لحظات مخبرية ف الفنون المطبخية
حساء الخضر بصدر الدجاج و الجبن
الدرس رقم 11
المقادير
صدر دجاج
3 ملاعق زيت
حبة قرعة
حبة او 2 بطاطا
2 حبات جزر
حبة طماطم
2 حبات بصل
ربطة قصبر او حشيش
ملح
فلفل اسود
قصبر مطحون
قطع جبن ابيض
طريقة التحضير
في كوكوت نقلي الدجاج مع الطماطم والبصل مقطعين شرائح وملح وتوابل وزيت حتي يذبل البصل والطاطم
ثم نضيف الخضر مقطعة مع نصف ربطة الحشيش نصف الربطة للتزيين ثم نمرق بالماء
نغلق الكوكوت ونتركها اطيب لمدة نصف ساعة او عشرين دقيقة
بعد ما اطيب ننزع العضم تع الدجاج ونحطها في الميكسور مع قطع من الجبن ونطحنها راه الحساء جاهز
طريقة التقديم
تقدميه مع حشيش مقطع و قطرات زيت زيتون
نتمنى اجربوه لانه لذيذ جدا و صحي والاولاد اكيد يحبوه كيما يحبوه اولادي
راني ننتضر في تطبيقاتكن لمزيد من
لحظات مخبرية في الفنون المطبخية
مع تحيات ام اسلام واية ويوسف
ما شاء الله
روووووووووووووووووووعة
تشهي
يعطيك الصحة على الوصفة تجي تهبل و راجلي و عجوزتي يموتو عليها
بصح انا الدجاج نفتو كيطيب مانرحيهش هاك ولا هاك تجي بنينة…………………..
بارك الله فيك
مممممممممم تشهي الله يعطيك الصحة
اممممممممممممممم روعة يععطيك الصحة بصح الصدر وش درتيلوا انا نفتوا
يعطيك الصحة على الوصفة انا نديرو بصح ما نديرش الفرماج و الجاج نفتو منا و جاي نشاالله نعود ندير الفرماج اكيد رايح يعطيه بنة تهبل
الف شكر حبيبتي
تسلمي و بارك الله فيك يما تعملونا و ترمينا فيه حبات من الارز يجي روعة شكراااااااااااااااااااااااا عزيزتي و ربي يخليلك صحتك
خرجلك يشهي نفس الطريقة لنعملوها
يوالم في هذه الأيام نتاع البرد
بارك الله فيكي على الوصفة
بارك الله فيك
والله فنانة انا ديما نعملو ولكن عمري ما زتلو الفرماج اكيد يعطيه بنة مليحة
يسخف يا غالية الف شكر على الوصفة وسلامي للكتاكيت الغاليين
يعطيك الف الف صحة عزيزتي مع الفرماج اكيد يجي يهبل في انتضار الدرس الثاني عشر انشاء الله بالتوفيق وتسلم ايدك مرة اخرى
ياسلااااام عليك يام اسلام دائما متالقة ،طبق ولااروع نموت على سوب،ونعملو حتى من غير لحم،يعطيك الف صحة وعافية حبيبتي عادة نضيف الفورماج كي يعود بلا طماطم حب،لطفا الفروماج حطيتيه يطيب مع الخضرة ولا في الاخير.
قبلاتي للكتاكيت الحلوين.
والله يا اختي ام اسلام واية راني حايرة لاه لم يتبث موضوعك لحظات مخبرية في الفنون المطبخية رغم تعبك ومحاولة اثراء هذا القسم ورغم طلب العديد من العضوات
وبما انك ما شاء الله عليك عندك دوق خاص ومميز في كيفية اعداد اطباق شهية من سلطات ومعجنات وحلويات وتحليات واطباق رئيسية وكل مرة تأتينا بالجديد وافكار مميزة واطباق من اقتصادية الى اطباق راقية اي في متناول الجميع
لا عليك الله يجعل عملك هذا في ميزان حسناتك وتمنيت ان جل مواضيعك في مجلد واحد
حتى يتسنى للجميع رئية جل اعمالك الرائعة
المنتدى راه ينقصو بالبزاف اطباق من مطابخ العضوات والمجربة والناجحة 100/100
اتمنى من المشرفات ان ينتبهن لمواضيعك وضعتي ما شاء الله عليك 11 طبق بصور موضحة وطريقة نضيفة ومتقونة
علامة استفهام كبيرة واعتذر ان تدخلت ولكن هذا راي واظن ان الاغلبية يوافقني الراي