Salam alikoum el kol, rani fi hira men amri ya bnet,rani nouvelle hnaya,nebri nteyeb bessah nkhaf ila mayekhrech tyab bnin wela,3andi 17ans,w rani haba net3alem bessah kima ngoulou ki nedkhol cuisine nhos rohi mchi sur mel rohi,w el makadiir mana3refch kima ygoulou, 3aynek hiya mizanek wela ma3labalich 3awnouni,3touni swalah nsiyehoum, w des conseilles w svp bidoun tajriih l
Merci beaucoup akawatiii
Ps: Na3ref ndir kolchi ménage,chatra fel krayti, ya3ni nched fi rasi kraya w kol,mé les recettes manchedch wela ana raha baynetli! 
Rani vrai dégouté!
السلام عليكم اختي باش تتعلمي مشي يليقلك تحكمي المقادير نتاع كاش وصفة وتحفظيهم الحل انكي تطيبي وتعاودي تشدي في راسك وليا جربتي كاش وصفة وماخرجتلكش مشي معنتها ماتعرفيش تطيبي اليوم ماجاتكش الوصفة بنينة غدوى تجيك كيما هاك تتعلمي
وغير بشويا تتعلمي وماعندك علاش تديقوتاي
اتعلمي اساسيات كل طبخة راهم تقريبا نفس الشي تغيير يكون فالتوابل برك
كيما الحوت بجميع انواعو فيه كمون والكمون مايجيش فالاطباق بزاف من غير حوت
وكاين صلصات حمرا باين فيه طوطاميش والعكري
ولصلصات الصفورة فيهم كركم او زعفران وهي رايحة تولي تعرفي واش تحطي ووين تحطي
وكلمة عينك ميزانك يعني المقادير راهي بالتقريب
وكيما قالت الاخت لي قبلي يعني مع التكرار رايحة تجيك ساهلة وتعرفي المقادير بدون اللجوء الى الكراس او الشي لي محتافظة بيه
والمنتدى راه فيه شافات ماشاء الله عليهم لي مايعرفش يولي يعرف بلا مزيتو تبعي طرق ديالهم والله رايحة تخرجي شاف كيما هوما
بالتوفيق.