السلام عليكم 
اليوم عندى ليكم طريقة تغير طعم الكوكاو لوز وهذه فعلا طريقة سرية بعد تردد كبير مني ومنبعد قلت مشي خسارة فيكم بدون تكلفة ولا عناء حبيت انديرهم بالصور ولكن الصور محبتش تظهر
السر الاول
المهم اليكم الطريقة ساهلة وبدون عناء
خذى الكوكاو اقسميه على2 بالجهة الطولية وانزعي العرق منه فقط الى تصيبيه في احد الجنبين لانه هوسر ذوق الكوكاو اللاذع اذا منزعتيهش وتزيدي اي معطر تبقى في نفس ذوق الكوكاو ومنبعد وحمريه ذهبي ابيض ثم اضيفي عطر اللوز +لفاني غبرة وجدي الحلوى انتاعك
السر الثاني
باه الكوكاو انتاعك ميتعجنش كي تخرجيه من الفرن احسبي حتى العدد50 ثم ارحيه في الة مع شوية سكر احرش يعنى عادي +عطر اللوز+ لفاني+ قشور الليمون تتحصلي على نتيجة مبهرة
السر الثالث
باه تتحصلي على لون ابيض للعجينة المصبوغة حذاري تستعملي اللون ابيض الي في الكيس وهو صغير الحجم لانه لاتتحصلي على اي نتيجة وتخسري بزاف والحل هو روحي عند الحلواني الي بيعو الجودة والنوعية ابحثي على اللون ابيض بالميزان اشري حق 100 د ج واستعملي في الحلويات المراد صبغها بالابيض وتحصلين على نتيجة مبهرة وخاصة لي السكندرانيات والمشكلة وغيرها من الحلويات
السر الرابع
الحلوى باه مجيكش قاسية الي تعسليها كيما السكندرانيات المشكلة والتى تحتوى على عسل اشري عسل خفيف جيدا وزيدي خفيه بماء الزهر وعسليه 2 مرات وهكذا تتحصلي على حلوى خفيفة ومعسلة ومشي يابسة وتبقى طرية ومشي ثقيلة من العسل
انتظروني مع وصفات سهلة ولذيذة وكذالك وصفة القاتو غولي وشقيقه السفواغ ولما يصلحان كل منهما
بارك الله فيك اختي والله في العيد درت التشاراك بالكاوكاو المعالج كامل حسبوه باللوز شكرًا اختي على النصائح القيمة
شكراااا ربي يخلييك
شكرًا جزيلا لكي علا هده المعلومات الله ينور ليك طريقك والله يحفظك وتبارك الله عليك وشكرا جزيلا
مشكووووووووورة اختي جزاك الله خيرا
ربي يهنيك ويعطيك ماتتمناي مش خسااارة فيك دعوة خير تستاهلي
شكرا جزيلا وربي يحفظك
يعطيك الصحة أختي
merci el okht yassmina lakin yabka el louz louz
بارك الله فيك
اتابع وصفاتك باهتمام بالغ
الله يبارك فيك
جعلها الله في ميزان حسناتك
جزاك الله خيرا
مافهمتش هذي ال50 نتاع واه؟
السر الثاني
باه الكوكاو انتاعك ميتعجنش كي تخرجيه من الفرن احسبي حتى العدد50
وبارك الله فيك
شكرررررررررررررررررررررررا
يعطيك الصحة ختي والله نورتينا الله يبارك فيك الله يخليك ما تعرفيش طريقة نع الشامية لي هي قلب اللوز غير محشي وتكون مضمونة راني جربتها وحد 17 مرة وما خرجتلش ودائما مآلها سلة المهملات شكراااااااااااااا
يعطيك الف عافية على النصائح
و ان شاء الله ربي يفتح عليك كيما فاتحة قلبك للناس
أنا الكوكاو باه ما يتعجنليش
نحمرو في فرن منخفض الحرارة 100 درجة نحطو فالأسفل و نشعل من فوق و نروح و نخليه و كي نشوفو نشف مليح نزيد فالفرن غير باه يتحمر ذهبي فقط
ما يتعجنش و حتى لو حاولتي ترحيه غبرة يبقى خشن