السلام عليكم و رحمة الله تعالى و بركاته حبيباتي توحششتكم اليوم جيت نطل عليكم و مجيتش بيديا فارغين جبت ليكم تارت الجبن من مطبخي رووووعة نتمنى تجربوها أترككم مع الوصفة و الصور
تـــــــارت الجبن
مقادير التارت
7 ملاعق زبدة باردة
3 اكواب فرينة
ثلاثة ارباع الكوب حليب بارد
ملعقة صغيرة ثوم بودرة و زعتر مطحون
و ربع ملعقة صغيرة ملح
ملاحظة ..
التارت عادة مايستخدم فيه الماء المثلج ولكن افضل استخدام الحليب المثلج لانه يعطي العجينة طراولة و طعم رائعين
الطريقة
نضع الزبدة والفرينة و الثوم و الزعتر و الملح ( أنا مكانش عندي الثوم بودرة استعملت فلفل أسود المهم حاجة ذوق ) ونخلط المقاديريخرج الخليط مفتت
نضيف الحليب ونعجن المقادير لمدة قصيرة
فقط الى ان تلتم العجينة مع بعضها
كما واضح في الصور
نلف العجينة في سيلوفان ندخلها الثلاجة لمدة نصف ساعة
مقادير الحشوة
جبنة موتزاريلا او شيدار أو اي نوع جبنة مبشورة
كوب حليب
بيضة
جبن اللي يذوب أنا استعملت شاف او اي نوع مماثل لهذه الجبنة
نقوم بخلط جبن الشاف والقليل من الجبن المبشورة مع الحليب والبيضة
بعد مرور نصف ساعة نخرج العجينة ونقوم بفردها مع ترك القليل منها جانبا للتزيين
ضع العجينة في طاجين التارت
نوزع جبنة موتزاريلا او اي جبنة مبشورة على العجينة
نسكب على الجبنة خليط الجبنة المعد سابقا
نقوم بفرد مقدار العجينة المتبقي ونقوم بقصه الى شرائط رقيقة
نضع الشرائط فوق خليط الجبنة بالشكل الواضح في الصورة او يمكن وضعها بالشكل المرغوب لديكم
ندخلها الفرن من الاسفل على درجة حرارة 180 لمدة 40 دقيقة
ومن فوق حوالى 5 : 10 دقائق لاجل ان يأخذ الوجه اللون الذهبي الاشقر
بعد ان يبرد قليلا يخرج من الطاجين ونقوم بقصه بالشكل المرغوب و تاكلوه بالصحة و الهناء و متنسااوش تدعولي شهية طيبة أترككم مع الصور
هنا كل المقادير ما عدا الحليب انا في مكان الزعتر والثوم استعملت فلفل أسود و les herbes de provence
نخلطهم يصبح شكلها مفتت هكذا
من بعد نضيف الحليب بالشوي حتان تولي متماسكة و نعجن لما تتعجن نغطيها و نخليها فالفريجيدار ترتاح 30 دقيقة
من جيهة نحضر الخليط تاع الجبن الذائبو البيضة و الحليب و القليل من الجبن المبشور
نفرغ الجبن المبشور و نفرغ فوقو الخليط
عن قرب
عن قرب أكثر
نتمنى تجربوها صدقوني طعمها روووعة هي اصلا أي حاجة بالفرماج نحبها بصحتكم لا تنسونا من صالح الدعااء و صح فطوركم … أسفة تأخرت عليكم بوصفة الميلفاي والله لهيت مع القاطو مخدمتش العجينة المورقة لكن باذن الله اليوم تخدمهالي ماما و غدوة نديرو
أرحمينا يا ليليا الجوع وتحطيلنا هاد الأطباق الراااائعة بلا مانذوقو
يعطيك الصحة يالفحلة ربي يبعد عليك العين ويرزقك ماتتمناي
يعطيك الصحة اختي
|
المشاركة الأصلية كتبت بواسطة leila ben
 أرحمينا يا ليليا الجوع وتحطيلنا هاد الأطباق الراااائعة بلا مانذوقو
يعطيك الصحة يالفحلة ربي يبعد عليك العين ويرزقك ماتتمناي |
هههه عيب تقولي هااك ذوقي الدار دارك و أنا لشكوون راني نطيب ليكم اخواتاتي .. ربي يخلييك و يعطيك حتى انتي ما تتمناي
|
المشاركة الأصلية كتبت بواسطة ميرال النوي
يعطيك الصحة اختي
|
العفو حبيبتي ربي يحفظك
|
المشاركة الأصلية كتبت بواسطة lyllia30
هههه عيب تقولي هااك ذوقي الدار دارك و أنا لشكوون راني نطيب ليكم اخواتاتي .. ربي يخلييك و يعطيك حتى انتي ما تتمناي
|
الله يرضى عليك حنونة على بالي بلي منهونش عليك وتخليني نذوق:dصح فطووووووورك
|
المشاركة الأصلية كتبت بواسطة leila ben
الله يرضى عليك حنونة على بالي بلي منهونش عليك وتخليني نذوق:dصح فطووووووورك
|
هههههه ادي كااامل الصحن حبيبتي مش خساارة فيك و الدار نعاودلهم
يعطيك الصحة
بارك الله فيك
والله لوكان رديت انا الاولى لوكان سرقت كامل البلاطو
الله غالب يا ابو غالب
تسلمي حبيبتي والله خرج رائع
تسلمي
ماشاء الله فكرة هااااايلة بارك الله فيك
امممممممممممممممممممم تسخف يعطيك الصحة
بارك الله فيك وصفة هايلة
بوركتي على الوصفة