السلام عليكم ورحمة الله
طورطة بالليمون
المكونات
عجينة مسكرة
250غ سكر ارطب(قلاصي) وانا صراحة انقص كمية السكر لانها مع لكريمة منحبهاش مسكرة بزاف
250 غ فلوريال. ..هذا مرغرين خاص نخدم بيه كل حلوياتي تقريبا و تنجح روعة
قرصه ملح
بشور الليمون
تخدمي كلش مع بعض و تشيحي بالفرينة تتحصلي على عجينة مليحة
سر نجاج هذه العجينة بعد متفرديها في قوالب صغيرة او كبيرة كما تحبي خليها في الثلاجة لمدة ساعة و بهذا الحواف لا تسقط عند الخبز
يسخن الفرن جيدا و مبعد حطيها طيب متخدش وقت كبير تشوفيها اخذت لون ذهبي اخرجيها و خليها تبرد تماما
هذه المقادير تعطيك قاعدة للطورطات روعة كون تبعي المقادير لن تغيريها ابدا
كريم موسلين
1_اولا احضر كريم باتسيير
هي طريقتي الخاصة تعجبني بزاف وتبقى شادة روحها و لا تسقط حتى بعد متحوليها الى كريم موسلين
نص لتر حليب
4 ملاعق نشاء مغربلة و صفار بيضتان قرصة ملح صغيرة جدا قشور ليمون تخلطي كولش مع بعض و تزيديهم في لحليب بارد و تحطيهم على النار مع التحريك المستمر بمجرد متغلي طفي لازم تجي ثقيلة مليح خليها تبرد تماما
نحضر كريمة الزبدة هي طريقتي الخاصة ايضا
وهذي لكريمة لازم تكون اقل من كريم باتسيير باه متجيش ثقيلة بزاف لانكم كما تعرفو كريمة الزبدة تكون ثقيلة
اخذت 125 غ فلوريال + 2 ملاعق كبار سكر قلاص و بشور القارص ضربي كولش مليح و اخيرا زيدي نصف فنجان زيت و خلطي بالروبو ولا الخلاط حتى تولي بيضاء انا خدمتو في العجانة افرغي عليها كريم باتسيير الباردة وزيدي حركي مليح ولمزيد من القوام و النكهة ملعقتان بودرة الشونتيي
و خليها تبرد وزييني بالكيس الحلواني تجيك رووعة و خفيفة جداااا و التزيين اختياري اولادي احبوها بكريمة كثيرة بلا فواكه لذا لم اضف الفواكه فقط ابشري فوق الوجه بشور ليمون لمزيد من الذوق
وشهية طيبة
واووو باينة هايلة يعطيك الصحة
تهبل راني نستنى
يعطيك الصحة
تم وضع المقادير والكيفية و الحمد لله
واوووو روعة والله تسلم ايديك
الله الله عليك يا أم بدر الدين خرجتلك روعة ربي يجازيك يالفحلة .
يعطيك الصحة
تارت الليمون بدون كريمة اليمون
في المطبخ الوحدة فينا تبدع بما يماشي ما يحبه الاولاد و افراد الاسرة نحن نحب طعم الليمون و خاصة المتركز في القشرة و لكن لا يحب احد من افراد اسرتي كريمة الليمون ….
انا ابدع و اغير حتى و ان كانت التسمية طورطة الليمون وهذا بسبب النكهة المضافة اليها …..
بارك الله فيك على الملاحظة .
حبذا لو كانت قبل العتاب كلمة شكر على الاقل …
بارك الله في كل من انار صفحتي بكلمات شكر و تشجيع
بارك الله فيك احيتي على الوصفة
حقا تستحق التجريب
هايلة يعطيك الصحة
اعيشكم و اخليكم ربي .
بارك الله فيك اختي انا ان شاء الله نجربها عجبتني لكريمة بصح السكر ماشي بزاف في العجينة لان لكريمة حلوة