السلام عليكم
مرحبا بالغاليات نتمنى تكونو بخير وعاشوراء مباركة للجميع 
اليوم حبيت نفيدكم بوصفة من وصفاتي الناجحة وهي موسكوتشو بالياغورت صدقوني تخرج روووعة 
وتحمر الوجه وانا معتمدتها غير هي نبداو بالمقادير على بركة الله
العبار بعلبة الياغورت
4بيضات
1 ياغورت فاني
2 كاس سكر
4 كاس فرينة
1 كاس الا ربع زيت
2 خميرة
1 فاني
قشور قارص او برتقال
لتزيين
المربى او ناباج
اللوز ايفلي
طريقة التحضير
نضربو بياض البيض مع قرصة ملح حتى يولي كي الثلج ومن جهة تانية نضربو الصفار مع السكر حتى يتضاعف ويرجع ابيض نضيفولو الفاني وقشور القارص او البرتقال ونخلطوا مليح
نزيدو الزيت والياغورت ونضربو ملييييييح
نضيفو الفرينة المغربلة مع الخميرة ونخلط بملعقة نتحصلو على خليط ثقيل شوية نضيفو بياض البيض المضرب مثل الثلج ونخلطو من الاعلى الى الاسفل غير بالشوية
ندهنو المول بالزبدة ونرشوه بالفرينة ونصبو الخليط فيه وندخلوه للفرن يطيب
وهنا بعد ما طاب امممممم يشهي
جربووووها مش راح تندمو ا راهي بنينة بزاااف وتحمر الوجه ……ودعوة خير تكفيني 
باينة تشهي ، ربي يسرلك واش تتمناي.
يعطيك الصحة باينة خففييفة
مشكورة
جزاك الله خيرا. ورزقك ما تتمنين.
راني هزيت مورصو نشرب بيه الحليب
يمييييييييييييييييييييييييييييي بنينة يعطيك الصحة
444444444444444444444444444444444444444
baraka elaho fiki
ربي يحفظك اختي هااااايلة وشكلها يشهي
سؤال: انا جاتني 2 كاس سكر بزاااااف
يعني متجيش حلوة بزاااف؟؟؟؟؟
يعطيك الصحة 4444444444444
أختي عاشقة الجنة راكي تعبري بعلبة الياغورت وديري 2 علب ومتعمريهمش ياسر ومش رح تجيك حلوة جربيها على ضمانتي وشكرا لمرورك
هايييييييييلة
يعطيك الصحة
جزاك الله خيرا
|
المشاركة الأصلية كتبت بواسطة nina.imy
 أختي عاشقة الجنة راكي تعبري بعلبة الياغورت وديري 2 علب ومتعمريهمش ياسر ومش رح تجيك حلوة جربيها على ضمانتي وشكرا لمرورك
|
ايه صح مشفتش بكري بلي الكيلة هي علبة الياؤورت
شكرا اختي العزيزة
الله يعطيك ما تتمناي