السلام عليكم يا خواتي انا نقرى 1 ثانوي في سكيكدة في متقن عبد السلام بودبزة
انا حابة نطلع لغات بصح جبت المعدل تاعي الثلاثي الاول 12.20 و الثاني 10.79 و راني خايفة ما نطلعش لغات لانو المعدل تاعي مامليحش
يا اصحاب اللغات تاع متفن عبد السلام بودبزة بقداه المعدل طلعتيو بيه??
سلام اختي
اختي انا لست من سكيكدة اقدم لك معلومة فقط حتى الى طلعتي ب؟10 و درتي اختيار شعبة لغات اجنبية معليش بصح يشوفو واش جبتي مليح في المواد الاساسية الفرنسية و الانجلزية و الادب الى كانو معدلاتك فى المستوى يعطوك شعبة لغات اجنبية ان شاء الله يوفقك ان شاء الله
اختي خلود الفردوس انا جبت الثلاثي الاول المعدل في الفرنسية 13.45 و 10.40 في الانجليزية و في الثلاثي الثاني جبت 11.55 في الفرنسية و في الانجليزية 10.73 …صوليلي نقدر نطلع و الا لا??
و في الادب 10.50 و 8.75
املا صايي اختي معدلاتك راهم ملاح ويعطوك لغات اجنبية وطلعى ان شاء الله
أختي حنا قالولنا لي حاب يدير لغات لازم يجيب نقطة مليحة في الانجليزية و الفرتسية من 15 ولفوق باش يديرو لغات
سلام عليكم انا ريهام من مسيلة نقرى سنة اولى ثانوي شعبة اداب راني حايرة واش ندير في سنة تانية قالولي لغات صعيبة و فلسفة كذلك صعبة واش ندير !!
أختي رهام في هاذي الدنيا كلش صعيب … وكي تحوسي يجي كلش ساهل لازم تقرايلو و نتي اللي تحوسي عليها لازم تجبديلها باش تجيك ساهلة .. خطراكش متجيش الحاجة المليحة بالساهل لازم علينا نجدو ونجتهدو باش نوصلو لمرادنا ….. وانا خيرت لغات بصح معرف ليديروني لغات ولا لالا خاطر قالولنا لازم النقطة تعود مرفوعة وانا ندي في الانجليزية 16 واما الفرنسية 10 , 11 برك المهم ربي يوفقنا جميعا و أنا ثاني من مسيلة و ( بوسعادة بالضبط)
|
المشاركة الأصلية كتبت بواسطة riham riri
 سلام عليكم انا ريهام من مسيلة نقرى سنة اولى ثانوي شعبة اداب راني حايرة واش ندير في سنة تانية قالولي لغات صعيبة
و فلسفة كذلك صعبة واش ندير !! |
ننصحك باللغات لانها احسن
درتها ب 15 العام اللي فات راني طالعة للباك بصح كاين لي راهم لاعلاااااااقة ب الغغات وداروهم
ربي يجيب لفيه الخير ان شاء الله بالتوفيق
انا نقرى 1 ثانوي علمي جبت 12.51 و 14.64 و 13.55 بصح السنة الثانية درت شعبة لغات لخاطرش عندي 18 ف فرنسية و 17 ف انجليزية واش رايكم ؟
ممكن يطلعوك لغات لأنو في بعض الثانويات مثل ثانويتنا يطلعوا حيب الرغبة لأن اللغات ماكانش إقبال كبير عليها
لالالا معليش يديروك لغات فاسيلمون لا خاطر كيما انا جبت 10.66 و 11.20 و 10.98 و داروني فشعبة لغات حسب رغبتي مع العلم اني جبت في مواد الغات مليح هوما لي طلعولي المعدل 
شكرا يالبنات على التفاعل