lمشكلتي في شاب هدم مستقبلي 2024.

شَرَفك أغلى من المنصِب ….. وشَرف العائلة أغلى من الإثنين معاً

إدا ـأَتتكِ فرصة لِـخِطبتِك وزاواجِك فالتفعلي أفضل والله .. صُوني نفسك وشرفك وعائلتك أفضل لكِ

bloqué السنة تاعك ختى يفرج عليك ربي هكدا ما تضيعيش القراية تاعك و العائلة ترتاح من المشاكل ختى يفرج ربي و ان شاء الله خير

اختاه سمعتك اولى من الدراسة
ان امكنك غيري المكان او الجامعة كما يمكنك الدعاء ان الله لا يخب احدا

ربي يفرج عليك اختي وصبري غير كون خلاك تكملي العام هدا وخلاص
المهم ماتقطعيش الياس بلوكي العام هذا والعام جاي ربي يفرج عليك ادعي وشغلي روحك بحوايج اهرين وان شاء الله ترجعي تقراي والا يجيك خاطب احسن من الاول
المهم صلي ودعي ربي يفرج عليك وماتعمريش راسك بهداك الخاطب

اذا كانت العاصفة قوية يجب ان نطاطا رؤوسنا حتى لاا تقتلعنا بلوكي العام واذا جاك خطيب اقبلي بيه بشرط تواصلي

دراستك

اقتباس:

المشاركة الأصلية كتبت بواسطة مشكلتي انا نقرى في الجامعه سنة 3 صيدلة وهذا واحد خطبني ومقبلتش بيه سلطه ربي عليا نخرج يتبعني نروح يلحقني وانا مسمطاته وهو عام طول ما حشم ما خلاني نتهنى المهم حتى حكمو خويا وتقابضوا ودخل هو وياه للسبيطار عداو سمنتين حتى نلاقاه كي العكس كالعادة وتعاودت نفس القصة وحكموه الشرطة يومين وطلقوه عدات سمانة نفس الحاجة حتى دخل هو وخويا للحبس وصرا الخلا العايلات كل واحد يقول الحق عندي وكي خرج خويا حبسني من القراية وقالي خلاص اقعدي في الدار وانا خوك واذا خيرتي تكملي اعرفي انه المرة هاذي راه واحد فينا يحكمو عليه بالاعدام والاخر يصليو عليه جنازة واختاري وانا للوقت هذا راني في الدار ما نخرج من باب ولا نطل من التاقة حارقتني في قلبي حياتي كامله وانا نقرى ونتعب باش نقعد في الدار

ما هذا هل هذا انسان. ارى ان هذا الانسان ليس له ادنى درجة من الحياء او عزة النفس. كيف للانسان ان يذل نفسه لهذه الدرجة.
انا من رايي ان لا تحطمي مستقبلك من اجل هذا اللانسان عليك العودة الى الدراسة. ربما يجب ان تضجي شكوى لدى الشرطة. كما يجب عليك ان تهدئي من اخيك ان الانسان في قضايا الشرف يصبح بلا عقل. قد يفعل ما يندم عليه اتصلوا باهله ربما تكون هذه ايضا من الحلول.
اللهم فرج على اختنا

عجيب اصرار هذا الشاب ليته كان لديه نفس الاصرار في نصرة الدين
المهم اختي الفاضلة لا تيأسي من رحمة الله اولا حفاظا على شرفك وسمعتك قدمي شكوى لدى الشرطة حتى يمنع عنه الاقتراب فأن لم تنفع فما عليكي الا ان تحتسبي لله وتتوقفي عن الدراسة مؤقتا وايضا فكري في اخوك الذي يتمزق قلبه دفاعا عن شرفك وشرف العائلة. فالتوقف عن الدراسة لفترة وجيزة هو هدية صغيرة من اجل اخوك. وادعي الله ان يوفقك وتجدين ابن الحلال الذي يسترك

آسف لمثل هكذا ذكوووور

أكاد أجزم أن هذه النتيجة هي ما كان يبحث عنها منذ البداية وان كنت أكره أن اتكلم عما في صدر الغير
لكن تصرفه يؤكد هذا :يعني اتي تكبرتي عليا وما عبرتيني نوصلك تريحي في ادار
ننصحك أولا تخلي تمر فترة دون طرح للموضوع – حوالي اسبوع –
وفي يوم تكلمي مع خوك بحضور والدك
وتختصري
قال هذا السيد يحوس يخسرني مستقبلي
و الحل أن كل يوم يديك ويجيبك واحد من خاوتك
وحتى اذا شافوه ما يدوهاش فيه
وتكملي لي بقالك
إذا أصر على رأيوا اسمعي كلاموا أفضل بلوكي العام -بمساعدة والدك –

في حال زاد تقدم اياااااااااااااااااااااااااك ثم اياك تقبلي بيه

عليك بالصلاة و الدعاء

كما قال الاخوة قبلي جربي تحبسي هذي السنة حتى يهدأ الوضع وان كان كما قلت مش رايح يخليك في حالك يا اختني صوني نفسك والعائلة نتاعك واضن انك مش حابة تكوني السبب انو خوك يدخل الحبس او يموت صلي وادعي ربي يبعدو عليك . ربي معاك

قد يكون جوابي متناقض …
هذا الشاب أليس له أهل؟!!
هدم مستقبلي وقريت باش نقعد في الدار!!
قعدة الدار واش خصها؟!! ولا الدار راهي سجن كيما يقولو فتيات آخر زمن

إذا كنت مصرة على الدراسة في الاختلاط والرضى بالذل فما عليك إلا تلتزمي كما ينبغي بحجاب شرعي واتخذي رفقة صالحة تروحي معاهم وتجي معاهم ولا يوجد حل أحسن من التجاهل لأنو أكيد يجي يوم يمل ويكره من حياتو هاذي
ربي يوفقك لما فيه الخير

اقتباس:

المشاركة الأصلية كتبت بواسطة مشكلتي انا نقرى في الجامعه سنة 3 صيدلة وهذا واحد خطبني ومقبلتش بيه سلطه ربي عليا نخرج يتبعني نروح يلحقني وانا مسمطاته وهو عام طول ما حشم ما خلاني نتهنى المهم حتى حكمو خويا وتقابضوا ودخل هو وياه للسبيطار عداو سمنتين حتى نلاقاه كي العكس كالعادة وتعاودت نفس القصة وحكموه الشرطة يومين وطلقوه عدات سمانة نفس الحاجة حتى دخل هو وخويا للحبس وصرا الخلا العايلات كل واحد يقول الحق عندي وكي خرج خويا حبسني من القراية وقالي خلاص اقعدي في الدار وانا خوك واذا خيرتي تكملي اعرفي انه المرة هاذي راه واحد فينا يحكمو عليه بالاعدام والاخر يصليو عليه جنازة واختاري وانا للوقت هذا راني في الدار ما نخرج من باب ولا نطل من التاقة حارقتني في قلبي حياتي كامله وانا نقرى ونتعب باش نقعد في الدار

لازم تراجعي نفسك وتقولي وعلاه اتبع فيا هاذ الشخص ، اما لان ملابسك غير ملائمة او تصرفاتك ……….