السلام عليكم و رحمة الله تعالى
أنا لدي قطعة ارض مساحتها حوالي 162 متر مربع (12متر على 13.5 متر) و أردت الآن أن أقوم ببنائها
بعد الإنتهاء من الأسس جاء وقت البلاط فورم plate forme و السناتر يعني الكولاج
و أردت معرفة ماهي الطريقة الأفضل المضخة الجاهزة أم المضخة العادية
هذا ما وصلت إليه و إذا عندكم آراء أعطيهاوني
أولا : من ناحية العمل
العمل بالمضخة الجديدة أنظف و أسهل و أسرع و ما يخليش مخلفات في الشارع اللي توسخ الحي يعني عملية أكثر و هنا ما يهمنيش إذا كانت أغلى بمليون سنتيم من الطريقة القديمة فلا يهمني الفرق في السعر إذا كانت أحسن في العمل
ثانيا: من ناحية السعر
الطريقة العادية:
أنا عندي 162 متر و هذا يعني بالتقريب:
162 شكارة سيمة أي حوالي 162*530دينار (السعر الحالي) و النتيجة 85860 دينار جزائري
القرافلي 2 كاميوات كبار و واحد صغير (راح تبقى الفضلة و هذا شيئ لا تحصل عليه مع الاسمنت الجاهز) حوالي 36000 دينار (الأسعار تختلف من منطقة إلى أخرى)
الرملة حوالي 18000 دينار جزائري
تنقية الرمل حوالي 4000 دينار جزائري
إحضار الاسمنت + تفريغه حوالي 4000 دينار
المياه حوالي 4000 دينار جزائري
جفنة للعمال حوالي 5000 دينار جزائري
يعني في النهاية المجموع 157000 دينار جزائري (الطريقة العادية) 15 مليون و 700 ألف سنتيم
الاسمنت الجاهز:
أنا لا أعرف السعر ولا الإجراءات لهذا هنا جيت نطلب المساعدة
لكن قيل لي بأن السعر بالمتر المكعب هو 7000 دينار جزائري و هو سعر معقول
و قيل لي بأن هم من يقدرون كم تحتاج من متر مكعب و قيل أن المعدل هو 7 أمتار مربعة لكل متر مكعب
يعني 162 متر مربع نقسمها على 7 حوالي 23 متر مكعب أي حوالي 162017 دينار جزائري أي 16 مليون و 200 ألف سنتيم
نجو نحسبو الحجم الذي أستحقه بالضبط و التدقيق
-ملاحظة إذا ما تعرفش الرياضيات مليح تخطى هذه المرحلة المكتوبة بالأخضر)
عندي السنتورة فيها 30 على 40 سنتيم على 13.5 متر (نحسبو حجم سنتورة وحدة ونضربوها في 4 )
0.3*0.4*13.5=1.62 متر مكعب نضربوها في 4 تعطينا 6.48 هذا العدد الأول
السنتورة الأخرى التي على العرض ننقص منها 30 سنتيم على كل سنتورة في الطول أي ننقص الأماكن التي تلتقي فيها السنتورتان)
12 متر ناق 0.3*4 تعطينا 10.8 متر و نحسبو بنفس الطريقة تاع الأولي
0.3*0.4*10.8= 1.3 متر مكعب في 4 تعطينا 5.2 هذا العدد الثاني
نجو نحسبو حجم البلات فورم
ننقص مساحة السنتورات من المساحة الكلية
مساحة 4 الأولين 0.3*13.5*4= 4.05*4= 16.2متر مربع
مساحة 4 الثانيين 0.3*10.8*4 = 3.24*4= 12.96متر مربع
مساحة البلات فورم هي 162-12.96-16.2=133 بالتقريب بالزيادة
سمك البلات فورم يتراوح من 5سم إلى 8سم
نحسب بأقصى قيمة 8 سم (قد تكون أكثر في مناطق أخرى)
133*0.08=10.6 متر مكعب
نحسب المجموع
10.6+5.2+6.48=22.28 متر مكعب
و هي بالتقريب نفس القيمة التي حسبناها بطريقة 1 متر معب لـ 7 متر مربع
نأخد 23 متر مكعب و هي أقصى قيمة تكون النتيجة 16 مليون و 200 ألف سنتيم
النتيجة:
-الطريقة العادية 157000 دج سلعة فقط
-الاسمنت الجاهز 162017 دج لكن ننقص مليون سنتيم سعر المضخة التي يدفها البناء يعني ننقص مليون سنتيم من المال الذي نعطيه للبناء
تصبح النتيجة 152017
-ثانيا البلات فورم عندما يحضر البناء الاسمنت يعني يرون الاسمنت 400 دج للمتر أي حوالي 53000 دج
-نقدر ننقص على الأقل 15000 دج من هذا السعر بناء على أنه الاسمنت جاهز و لم يحضروه
-تصبح النتيجة 137000 لكن هذا كله اعتمادا على أن سعر المتر المكعب 7000 دج
سامحوني على الإطالة لكن الموضوع حساس فيه توفير للمال و الجهد و الوقت و المحافظة على النظافة
ما أطلبه منكم هو سعر المتر المكعب للاسمنت + تصحيحات في حساباتي إذا كانت خاطئة
مشكورين و بارك الله فيكم
و السلام عليكم و رحمة الله تعالى و بركاته
اظن ان حساباتك خاطئة
لاني قمت بفس حسابك مع بيتي من قبل و هو بمساحة 210 متر
و لكن موش لابلاط فورم و لكن لي سومال
و كي حسبت خرجلي فرق تاع حوالي 6 ملايين بين مضخة الاسمنت و الفلاش اي بالاسمنت الجاهز علما ان المتر مكعب منه عندنا ب 10000 دج
هذا مالدي و قد تجد مساعدة اخرى من الاخوة
|
المشاركة الأصلية كتبت بواسطة عبد الله كمال
 اظن ان حساباتك خاطئة
لاني قمت بفس حسابك مع بيتي من قبل و هو بمساحة 210 متر و لكن موش لابلاط فورم و لكن لي سومال و كي حسبت خرجلي فرق تاع حوالي 6 ملايين بين مضخة الاسمنت و الفلاش اي بالاسمنت الجاهز علما ان المتر مكعب منه عندنا ب 10000 دج هذا مالدي و قد تجد مساعدة اخرى من الاخوة |
شكرا أخي على الرد و المساعدة
الحسابات التي قمت بها أنا هي اعتمادا على سعر 7000 دج للمتر المكعب و هي ما قيل لي من طرف قريب لي له علاقة مع مصانع الاسمنت يعني في عمله
و إذا كان السعر 10000 دج للمتر فراح يكون حتما فرق 6 ملاين أو أكثر
معليش تقولي من أي منطقة أنت
أنا من ولاية الشلف
|
المشاركة الأصلية كتبت بواسطة عنبرعنبرينو
شكرا أخي على الرد و المساعدة
الحسابات التي قمت بها أنا هي اعتمادا على سعر 7000 دج للمتر المكعب و هي ما قيل لي من طرف قريب لي له علاقة مع مصانع الاسمنت يعني في عمله و إذا كان السعر 10000 دج للمتر فراح يكون حتما فرق 6 ملاين أو أكثر معليش تقولي من أي منطقة أنت أنا من ولاية الشلف |
انا من ميلة
خاوتي عاونوني ربي يحفظكم