السلام عليكم
عندي مشكلة و اتمنى تساعدوني في حلها
طفلي عنده 10 شهور ما يحبش ياكل بالملعقه الاكل الي نحضرهله les purés ect.. حتى les farines ما يحبهمش كيفاش ندير معاه
يحب برك ياغورت ولا كومبوت ولا بيبرون
انا حاباته ياكل الخضر لانه في سن الي لازم عليه يتدوق كل شي
ساعدوني الله يخليكم
و صح صياكم
وابن اختي نفس المشكل راح تديه لطبيب
نفس المشكل
اختى يقولو لازم تذوقية المالح قبل الحلو يعنى فى سن الست شهور دخليلو الخظر حتى يوالفها ثم الياغورت والفاكهة انا وليدى تانى هكذا عذبنى باش كلالى الخضر حاولى معاه ومتكرهيش
هذي الغلطة تاعك و كان عودتيه ياكل كلشي و في سن مبكرة أنا عندي زوج بنات في الشهر الرابع علمتهم ياكلو
بنتي الكبيرة عندها 7 سنوات و بصحة جيدة و تاكل كلشي
و بنتي الثانية دخلت الشهر الثامن و تبعت كيما درت لختها و راها تاكل كلشي و تحب الماكلة على البيبرون
في الشهر الرابع بديت بالخضر و جارفي و الكومبوت في نصف الشهر بديت ندير شربة فارميسال بالحليب حتي الباقوليات بصح نرحيهم
و من الشهر الخامس لحد الآن تاكل كلشي من كسكس بالمرقة و البركوكس و حريرة + لوبيا + عدس هاذو ضوكا تاكلهم بلا منرحيهم
حتى قهوة الصباح و المساء نديرلها حليب وحدو مع خبز و لا كسرة منديرش قاع قاطو
هاكا يتعلمو و كي يكبرو ميكونش عندهم مشكل فالماكلة
هذي رباتنا عليها الوالدة و تبعناها حنايا
حابة نفطم بنتي عن البيبرون وش ندير.
na3tik recette nta3 puré naf3atni m3a wlidi kan kima bentek m3adebni felmakla
diri chwiya huile d’olive a zidi chwiya bssal m9ata3 w les légumes li habiti m3a 9ssber wla ma3dnouss sel w chwiya kamoun rahou mlih les bébé matkhafich w ida 3andek jaj wla viande haché diri chwiya 9alihoum mlih mar9i w ki ytibou arhhi ta9dri tzidi bida maghaya ida madertich lham w koul khatra naw3ilh fel les légumes jelbana bétrav courgette w daymen dirir m3ahoum batata balaki matdirlhach les tomates wle choux et le choux fleur ydarouha mazalha sgrira…w rabi ykhalihalek