الوصفة الاولى الاهرام (pyramides)
للعجينة: كيلو فرينة +قبصة ملح+350غ زبدة ذائبة وتبسسيها جيدا وقسميها نصفين الاول بليه بماء الزهر او الورد حتى تتكون لديك عجينة متماسكة وطرية واقسميها الى اقراص صغيرة حتى يسهل عليك طرحها والثانية اضيفي لها 4م/ك كاكاو او اكثر انتي واش حابة في قوة اللون وبليها بما الزهر او ماء الورد حتى تتكون لديك عجينة طرية ونفس الشيئ غطيهم وخليها ترتاح شوية ثم اطرحي كل واحدة على حدى واطبعيهم بطابع مربع
للحشو : انا استعملت كيلة نوات كوكو +كيلة حلوة الترك عصير ليمونة وزازت نتاعها وبلتهم ببياض البيض حتى تلمت اذا حبيتي استعملي اللوز اواي حشوة تفضلينها كوريهم كرات صغيرة قد حبة الجوز واتركيه على جنب
التشكيل : خذي مربع بني ضعي فيه كرة من الحشو واغلقيها باحكام جيد وضعيها على الطاولة وشكلي هرم بالضغط عليها حتى يتشكل مثلث ثم ضعيه على المربع الابيض وارفعي الرؤوس كما هو موضح في الصور ولما تنتهي ادهنيهم جيدا بالزبدة الذائبة وطيبيهم على نار متوسطة ولما تخرجيهم اغطسيهم في العسل (بارد) وتكون ثقيلة ماش خفيفة وزينيها كما تشائيين .
https://
هنا وضعت الحبة فوق الابيض باش نتاكد من القيس نتاعها
https://
https://
الوصفة الثانية : حلوة التاج
نفس العجينة الاولى اما الطريقة اعتمدت طريقة اختي ام كوثر لانها سهلة ومريحة وسريعة جزاها الله كل خير واستعملت 2طبقات وبلونيين مختلفيين ونفس الشيئ لابد من غلقها جيدا ودهنها بالزبدة الذائبة ولما تطيب غطسيها في العسل والتزيين بوردات من عجينة اللوز .
الوصفة الثالتة: الصبلي بشكلين (6صفار بيض +500 غ منغرين +كاس سكر +2 فاني +1 خمارة وتشيحي بالفرينة والشكل كما هو في الصور المربع والثاني استعملت طريقة اختي ام كوثر الله يذكرها بالخير.
الوصفة الرابعة :كروكي بشكل اخر (3بيضات +كاس سكر +كاس زيت + 1فاني + 1خمارة وتشيحي بالفرينة والعجينة تكون طرية خذي قليل منها اضيفي لها الفرينة حتى تتماسك ورحيها وبقية العجينة تطرحيها في بلاط وتضعي عليها المعجون ممزوج بماء الزهر ثم الخليط اللي رحتيه وضعيها تطيب على نار متوسطة 180°د )
البقية مقروض الكل يعرفه والقريوش نفس العجينة السابقة للوصفة 1وهذه العجينة المعتمدة للبقلاوة كذلك اتمنى اني وفيت بوعدي انتظر ردودكم الطيبة تحياتي .
الله يعطيك الصحة
تحفة فنية رائعة
و شكرا الف شكر على الوصفة و طريقة التحضير
جزاك الله كل خير.
الف شكر عزيزتي لكن حابة نسقسيك اذا المربع الثاني اصغر من الاول و الثالث اصغر من الثاني وشكرا مرة اخرى
كان غير تزيدي تحطي طريقة التاج psq ما عرفتش كفاه ندير 2 ألوان
شكرا ام خذيجة شافتها ماما و قلتلها ان شاء الله في العيد الجاي اذا كنا من الحيين نديروها
شكلها رائع بانتظار وصفة التاج
شكرا ام خذيجة شافتها ماما و قلتلها ان شاء الله في العيد الجاي اذا كنا من الحيين نديروها
شكلها رائع بانتظار وصفة التاج
تسلمي يالشاطرة
الله الله يا ام خديجة متالقة دائما الله يبارك حلويات في القمة سلامي الحار اختي
شكرا جزيلا اختي ام خديجة ربي يخليك دائم متالقة تقبلي مني هذه الباقة
هايلين عزيزتي ام خديجة تسلم ايدك ننتظر منك المميز دائما
الله يبارك كفيت ووفيت يعطيك الصحة اختي خديجة عجبتني باذن الله نجربها
ما شاء الله تبارك الله عليك ياأم خديجة
شكل مميز وجميل
سلامي الحار
بوركت أختى على الوصفة الجميلة
الف شكر ختي بارك الله فيك 
فحلة ونص
|
المشاركة الأصلية كتبت بواسطة saida08
 الله يعطيك الصحة
تحفة فنية رائعة و شكرا الف شكر على الوصفة و طريقة التحضير جزاك الله كل خير. |
الله يعافيك اختي سعيدة ولا شكر على واجب نورتي حبيبتي صفحتي
