش بالجلجلان
و ندخله الى الفرن 180 درجة و عندما يكون لونه ذهبيا على الجوانب و من الاسفل نشعل للفرن من فوق حتى يصبح لونح احمر
شوفوا الطراوة
و هذا من الداخل
و هنا حشوته عادي لحم و بطاطا مقلية وبيضة مقلية و …..
[/QUOTE]
************************************************** ***********************
أرز و شكشوكة و سلطة الجزر
اولا اختي نحضر التشكشوكة
و هذه شكشوكة افضلها و احبها كثيرا و خاصة مع المطلوع او الرخساس مممم
طريقة التحضير
اول شيئ نقلي الفلفل الحار و نضعه جانبا بعد تقشيره
نقلي نصف بصلة صغييييييرة و عندما تذبل نقطع فوقها حبتين او ثلاث من الطماطم الحمراء
و نتركها تتقلى على نار هادئة
و بعد ذلك نرحيها يالرحاية اليدوية
نرجعها في المقلاة و نضع داخلها الفلفل الحار و نتركها دقيقتين و نطفئ
يمكن تحضيرها بنفس الطريقة و لكن بدون الفلفل الحار
نغلي الروز من نوعية المفور و ذلك بهد غسله
و نقطره جيدا
من جهة اخرى نقطع حبة بصلة الى مربعات صغيرة
و نقليهل في 5 ملاعق او ستتة ملاعق زيت مع فلفلة او فلفلتين
من النوع الحلو و يكون مقطع الى مربعات صغيرة
+ ملح +فلفل اسود + ورقتين رند
و نقلي حتى يذبل البصل و الفلفل
ثم نضيف 5 سنات ثوم مفرومة و نحرك و نتركه يتقلى بعض الشيئ
و نضيف الروز و نتركه على نار هادئة مع التحريك لمدة ربع ساعة
بالنسبة لسلطة الجزر رأيتها في النت و لكن للأسف لا أتذكر صاحبة الوصفة جزاها الله خيرا
نقشر الجزر نقطعه المربعات صغيرة
و نسلقه او نفوره
نضعفي مقلاة القليل من الزيت + سنتين ثوم و نضيف الجزر و نقلي جيدا على نار هادئة + ملح + فلفل اسود+ ورقة رند
و نضيف نضيف الزيتون الاخضر المقطع رقيق و منزوع الملح
و نقلي
و نقدمه ساخن او بارد حسب الرغبة انا قدمته بارد
و هاهي اطباقنا جاهزة
[/QUOTE]
************************************************** *****************
أضرفة الدجاج بالجبن
هذه الوصفة وجدتها في أحد المنتديات جزاها الله خيرا صاحبة الوصفة
نفرم صدر الدجاج او الاسكالوب + سنة ثوم + ملح + فلفل أسود
و نفتحه فوق كيس
و نطبعه الى دوائر
نخلط الجبن الابيض + جبن مبشور اذا تواجد + معدنوس مقطع رقيق
و نضع كمية صغيرة داخل كل دائرة
و نغلق عليها
نبلل الايدي اثناء العمل
و نقليه
نحضر صلصة بيضاء بالزيتون و الشامبينيون
و عندما تجهز المرق نضيف لها الحبات المحشية و نتركها تغلي دقيقتين
و تقدم بالليمون و المعدنوس
[/QUOTE]
************************************************** **********************
بادنحان بالبطاطا و الدجاج في الفرن
هذه الوصفة للغالية مقدسية جزاها الله خيرا و لكنني غيرت فيها بعض الشيئ
نحضر صلصة حمراء كالتالي
نقلي بصلة في 3 ملاعق زيت + 3 سنات ثوم + صدر الدجاج + ملح + فلفل أسود + فلفل احمر + ورقة رند عندما يتقلى نضيف حبة كبيرة من الطماطم المفرومة و نقلي و نضيف ملعقة من طماطم العلبة و نضيف كاسين من الماء و نغلق القدر المظغوط المهم في الأخير نتحصل على صلصة خاثرة
نحضر البيشاميل كالتالي:
نذيب ملعقة زبدة و نضيف لها ملعقة فرينة و عندما يصفر لونها نضيف كأس من الحليب مع التحريك حتى تثقال و في الأخير نضيف معدنوس مقطع رقيق + سنة ثوم مفرومة+ ملح + فلفل أسودونطفئ النار مباشرة
البادنجان نقطعه الى دوائر و نقليه او نشويه في الفرن
نقلي البطاطا الى دوائر
في صنية الفرن ندهنها باتلزبدة و نرشها بالخبز المفروم و نضع طبقة من البادنجانو فوقه طبقة من البطاطاو نرشها بالمعدنوس مقطع رقيقو نضيف صدر الدجاج المفتت+ معدنوسو نضيف الجبن و فوقه القليل من صلصة الطماطم و فوقها القليل من البيشاميل
و نكرر العملية بنفس المراحل و في الاخير طبقة من البطاطا و فوقها البيشاميل و نرشها بالخبز المفروم و قطع من الزبدة و الجبن و ندخلها الى الفرن
[/QUOTE]
************************************************** **************
لوبيا بالمرقاز او فاصوليا بالنقانق
فاصوليا منقوعة ليلة كاملة
نضعها تغلي في الماء و الكمون
في قدر مضغوط نقلي حبة بصل + 3 سنات ثوم + ملح + فلفل أسود + فلفل عكري + ملعقتين زيت + كمون
و عندما يتقلى نضيف طماطم المفرومة و نصف ملعقة كبيرة طماطم العلبةو نضيف اللوبيا
و نقلي جيدا و نضيف المرقاز
و نضيف الماء و نترك القدر تصفر على نار هادئة 45 دقيقة
خبز البريوش باليايوغت
هاذ البريوش هش و سهل التحضير
نأخذ 50 غ فرينة و نضيف لها ملعقة كبيرة خميرة الخبز
و60 ملل حليب دافئ نضرب جيدا و نغطيه و نتركه يتضاعف حجمه
و في هذهى الاثناء نأخذ 250غ فرينة 40 غ سكر ناعم+ نصف ملعقة صغيرة ملح+يايورت طبيعي تقريبا 60ملل+ بيضة + 70 غ زبدة طرية
و نعجن جيدا جدا
ثم نضيف الخليط الاول و نواصل العجن جيدا
ندهنه بالزيت نضعه داخل كيس نغلقه جيدا و نترك فراغ داخل الكيس و نغطيه و نتركه حتى يتخمر و يتضاعف حجمه
نخرجه من الكيس
ندهن الصنية بالزبدة ونرشها بالفرينة و نفرشها بالورق الدهني
و نضع داخلها العجينة
و نتركها تخمر ندهنها بصفار البيض المخلط مع ملعقة حليب
و ندخلها الى الفرن الساخن 180 درجة
حتى يتحمر سطحه
نخرجه و نغطيه بقطهة قماش ربع ساعة و نخرجه من الصنية و نتركه حتى يبرد تماما و نقطعه
غرتان البطاطا بالدجاج
هذه الوصفة لذيذة و سهلة
اول شيء نقلي الدجاج في ملعقتين زيت و ملعقة زبدة + مبصلة مفرومة + ملح + فلفل اسود + معدنوس
و نقلي جيدا و نضيف كاسين من الماء و نتركه علة النار حتى يطهى الدجاج ننزعه و نفتته
نقلي كمية من البطاطا الى مربعات
في صحن
نضع البطاطا + الدجاج + معدنوس مقطع رقيق + 4 بيضات + 4 حبات جبن + 3 سنات ثوم +كأس من المرق الدجاج
و نخلط
ندهن صنية الفرن بالزيت و نفرغ داخلها الخليط
و ندخلها الى الفرن حتى يصبح السطح ذهبيا لا نتركه يتحمر
و نقدمه بالليمون و ما تبقى من مرق الدجاج
[/QUOTE]
أخواتي ارجوا ان تدعوا لي في ظهر الغيب
وصفات رائعة
الله يحفظك و يعطيك ماتتمني
شكرا على المجهود
الله يبارك حبيبتي وصفاتك راقية ماشاء الله تحياتي ليك
بارك الله فيك رانا نتعلمو منك وندعولك بالخير
اختي ام سامي ربي يحفطك ويجعلها في ميزان حسناتك هذا اقل شيئ على جهد لتبذليه
تطبخي وتصوري في ان واحد فعلا شيء صعيب فشكرا وربي يحميلك اولادك امين
وصفات رووووووووووووووووووووووووووعة
جزاك الله كل خير
Raw3a dayman mobdi3a ki l3ada
وصفات قمة في الروعة الله يعطيك ما تتمناي
شككككككككككرا حبيبات قلبي على الردود المشجعة
allah ybarek 3lik
تبارك الله عليك
الله يخليك و يحفظك روووووووووعة
تسلم الاياادي و الف شكر على كل وصفاتك المميزة
الله يبارك ويسلم هذوك اليدين ……… ربي يدومها نعمة
الله يبارك كل شيء يشهي و هايل جزاك الله خيرا.
ما شاء الله عليك يا ام سامي متميزة باطباقك الرائعة
نتمنى نشوفوك في مسابقة الشاف