السلام عليكم ايها الاعضاء الاعزاء اما بعد……………
انا اليوم جايبتلكم اسرع طريقه تخلي اللوبيااطيب كي الزبده
1-نحط الماء يغلي في الكوكوط
2-نشل الوبيا ونرميها في الماء المغلي
3-كيما تغلي نطفي عليها ونخليها لمدة ساعتين
4-نعاود نشعل عليها ونحطلها شوية زيت باه ماتفيضش
5- لماتبد اطيب نرمي الملح و الثوم و البصله و الفلفل كحل و الكمون
6-نزيد شويه و نحطلها الطماطم المصبره و الفلفل حار
7-نخليها حتى تختار
جربوها و دعيولي بالخير و اللي تحب كاش استفسار تقلي في انتظار ردودكم
بارك الله فيك يا اختي
شكرا عندي استفسار اذا رميتها في ماء يغلي ما تتقرسلش؟الدرسة تاعها ماشي لازم تتحمس؟
اختي مشكورة
لكن علاه نخليها ساعتين اذا كان هكا نطيبوها عادي وتطيب في اقل من ساعتين وبطريقتك هاذي راح طيب في 3 سوايع ولالا
ممكن مافهمتش طريقتك
انا مانطيبهاش في لاكوكوت وتطيب في ساعتين او اقل!! نشري كمية كبيرة من اللوبيا نبيتها في الماء وغدوة نحطها في المجمد منين نحب نجبد
يعطيك الصحة أختي
صحيتي أختي على الطريقة
تحياتي
شوفي يااختي يبدو انك مافهمتيش الطريقة نعطيك مثال في الصباح اما تنوضي مثلا على الساعة 8 حطي الماء يغلي في ببوطةاو كوكوطة لما يغلي جيبي اللوبيا يابسة ماش مرنخة شليها مليح وارميها و اطفي النار خليها ثم على الساعة 10 اي ساعتين منبعد عاودي شعلي عليها راهي اطيب زبدة منبعد ارمي الدرسة او تحبي تقليها مع الحم او الكرشة طيبيهم وحدهم وبعد خلطيهم وارمي الطماطم هده الطريقة تهنيك من ترناخ اللوبيا اي في اي وفت تقدري اطيبيها والحاجة الاخرى انها هطيب مليح المهم السر في الطياب تاع هده اللوبيا انها اطيب مي الماء اللي ترنخت فيه مدة ساعتين ارجو انتكوني قد فهمتي يااختي ارجو الرد
شكرا لك و يعطيك الصحة حنونتي
بورك فيك
اشكركم على الردود اتمنى لما تجربوها تردولي
هادا وين فهمت … ابيه هكا تدير ماما . بصح من بعد تبادلها الماء .. ملييييح درك نخبرها !
