السلام عليكم ورحمة الله تعالى
واش راكم ؟
جبتلكم اليوم كرواسون صالي بدون عجينة مورقة بصح واش نقولكم حاجة هايلة وبالشرح الممل
مانطولش عليكم
اولا المقادير :
العجينة
انا استعملت عجينتي السحرية واللي تتكون من
-2 كيسان ونص فرينة
-علبة ياوورت ناتورال (طبيعي)
-مغرف وشوية خميرة تاع الخبز
-ربع كاس زيت
-نص كاس حليب
-قرصة ملح
-3 مغارف كبيرة سكر
نخلطو gاع المكونات مع بعض
ونلموهم حتى نتحصلو على عجينة
نعجنوها مليح راهي تعود تلصق شوية بصح ماعليش ديري في يديك شويا فرينة وطميها بيها ماتكتريش باش ماتيبسش
ديري في يديك شويا زيت
وادهني بيه لعجينة
وزيدي اعجنيها شويا
من بعد لميها
وزيدي ادهنيها بشويا زيت
من بعد غطيها بساشي
وخليها ترتاح ربع ساعة
بعد ربع ساعة جيبي لعجينة
واقسميها على زوج
وعلى سطح مفروش بالفرينة
حطي النص اللي قسمتيه
وبداي حليها
ديريها قرص كبير بسمك 1 سم
وبالجرارة اقسميها مثلثات كيما البيتزا
احكمي مثلث وزيدي حليه شويا بالحلال
وحطي في الطرف قطعة فرماج (اي نوع انتي وظروفك )
وابداي لفيه كيما الشاراك
وهكذا مع gاع الحبات والنص التاني ديريه بنفس الطريقة الاولى
ادهنيهم بالبيض وخليهم يرتاجو لمدة ربع الى 20 دقيقة حسب الجو
دخليهم الفرن حتى يحمارو من الفوق
وبصحتكم
منقوول لفائدتـــــكمــ
merciiiiiiiiiiiiiiiiiiii hayla
مـــروركــ أروعــ أخيتــــيـ
بــآآركــ الله فيـــكــ
ربي يفرحك وينورك وينجححححححححححححححححك يارب عجبتني طريقتك في الشرح رائعة ومنظمة ومادابيا نزيد نشوف كامل اطباقك راني نتبع فيك هههههههههه ربي يحفظك على الوصفة
والله حشمتيــــنيــ
مشكوورة لمـــــرورك الأحلى من كل العطـــور
ترقبي مني كل جديد
بارك الله فيك و في صاحبة الوصفة الاصلية
شكرااااااااااااااااااا
شكرا شكرا…..>>ربي يحفظكم راني نتعلم منكم بزاف صوالح……………..لي عودة لكتابة الوصفة وشكرا again
شكرااااااااااااااااااااااااااااااااا
بارك الله فيك