السلام عليكم ورحمة الله وبركاته
عندي مشكلة انه لابورص مزال مادخلتنيش كامل ولا وحدة رغم انه صحاباتي دخلتهم كامل وكاين اللي دخلتهم 2 وكاين اللي دخلوهم كامل بصح انا مزال مادخلتنيش ولا وحدة من العام اللي فات يعني ما خلصتش ولا وحدة رغم اني دفعت العام اللي فات ملف بشكل صحيح وكل شي فبرايكم واش ندير ؟
انا ثاني اختي كي كنت تقرا في الجامعة اصرالي نفس المشكل بصح من بعد عوضولي كلش
انا ننصحك روحي لمصلحة الخدمات اكيد كاين حاجة ناقصة في الدوسي انتاعك
واكيد حقك مش راح ايضيع اختي ما اتقلقيش روحك
اوكي خويا شكرا على الرد يعطيك الصحة ، ربي يحفظك
سلام عليكم
مشكل المنحة الجامعية يكمن على مستوى مديرية الخدمات الجامعية يعني لازم تروحي للمديرية والخدمات و بالضبط مصلحة المنح و اعطيلهم رقم الملف ديالكو تاكدي بلاك عندك نقص في الملف او الشيك ديالك مجازش في النظام ديالهم
ان عاودي اعطليهم الشيك مشطوب او رقم الشيك فقط و تاكدي من الملف ديالك
و في حالة كان هناك مشكل تاكدي انك ستاخذين كل مستحقاتك دفعة واحدة او عن طريق اقساط و الله اعلم
ايه صح كي رحت طلبو مني ندير nouvelle avoir ونجيبلهم الورقة نتاعها وكي عطيتهالهم قالولي خلاص كان دوسي ماشي كامل
وما قالولي والو على العموم ان شاء الله خير
وشكرا على ردودكم اخواني
ولكن استفسار صغير سمحولي في السنة الثانية تاني فيها ندفعو دوسي جديد يعني نزيدو فيه وثائق ولا خلاص غير نتاع سنة اولى
يختلف الملف من جامعة لأخرى ،
لكن هي على العموم تجديد المنحة يعني يطلبون الوثائق التي تتجدد كل سنة ، شهادة مدرسية للسنة الجديدة ، كشف النقاط للسنة الماضية ، نسخة من كشف نقاط الباكالوريا ،أظرفة بريدية عليها الطابع و العنوان ،صك بريدي مشطوب ،وثائق الضرائب ,,,,,,,,
شكرا لك اخي ربي يخليك ويحفظك