مساء الخير
درت les beignets تاع الاخت كوزينة هديل .. مي كانت عندي مشكلة وهي بنة الخمييييرة بزااااااااف
انا يبالي 2 مغارف كبار خميرة ل 250 غ فرينة بزااااااااااف
خفت نقص الخميرة ما يجونيش ملاح
مارايكن اخواتي .. ولي عندها وصفة اخرى ممكن تحطهالي لانو راني ميتة ندير les beignets كيما تاع البحر .. ومافيهاش بنة ورائحة الخميرة بزاف
هذه صورة تطبييقي واشكر جدااا الاخت هديل على الوصفة .. https://www.djelfa.info/vb/showthread.php?t=1203245
أنا ثاني عملتهم وماجاونيش كيما نحبهم
تنفخو بصح غير من القشرة وفي الجيهتين والداخل جاو كي كسرة الخميرة
وصح بنة الخميرة ظاهرة
ونظن أنه لو نقصنا الخميرة تنجح الوصفة لأنه لما عملتها تخمرت في 10 دقائق ماشي في 45 د كما قالت الأخت
اقتباس:
المشاركة الأصلية كتبت بواسطة الحركاتية  أنا ثاني عملتهم وماجاونيش كيما نحبهم
تنفخو بصح غير من القشرة وفي الجيهتين والداخل جاو كي كسرة الخميرة
وصح بنة الخميرة ظاهرة
ونظن أنه لو نقصنا الخميرة تنجح الوصفة لأنه لما عملتها تخمرت في 10 دقائق ماشي في 45 د كما قالت الأخت
|
مام انا جاوني كيما انتي .. وخمرو في ساع .. يبالي كاينة غلطة في كمية الخميرة .. شكرا اختي للمرور يعطيك الصحة
الخميرة تعملي المغرف و تمسحيها بصبعك هكذا تكون الكمية
ماشي تعمريها و تفيضيها قد 3 مغارف
ممكن ما كيلتيش مليح و لما تخمر ما تخليهاش تخمر بزاف لانو تخمر على حساب السخانة لي فالمطبخ
أكيد السبب هو الخميرة في الطعم مغرفتين كبار ميجوش في ربع كيلو لكن الصورة تبانلي مليحة الله يبارك على العموم إن شاء الله تعاوديها وتنجحي فيها يارب تقبلي مروري سلا ا ا ا م
أختي بالاك درتي كاش خلل لأنو مايجوش فيهوم ريحة الخميرة وأيضا يجو خفاف وبنان خير من لي يتباعو إن شاء الله تتوفقي مرة أخرى لأنو شحال من واحدة جربذوم في المنتدى وعجبوها بالتوفيق
جربتهم اكثر من مرة
و كل مرة يجيو يهبلو مافيهم الريحة تاع لخميرة مايجو معجنين
و تقيدت بالوصفة كيما جات
بالتوفيق المرة الجاية
ياأختي 2 ملاعق كبار في 250غ فرينة هذي راهي من سابع المستحيلات ، القاعدة راهي تقول دائما في عجينة الخبز 500غ فرينة فيها 1 م كبيرة خميرة الخبز ، نصيحتي تنقصي الخميرة و تحطي القدر الكافي فقط و النصيحة الثانية ممكن تحطي في العجينة فاني أو zest باش تقضي تهائيا على ريحة الخميرة ، أنا ديما خبز الدار نحطلو كمية مليحة من zest وماتبانش فيه ريحة الخميرة
أختي أنا شاك ويكاند كي نكون قاعدة نواسيهوم لولادي ويموتوا عليهوم ما فهامتش كيش جاتك ريحة لخميرة أنا نديرهوم ونطبق الوصفة كيما حطتها
الأخت ما فهامتش وعلاش انتي جاوك هكذا
والأخت لي قالت من المستحيلات السبع جربت الوصفة كما قالت الأخت بصح نمسحهوم باش 2 ملاعق ماشي يولوا 3
بالتوفيق أختي للمرة الجاية
انا ثاني والله جربتهم جاوني قاطعين بريحة الخميرة
وبنتهم ماجاتش كي البنيي
يبانو فريكاسي لانها تقريبا نفس الوصفة
اختي الغالية جربي نتاعي ربما يزبط معاك
المقادير
500غ طحين
حبة بيض
ملعقة كبيرة زيت
رشة ملح+ 2 ملاعق سكر+ ملعقة خميرة الخبز +1 علبة خميرة الحلوة
لميهم بالماء دافئ او الحليب دافئ
خليوها تخمر ساعة.. وبعد ذالك ورقوها وقطعو بالكاس دوائر وخليهم يخمرة شوية ماشي بزاف وديروهم ينقلو في الزيت
وبقاي تفرخي بالملعقة على الحبة الزيت حتى تنتفخ
وراه يجي فارغ تماما من الداخل
ونصيحة باه مايجيكش العجين من الداخل فالتوراق وماترقي بزاف ماتغلضي
وان شاء الله تنجحي فيه
يا اختي العزيزة هادو راهم يشبهو كون تشوفي لي درتهم انا جاوني يبهدلو ما صلحوش خلاااااااااااااااااص
كي نجي نقليهم ما يتنفخش خلاص
الا لقيتي وصفو ما احسن منها من فضلك اعطيهالي
و شكرا
اقتباس:
المشاركة الأصلية كتبت بواسطة لينا11 |
صحيتي ربي يحفظك
كون تشوفي الدودة لي راهي دايرتلي باش يصلحولي
رايحا نهبل عليهم
الوالد نتاعي قالي شحال تبيعي فيهم للواحدة
جاو خير من لي يتباعو برا
