انا حبيت نحط هذا الاقتراح لاستاذات الكروشي
استاذاتنا ماشاء الله البنات كامل حابين يتعلمو
وكل اخت اقترحت ورشة وخدمتها مع الاخوات ولقات الترحيب والمشاركة المطلوبة
الاخت اميرة مع صدور الكروشي
اظن الصدور لي تخدميهم معقدين على المبتدئات
لذا لن تلزم ورشات الصدور بهذا الاقتراح
اقترح على باقي الاستاذات
ميميشا واميرة
كرونو
ام سفيان واي خبيرة كروشي مايلي
واش رايكم الورشات بدل ما تبقى متفرقة نجمعوها في دورة
حتى لا تتداخل الورشات مع بعض ومايتشتتش انتباه الاخوات
يعني نتابعو كل فترة معينة اسبوع مثلا نتابعو درس معين
واكيد الدروس نبداوها من الاسهل الى الاصعب
الدرس الاول كان مختلف الغرز لي حطتها اختنا ميميشة
ومبعد نبداو بقية الدروس
كيما اقترحتو مثلا العلاقة نتاع المفاتيح
وانتم خبيرات
اذا شفتوها تساعد المبتدئات
نبداو بيها
او نختارو انواع اخرى للعلاقات مثلا
وهكذا كل اسبوع نبداو نطورو في الاعمال
والاخت اميرة 79 انت تانا اذا حبيتي تشاركينا اكيد
فالامر منفصل عن ورشات الصدور
لانو المبتدئات ماراحش يحبسو على الاخوات لي يعرفو
يعني هوما يقدرو يتبعو الصدور وتكملو العمل مع بعض
اما المبتدئات نظن باه يخدمو صدر شوي صعب عليهم
هذا كان اقتراحي فما رايكن
وهذه الطريقة اتبعناها في العديد من الدورات السابقة ولاقت النجاح المطلوب
وتكون العملية اكثر تنظيم
اعطوني رايكم
بالتوفيق للجميع
وأنا معكي أختي فأنا لا أعرف الكثير عن الكروشي وراني نتمنى نخدم الصدور تاع الكروشي وربي يبارك في كل الأخوات اللي راهم يبدل المجهودات في تعليم هذا الفن ربي يجازيهم كل خير
فكرة هاسلة فيفي نتوما نسقوا وحنا رانا نطبقوا مدابية نتعلم كل حاجة عن الكروشي الصدور ومفارش ووو
موفققات
انا من الموافقات لاني حبيت نتعلم الصدور لكن الطريقة جاتني صعيبة ومافهمتش والو.
فكرة رائعة اكيد الكل موافق عليها …………….لي راهي تعرف تتفضل الى ورشاتي للتطبيق و لي مازالها مبتدأة تتعلم مليح و تلتحق باي ورشة تعجبها
وعن نفسي راني نتبع في الدروس معاكم و كي تديرو حاجة ما نعرفهاش راني نتعلمها معاكم و نحط التطبيق
شكرا لك على التنظيم شيء مهم ليسهل التواصل و التعلم
فيفي فكرة رائعة و مميزة
مشكورة عليها …انا موافقة 100ب 100 و راني متاكدة بلي كل خبيرات الكروشيه رايحيين يوافقو و رايح يكون بيناتهم تنسيق هايل
انا عن نفسي رايحة ننسق مع ميميشة و كرونو و الاخوات الفضليات لتعم الفائدة باه نديرو دورة رائعة و ناجحة الهدف منها انو كل لبنات يوليو محترفات في هذا الفن الراقي ….
فيفي مادام لبنات لكل راهم موافقين على اقتراحك
ماذا بيك تفتتحي الدورة و تديري درس ميميشة عن الغرز هو الاول ثم تجي باقي الدروس لي رايحين نتفاهمو فيها كيما قلتي انتي من الاسهل الى الاصعب و هكذا
أنا أوافقك الرأي لأنني أحب الكروشي لكنني منعرف فيه والوا
بارك الله فيكن جميعا
بارك الله فيك على الفكرة انشاء كامل نتعلمو
من فضلك الاخت فيفي راني حاتة موضوع في قسم الخياطة حابة تجاوبوني ف طريقة خياطة لي فلات على الريدو كيفاش نطبق الثقب على الريدو
نحبسو دورات و نبداو بدورة الاخت ميميشة و مبعد كي يبداو يتعلمو شوي شوي نفتحو باقي الدورات لكي لا تختلط عليهم الدروس هاذا رايي فقط ماذا بيا ميزعفوش الاخوات
السلام على كل الاخوات الكريمات انا اضم صوتى للاخوات حتى تسن الفرصة اللى حابين يتعلمو وانا فى الخدمة للمساعدة نتعاونوا جميعا
حتى تكون كل وحدة فى بيتها شاطرة تخدم كل حاجة تشوفها لاولادها زوجها بيتها …………………………………..
بالتوفيق ان شاء الله
فكرة رائعة اكيد الكل موافق عليها وعن نفسي انا اضم صوتى للاخوات 
حتى تسن الفرصة اللى حابين يتعلموراني مرة على مرة نحط بعض الغرز باش يطبقها
وانا فى الخدمة للمساعدة
انشاء كامل يتعلمو
فكرة مليحة فيفي هكدا نقدرو نتطور بلعقل نبداو بخدمات صغار نتعلمو جميع الغرز فيها و نمشو يدينا باش نولو نقدرو نديرو خدما كبيرة
على بركة الله
فكرة مليحة و يستفيد منها الجميع
ممكن اني نساعدكم و لو بالقليل لأن ضروفي لا تسمح لي باستعمال الانترنيت كل وقت
سلام و بالتوفيق للجميع