السلام عليكم
اخواتي الفضيلات ارجو ان تجيبو عن سؤالي فانا في حيرة من امري
ما هو سر البنة بمعنى ما هو السر في الرائحة الطيبة و الشهية للاكل
و هل بامكانكن سيداتي افادتي بالتوابل وسرها
و جزاكن الله خيرا
moi je dirai que c’est "elkalyane" faut bien faire mijoter les ingredients avant de rajoiter de l’eau, afin de bien faire pénétrer les saveurs et les gouts.
il m’arrive de ne pas mettre de la viande et le faite de laisser mijoter donne un bon gout
voila mon avis
saha ftourkoum
بارك الله فيك
و ربي يجازيك
كما قالت الاخت القليان. البهرات و الثوم و اضافة الماء الساخن بدل الماء البارد مثلا في الشربة و الشطيطحة و لا تكثري من الماء.
تقلي مليح قبل ما تمرقي وكي تمرقي ماتبالغيش حسب الطبخة الا تكون خاثرة ولالا
صح الاخوات عندهم الكل حق لازم تقلي والبهارات تختاري على حسب الطبخة وش يوالمها لان بهار لحاجة ممكن ما يصلحش لحاجة
وثاني جربت الثوم المفروم يتحط في علبة وعليه الزيت في الثلاجة وتطيبي منه يعطي نكهة روعة للماكلة لانه يطلق كل نكهته في الزيت
وصح فطوركم
وثاني كيما يقولو الماكلة نفس وكاين اللي تطيب بلا لحم ولا دجاج وتجي بنينة وكاين اللي تجيب كلش وتجي سامطة
اه التوابل
كانت ما ربي يرحمها تخلط الكزبرة =الكصبر والكروية مرحيين وتهرسهم مع الثوم وتحطهم في الثلاجة فوقهم شوي زيت يعطوا بنة روعة لكل الاكل خاصة الكسكسي
|
المشاركة الأصلية كتبت بواسطة ام احمد الغالي
 صح الاخوات عندهم الكل حق لازم تقلي والبهارات تختاري على حسب الطبخة وش يوالمها لان بهار لحاجة ممكن ما يصلحش لحاجة
وثاني جربت الثوم المفروم يتحط في علبة وعليه الزيت في الثلاجة وتطيبي منه يعطي نكهة روعة للماكلة لانه يطلق كل نكهته في الزيت وصح فطوركم وثاني كيما يقولو الماكلة نفس وكاين اللي تطيب بلا لحم ولا دجاج وتجي بنينة وكاين اللي تجيب كلش وتجي سامطة |
شكككككككككرا
يا ريت يا اختي لو توضحيلي كل اكلة وش البهارات اي يوالموها
و ربي يجازيك
مثلا المرقة البيضاء
المرقة الحمراء
العجائن
اللحم
الدجاج
وصح فطورك
بارك الله فيكم سيداتي
و ربي يجازيكم
اولا ماكلتك لازم طيب على نار هاااااااااااادئة مشي قاوية
وثاني ماتكثريش الماء لازم شوية برك
بالنسبة للبهارات لازم تبعي وصفات سيدات المنتدى وهكا تحكمي العفسة اكثر
لخاطرش كاين مليون طبق
انت ابدي بالاطباق الرئيسية هوما الصح وادا فسدت حاجة نورمال اتعلمي وماتفشليش انا كنت نحرق ونخسر وحبة حبة حكمت روحي ومازلت نتعلم ونخسر بصح توجور نقول والله نقعد نخسر حتى نجيبها
والحمد لله
القليان قبل اضافة الماء +النار تكون قليلة
ان شاء الله نحاول ننزلك ملف كامل لبهارات في اقرب فرصة
السلام اختي انا ام بدرو شوفي كتقلي مليح ديري الماء ساخن وخلي تطيب الماكلة وبعد ضيفي في الاخير ماجي حبة ماشي ساشي وخاليها تعقد وشوفي البنة
السلام عليكم
انا امي وعجوزتي هما لي علموني الطياب ربي يحفظهم ………….وخاااصة عجوزتي ربي يخليهالنا طيابها يعلو ولا يعلى عليه
فهي من الغرب وانا من الشرق
فوالله الشرق الجزائري معروف بمهارته في المعجنات مثل الكسكسي
..
اما الطواجن امممممممممم افظل الطواجن الغرب ونقصد بيهم اقصى الغرب الجزائري
ودالك يعود لالتساق بلدتهم مع الحدود المغربية
ومعروف ان الطبخ المغربي هو الاول في العالم
ودالك يعود لاستعمالهم البهارات المتنوعة وفي محلها وبكميات معينة
ملاحظة اختى والله ثم والله القلب انتاع الواحدة كي يكون ابيض وصافي طيابها يكون روووووووووووووووووووووعة وبنين مهما خلطت ……………
ويبقى هدا مجرد راى من ام البنات15 التي تتمنى لك ان تطرح يديك كل ما لد وطاب مع التوفيق لك تحياتي لك وشكراااااااااا
|
المشاركة الأصلية كتبت بواسطة جسر الأمل
اولا ماكلتك لازم طيب على نار هاااااااااااادئة مشي قاوية
وثاني ماتكثريش الماء لازم شوية برك بالنسبة للبهارات لازم تبعي وصفات سيدات المنتدى وهكا تحكمي العفسة اكثر لخاطرش كاين مليون طبق انت ابدي بالاطباق الرئيسية هوما الصح وادا فسدت حاجة نورمال اتعلمي وماتفشليش انا كنت نحرق ونخسر وحبة حبة حكمت روحي ومازلت نتعلم ونخسر بصح توجور نقول والله نقعد نخسر حتى نجيبها والحمد لله |
ان شاء الله اختي نتبع تعليماتك
و ربي يجيبها ف صواب
صح فطورك