السلام عليكم
وصفة البيسكوي رولي المفضلة عندي …..
مقادير الرولي و التحضير مع بعض
دري 4 بيضات مع 100 غ سكر يتضربو حتى يوليو رغوة كتيفة قريب بيضاء …..سيري بالصفاية مقدار 80 غ فرينة مع 5 غ فاني نتاع الميزان وخلطي مليح بلاسباتول من فوق للتحت …
نقصي مقدار 3 م ك او 4 من الخليط وضيفيلو 1 مص نتاع فرينة مصفية مع 1/2 م ص ملون البيض بودرة وخاطي مليح …حتى تشوفي اللون دخل.
زيدي حطي مقدار 2 م ك نتاع كاكاو مصفي على الخليط الاخر وحركي دايما من فوق للتحت حتى تشوفي الكاكاو دخل .
تكوني نقلتي ولا امبريميتي اشكال او رسومات لي بغيتيها حتى مجسمات بورقة 21/27 او ورق شفاف ادا خفتي ما يخرجلكش الرسم ………لوني كامل داخل الرسم بالملون الاسود
وحطي الورقة تحت ورق الزبدة لي رايحا طيبي عليها الرولي …. انا مستعملة هنا تابي للطهي يتغسل كيما تغسلي الماعن ….هههههه مول الدار كره كره كره من الشريا نتاع ورق الزبدة العادي …..قالي تقولي راكي تاكلي فيه …..هههه
المهم …قلت حطي الورقة من تحت وابداي تملئي في الرسومات بالخليط الابيض لي تكوني درتيه في بوش ادوي جوتابل او لعندك … ابداي بالحاشية ثم املئي في الداخل … وهنا لا استعملتي الالوان ابداي بالحاشية وحطيها في المجمد 30 د على الاقل من بعد عاد تزيدي الالوان الاخرى … كلما درتي لون مخالف حطي في الكونجيلاتور …..
انا عمرت الفراغات كامل في خطرة وسحبت بالعقل الورقة 21/27 ل كنت نرسم عليها …وحطيت تابي الزبدة على سينية صغيرة في الكونجيلاتور مدة 30 د …من بعد فرغت الخليط بالكاكاو على كامل لا سورفاس و سويتو بالعقل و كي كملت اخبطت السينية مليح مليح خرجتلها قلبها …باش يطيح الخليط لي بكاكاو على الفراشات البيض او على اللون الابيض و دخلتو يطيب 180 درجة في فرن مسخن 10 د على الاقل ….
خرجتو و لويتو على سربيتة مندية باش يحكم لافورم نتاعو و خليتو شوية و عاودت حليتو و درتلو كريمة الزبدة …. محظرتها بنكهة الموكا …. ساويتها مليح على الرولي وزدت حطيت حبات من مربى الفراولة في الحاشية فقط وروليت ….
و هادا شكلو … خليتو يبرد 30 د في الثلاجة … وخرجتو قطعتو ……
ان شاء الله يعجبكم و تجربوه
ماشي شرط ديرو هاد الشكل …تقدرو طبقو الوصفة حتى على الطورطات ….وديرولهم مجسمات مثل دورا …الخ
شوفو كراريس التلوين نتاع اولادكم رايحين تستافدو كتير منهم ….هههههه… خيرو اشكال صغيرة برك … قلوب مثلا خطوط بالبني على اصفر لون الخليك الاصلي تمثل الزرافة او اسود على ابيض تمثل الحمار الوحشي اعز الله وجوهكم او وريدات ملونين حتى ….
سلامي الحار ليكم وماتنساونيش في دعوة نتاع خير من القلـــب.
ya3tik sahha
wallah ghir 44444444444444444444444444444
macha2allah 3lik
|
المشاركة الأصلية كتبت بواسطة louli2017
 ya3tik sahha
wallah ghir 44444444444444444444444444444 macha2allah 3lik |
merci pour l’encouragement
يعطيك الصحة
|
المشاركة الأصلية كتبت بواسطة maria dadi
يعطيك الصحة
|
الله يسلمك ويخليك يارب
ماشاءالله وصفة هيلولة يسسسسسسسسسسلمو
|
المشاركة الأصلية كتبت بواسطة crono
ماشاءالله وصفة هيلولة يسسسسسسسسسسلمو
|
شكرا تشرفي زيارتك كتير
بارك الله فيك
رمضان كريم ان شاء الله
ما شاء الله خرجلك رووووووووووعه
بارك الله فيك
|
المشاركة الأصلية كتبت بواسطة sidali 2024
يعطيك الصحة ياالفحلة
|
شكرا بارك الله فيك
|
المشاركة الأصلية كتبت بواسطة أم إناس
ما شاء الله خرجلك رووووووووووعه
بارك الله فيك |
ياتيك ام اناس غاليتي …بارك الله فيك
بارك الله فيك
ما شاااااااااااااااااااااااااااااء الله والله ما لقيت ما نقول غير تبارك الله عليك ايديك يتلفو في حرييييييييير حبيبتي
|
المشاركة الأصلية كتبت بواسطة idron0
بارك الله فيك
|
الله يبارك فيك حبيبتي
|
المشاركة الأصلية كتبت بواسطة ام يسرا
ما شاااااااااااااااااااااااااااااء الله والله ما لقيت ما نقول غير تبارك الله عليك ايديك يتلفو في حرييييييييير حبيبتي
|
شكرا …. ونقصي شوية 
…. خليني راني دايرا القلب هادو ليامات قبل ما يطيح عليا مول الدار بالضيافات في رمضان …..هههههههههههه