سلام عليكم نشاء الله راكم بكل بخير وعافية عندي مدة مادخاتش المنتدى خطراكش جدي كان مريض ودركا الحمد لله لباس حبيت نحط الوصفة نتاع قاتو القهوة للأخت سليمة هي الوصفة مغايرة شوي نخليكم مع المقاديروهي 400غ زبدة+بيضة+200غ سكر قلاصي+1 خميرة+12ملعقة كبيرة كاكاو + 2مغارف كبار قهوة وبضع قطرات اكستري القهوة+ 300 غ فرينة (حسب نوعية الفرينة)
الطلاء:
4 مغارف كبار كاكاو +3مغارف كبار سكر ناعم+50 غ زبدة+1ملعقة كبيرة قهوة+2 علب شيكولة امباسادور نوار
هذي هي الوصفة راهي تجي شوي مرة كيما الشيكولة المرة بصح بنية كيما القهوة أنا عجبتني واللي تحب لحلاوة تنقص شوي الكاكاو والكاكاو لازم يكون نوعية جيدة (مر ولون بني غامق جداااااا)
هدا القاطو الخدمة تاعو بالترتيب ولا كفاه قوليلي الطرؤيقة يعيشك والطلاء تاني
راح نديرو اليوم ان شاء الله عجبني يعطيك الصحة وربي يجازيك
شوفي اختي اسمحيلي هذا وين تولهت ديري 400غ زبدة+200غ سكر قلاصي واخدميها ملييييييييييييح +بيضة+12ملعقة كبيرة كاكاو تكون ممسوحة مش معمرة واذا كان الكاكاو نتاع الخارج نقصي شوي لاانو يجي قاوي بزاف + 2مغارف كبار قهوة وبضع قطرات اكستري القهوة+ 1 خميرة و حوالي300 غ فرينة(حسب نوعية الفرينة) ما تعجنيش لمي برك تتحصلي على عجينة كيما نتاع الصابلي
شكلي كريات واقسميهم في النص بالكوردون ولا موس كيما حبة القهوة وطيبيهم
الطلاء:
شوفي ذوبي الشيكولة زيديها الزبدة ومبعدا السكر والكاكاو مغربلين وملعقة او 2 قهوة حسب القوام يعني شوفي عينك ميزان تجي خاثرة باه تجمد وزيدي قطرتين اكستري اللقهوة خلطي الكل مليييييييييييح ومبعدا فوتيهم في الصفاية لاانو الكاكاو يتكتل شوي المهم تتحصلي على شوكولا ملساء وناعمة وتلمع تقدري تزيدي قطرة فقط نتاع زيت باه تجي تلمع اطلي الحبات وخليهم يجمدو وديريهم في الكيسات وشهية طيبة ماتنسايش تصوريلي تطبيقك راني نستنا 
امممم شهيتوني نموت على بنة القهوة
شكراااااااااااااا
شكرا ليك اختي على الشرح ان شاء الله نديرو في عرس اختي مادرتوش فالعيد هدا