petits fours 2024.

السلام عليكم و رحمة الله وبركاته
هده اول مشاركة الي في هدا المنتدى

المقادير

250غ مارغرين
150غ سكر عادي رقيق
2 حبات بيض (110غ)
قرصة ملح
400غ فرينة
ملعقة صغيرة خميرة (اختياري)
ملعقة فانيليا او زاست الليمون

اولا نخدم المارغرين مع السكر مليح حتى تولي بيضاء قد ما تنخدم مليح يجي البوتي فور خفيف منبعد ندير البيض حبة بحبة ونضيف قرصة الملح والفانيليا او القارص بعد البيض,
نغربل الفرينة ونخلط بسباتولا او ملعقة خشب من فوق لتحت ونشكلو البوتي فور .
نطيبوهم في فرن مسخن درجة 160 ونعسوهم حتى يطيبو
نخلوهم يبردو باش نديموليوهم علجال هشوشا بزاف سورتو ادا تخدمت مليخ المارغرين مع السكر
والديكور كل واحد واش يحب نقدرو نلصقوهم بالمعجون ولا لاجولي ولا شكولا
والشكل ديالهم موضح في الصورة
ان شاء الله شرحت مليح كاش سؤال نجاوب ان شاء الله
كاين حاجة نسيتها اعجينة الصابلي لازم تكون المقادير تاعها بحرارة الغرفة معناها ادا حبيتو تجربوهم لازم تجبدو المارغرين من الثلاجة في الليل ولا صباح والبيض لازم يكون دافئ

بلا مزية اختي هادي صورة وين نتعلم حبيت تتعلمو معايا

Waaaaaw hayal okhti baraka allah fik inchallah njarbou

روعة أختي الا كان هده اول مشاركة فقد نجحت يعطيك الصحة واصلي راني نستنا المزيد

ياما استنينا وصفة هد البيسكوي اللي يتباااع
وكل الوصفات لي جربتها شخصيا تشبهلو بصحمش كما هو
ان شاء الله نجرب وصفتك ويجي كما هوبرك وضحي قوام العجينة كفاه يكون
ومرحبا بيك معانا تفيدي وتستفيدي

بركتي اختي

يعطك الصحة

ترحب بيك الجنة اختي مافهمتكش مليح واش تقصدي بصاح العجينة تكون شادة روحها على عجينة المادلان
وادا عندك عجان خير باش تخدمي المارغرين مليح مع السكر بالk كاش نصف ساعة البيترا يدور علجال لاباز في المارغرين منبعد البيض ديري بلعقل ومن الاحسن يكون دافيء يعني ديريه في ماء دافئ باش ما تدورش العجينة لاانو مرات نشوفو الزبدة تتفكك ان شاء الله فهمتيني
وان شاء الله ينجحلك ويعجبك هاد المرة

[IMG][/IMG]مشكورة على الغوسات ختي أكيد رح نجربها إن شالله ومرحبا بيك معانا

شكرااا في انتظار قرون فور

ما شاء الله يبان هاااايل

اختي جاك هايل يعطيك الصحة لكن عندي سؤال السكر العادي هل هو القلاصي؟شكرا