allah ykhalik okhti wahrania
rani arda mes parents w khwatati w rani haba ndir hrira, mais khassni la recette chaba w bnina bezaf w makadir tkoun li 7 achkhass
nman fadlek allah ykhalik 3awnouni
حبيبتي الغالية الله يجعلها لمة دائمة انشاء الله
اولا هادي حريرة الزربة كنت حطيتها وناجحة
https://www.djelfa.info/vb/showthread.php?t=1178252
وجربتها الاخت سمراء الدنيا في هاد الرابط
https://www.djelfa.info/vb/showthread.php?t=1202150
والحريرة العادية هادي مقاديرها
نصف رطل لحم غنمي
2 حبات بطاطا
2حبات جزر
1 حبة لفت
حبة طماطم كبيرة تكون طايبة شوية
2 حبات بصل
ربطة قصبر
زوج عراش كرافس
فنجان حمص
التوابل
ملح – فلفل اسود- فلفل احمر -كروية -راس الحاوت-شوية حلبة- حبة حلاوة-سكنجبير -طماطم مصبرة- زريعة بسباس -زيت
نحطو كل شي في قدر ونمرقو بالماء ونغلقو حتى يطيب اللحم نقلعوه ونطحنو كل شي
ومن بعد دوقها وزيدلها الشي الي ناقصها
خليط الفرينة 1 لتر ماء في 250غ فرينة زادا حابة تديرلها التشيشة ثاني نفخيها في الماء ومتكثريش حبيبات برك
ديري شوية كروية مع عراش نعناع وعراش قصير وحبات ثوم طحنيهم مليح ولا دقيهم بالمهراز واضيفهم في الاخير
حبيبتي وادا راكي محتارة في الاطباق الرئيسية نقترح عليك هاد الطبق راني درته هاد الاسبوع للضياف وعجبهم حاجة جديدة
https://www.djelfa.info/vb/showthread.php?t=1181782
كما ممكن تحطيهم ناشفين كمقبلات
اي سؤال انا موجودة حبيبتي
نتمنى انني افدتك واي افكار تحتاجيها للضيافة انا موجودة اسالي فقط
ربي يحفظك ختي الوهرانية
دمت متالقة 
allah yassatrok w ya3tik maraki matmaniyatou ya okhti lwahraniya
خليط الفرينة 1 لتر ماء في نصف لتر فرينة زادا
ma fhamtch hadi la phrase
ndirou farina fel marka toma nzidouha lalguedra walla ndirou farine fi ma bared?
tu as ecrit litr farina, wach takossdi biha
samhili 3ala katrat assaila
chokran
|
المشاركة الأصلية كتبت بواسطة nadjwa270
 خليط الفرينة 1 لتر ماء في نصف لتر فرينة زادا
ma fhamtch hadi la phrase ndirou farina fel marka toma nzidouha lalguedra walla ndirou farine fi ma bared? Tu as ecrit litr farina, wach takossdi biha samhili 3ala katrat assaila chokran |
حبيبتي الغالية
خليط االفرينة هو
نديرو لتر ماء بارد ونصف رطل فرينة نخلطوهم نتحصلو على خليط ابيض سائل نضيفوه للمرق تاع الحريرة باش تدريجيا وحركي مش ضروري كامل الخليط بمجرد انكي تحسيها تتقل توقفي وملاحظة قبل ما تزيدي الخليط نقصي المرق خفيف في حالة ما ادا جاتك ثقيلة اضيفي المرق وخفيها اي سؤال انا موجودة
اسمحيلي غلطت في الكتابة 250غ فرينة
|
المشاركة الأصلية كتبت بواسطة الوهرانية 1
حبيبتي الغالية
خليط االفرينة هو نديرو لتر ماء بارد ونصف رطل فرينة نخلطوهم نتحصلو على خليط ابيض سائل نضيفوه للمرق تاع الحريرة باش تدريجيا وحركي مش ضروري كامل الخليط بمجرد انكي تحسيها تتقل توقفي وملاحظة قبل ما تزيدي الخليط نقصي المرق خفيف في حالة ما ادا جاتك ثقيلة اضيفي المرق وخفيها اي سؤال انا موجودة اسمحيلي غلطت في الكتابة 250غ فرينة |
يعطيك الصحة اختي بصح انا ندير بول تاع الماء تاع الشربة نزيدلو 3 ملاعق كبار تاع الفرينة و تخرج سواسوا يعني ما نزيد ما نقص
sahiti okhti lwahraniya wa kol man sa3adani