السلام عليكن اخواتي نتامنى انكم بخير
اليوم جبت للمبتدئات ابسط طريقة في تفصيل القندورة وهي طريقة جد عملية
وانا نستعملها دايما
تبعو المراحل والشرح فوق الصور
اولا نجيبو القماش بطولنا مطوي على اربعة
مبعد نقيسو نصف الكتف ونعينو نقطة
ومبعد نصف فتحة الرقبة وهو اختياري لينا ونعينو نقطة
ومبعد من نقطة الكتف نهبطو ب3 سم ونرسمو خط الكتف من نقطة الرقبة للنقطة لي عينناها باه يجي مائل
مبعد عموديا نعينو البعد نتاع دورة الابط ونعينو النقطة
بعدين على استقامة هاذ النقطة نقيسو دورة الصدر ونقسموها على اربعة ونعينها تجينا نقطة خارجة على نقطة دورة الابط
هنا نرسم تقويسة الذراع
ثم نهبطو مباشرة نقطة تقويسة الذراع ب20 سم ونعينو نقطة اخرى راح نستعملوها في رسم تفصيل الخصر
بعدين نرسم خط مباشرة من تقويسة الذراع الى اسفل القماش
نزيدو نرسمو تقويسة الخصر كما هو مبين في الصورة
مبعد نقصو القماش ونخلو حوالي واحد سنتيمتر كهامش للخياطة
ثم نفصل الرقبة بالابعاد والشكل المرغوب فيه
ثم الذراع وهو بوضع القماش على اربعة تحت تقويسة الذراع والتفصيل عليها والطول والشكل حسب الرغبة
بعدين نزينو قندورتنا واكمامها بالقالون كيما حبينا
انا هنا حبيت نعملها ستيل قفطان سامبل عملتلها حزام والشرح نتاعو في الصورة
وهاذي قندورتي لي اتحصلت عليها
نتمنى تكون عجبتكم وفهمتو الطريقة البسيطة للتفصيل
بالتوفيق للجميع
الله يبارك عليك…ربي يوفقك اختي
جزاك الله كل خير اختي
بارك الله فيك فيفي زيدي ديري طريقة السروال و حوايج اخرين خاطر طريقتك في الشرح بسيطة و تفهم لي ماعندو حتى علاقة بالخياطة جزاك الله خير حبيبتي
Stayfiya
مشكورين اخواتي على الردود الطيبة
اختي سطايفية والله من عيوني اول ماتكون عندي فرصة خياطة ان شاء الله نصورلك المراحل
المشكلة فقط في الة التصوير
طبعا انا نخيط بابسط الطرق
وان شاء الله تستفادو معاي
مساء الخير يالحرايرتوحشتكم بزاااااااااااااااااف
فيفي انتي كالعادة متميزة
يعطيك الف صحة ربي يخليك اتمنىان تشرحيلى اسهل طريقة لخياطة بيزوبيزو وشككككككككككككككككككرا
|
المشاركة الأصلية كتبت بواسطة doli/m
 مساء الخير يالحرايرتوحشتكم بزاااااااااااااااااف
فيفي انتي كالعادة متميزة |
يا اهلين حبيبتي دولي والله احنا توحشناك اكثر
البنات كامل يسالو عليك
نتمنى انك بخير
واش اخبار كتكوتتنا ان شاء الله بخير
|
المشاركة الأصلية كتبت بواسطة ghagha
يعطيك الف صحة ربي يخليك اتمنىان تشرحيلى اسهل طريقة لخياطة بيزوبيزو وشككككككككككككككككككرا
|
العفووو اختي
لكن لم افهم سؤالك
انا بالنسبة ليا نفصل البيزو بيزو نفس التفصيل
فقط ننتبه الى الجهة لي يتطوط فيها القماش
هكا باه كي نفصلو يكون يتطوط بالعرض ويجي متناسق مع الجسم
ما شاء الله فيفي جامي خيطت روبا و نشاء الله نتعلم معاك
مشكورة ربي يعطيك واش تتمناي
بارك الله فيك
ما شاء الله عليك أختي فيفي،، شرحك بسيط ودقيق مشكوووووووووووووورة
بارك الله فيك اختي
ممكن تشرحيلي طريقة تركيب صدر كروشي على القندورة ةشكرا
ما شاء الله عليك أختي فيفي،، شرحك بسيط ودقيق مشكوووووووووووووورة
[/url
[/url
إضغط هنا لرؤية الصورة بحجمها الطبيعي.
