والله يا خاوتي المشكلة هي شخص من المفروض يكون صاحبي
المهم العام الماضي طلعت للجامعة و رحت لولاية بعيدة باه نكمل الدراسة و هذا الشخص ولد ولايتي نعرفو من بكري حتى هو سجل في الجامعة الي سجلت فيها ,المهم كانت بيناتنا غير السلام مي من العام الماضي و هو لاصق فيا حاب يديرني صاحبو بالسيف رغم انو اشخاص بزاف حذروني منو و قالولي اخطيك منو راهو طماع و بخيل و انتهازي و حقود و و و
انا مادرت حتى على واحد و صاحبتو نورمال مي مع الوقت بديت نكتاشف بلي راني مع انسان والله والله والله خسارة فيه كلمة انسان يا خاوتي عندو عقلية غريبة جدا ,بخيل لدرجة لايمكن تصورها و كن غير جا بخيل برك بروفيتور يا خاوتي الدراهم الي داهم من عندي سلف و مارجعهمش اكثر من دراهمو الي صرفهم و مايهمو غير صلاحو و على جال تاني باه نوريلو في الدراسة و كن يقصدك في حاجة و ماتمدلوش يهز عليك الحقد بطريقة غريبة و حسود و غيار من اللبس و الدراسة و كل شيء
و الحشمة ماعندوش و جهو صحيح و ديما يجيبلي العيب و البهادل
والله حاولت نعدلو و نفهمو بلي كل شي يدر فيه خطأ مي هو كي تقلو اقعد يوقف و من العام الماضي و انا صابر عليه على خاطر قاسني بزاف و انا ديما نسكتلو على جال انو ولد ولايتي و بيناتنا عشرة مي هو مابغاش يحشم حتى هذا العام جرحني بالقول و الفعل و انا اكيد حبيت نحطلو حد ,مي الله غالب دير واش دير تخاصمت معاه بزاف و وصلت بيناتنا للضرب المهم كان هدفي انو يخرج من حياتي مي تضاربنا وشحال من مرة و يفاجئني و يجي يهدر معايا عادي كلي شي ما صرى باه يبقى يتمصلح كالعادة و انا نصمتو و هو يهدرني بالسيف و قداه من مرة و انا نقلو بلي مانيش حابو يكون صاحبي و احكي و لا ماتحكيش
والله ياخاوتي عييت منو و رجعلي الحياة الجامعية جحيم ديما لاصق فيا بويسك واحد لا يحبو و المشكل انو الناس كامل تقطعلي فيه و تقلي كيفاه قادر تصاحب واحد كيما هذا و الي في القلب يعلم بيه غير ربي
قولولي واش ندير و ادعولي هذي الدعوة ربي يجازيكم
ربي يفارقكم بلا ذنوب
ربي يفارقكم بلا ذنوب
كيفاه هدا تنا تقلو يبعد عليك وهو لاصق فيك ؟؟؟؟؟؟
لازم تتخذ خطوة كبيييييييييرة وتبعد عليه على ما قدرت متميشيش معاه نورمال
مكان حتى واحد يحتم عليك علاه بالسيف عليك تولي صاحبو ؟؟ انا جامي شفت هادي
ربي يهدي ما خلق ويفرج عليك
السلام عليكم
اولا الله يفارقكم بلا ذنوب
يا اخي والله كل النصائح لي رح نقولوهالك ديرها راك درتها وهذا لصقة يا لطيف
عاملو بالمثل خبي دراهمك و قلو عندنا ازمة مالية في الدار و معنديش منين نجيب مصروف وسلفني واحرم روحك قدامو و كي تلحق للقرايا دير روحك مافاهم والو ومثل عليه وقول هذ العام ماظنيتش يطلع (طبعا بعيد الشر) بالاك هكا يروح و يخليك كي مايلقاش فيك الصلاح
اسمح لي أخي و أعتبره كلام من اخ لأخيه .
صديقك ليس غريب فأمثاله كثر بل أنت الغريب .
أخي راك راجل الله يبارك يعني لازم تكون عندك كلمة و عنك موقف لا تتراجع عنهما أبدا .
هذا الشخص راك عرفتو و مشيت معاه و لقيتو بلي ما يصلحش و تنازعتوا و وصل الأمر الى الضرب .
يعني كما يقال كل كشف أوراقه .
فلماذا الاستمرار معه اذا بعد كل هذا .
أنا نقلك لماذا .
لأنه وجد نقطة ضعف لديك هي الطيبة و أيضا ضعف الشخصية ( اسمح لي).
اتخذ موقفا تجاهه و اثبت عليه و أتحداه هو و امثاله ان يتقرب منك أو يتكلم معك أو حتى يتكلم عليك .
عاملو بالمثل
السلام عليكم ورحمة الله
أنت قلت صديق غريب لكن مع الأسف صاحبتوا
يقول سيد الخلق " المرء على دين خليله فالينظر منكم من يخالل
المهم حاول الإبتعاد عنه قدر الإمكان ابحث لك عن صداقة جديدة
نسأل الله العظيم ان يبتعد عنك لتهتم انت بدروسك وحياتك
ذكرتني بأحدهم هو أحسن من صديقك على ما يبدو لما دخلت الجامعة في قسنطينة وجدته فيها ولما خرجت تركته فيها ولما عدت لمسابقة ماجستير بعد عامين أو أكثر وجدته
لا أظنه يدرس لكن الإقامة الجامعية والماتو لكن الحمد لله لم أعطه الضوء الأخضر رغم أنه صاحب أغلب أصدقائي من الولاية وجعل نفسه لصيقا بأحدهم حتى بات يهرب منه دون جدوى مثلك…
الحل المثالي مع هكذا أشخاص لازم تقتلوا بالبارد وتكون أسمط منو ..لما يكون معاك اتركه وامشي المهم دير اي حاجة ما يتوقعهاش واصبر أسبوع شهر وتجد النتيجة بإذن الله واستعن بالله أولا واسأله أن يبعد عنك أصدقاء السوء .. الله يعينك أخي
يا اخي زير روحك شوية معاه متخليهش يستغلك متسلفلوش دراهم ومتقعدش معاه بزاف بعد عليه قدر المستطاع هكدا ايولي هو يكره منك لان ميلقاش فيك الفايدة تاعو لازم تتعامل معاه بحكمة تخليه هو يكره منك وربي يفرقكم بلا دنوب
|
المشاركة الأصلية كتبت بواسطة بيلسان الجنان
 السلام عليكم
اولا الله يفارقكم بلا ذنوب يا اخي والله كل النصائح لي رح نقولوهالك ديرها راك درتها وهذا لصقة يا لطيف عاملو بالمثل خبي دراهمك و قلو عندنا ازمة مالية في الدار و معنديش منين نجيب مصروف وسلفني واحرم روحك قدامو و كي تلحق للقرايا دير روحك مافاهم والو ومثل عليه وقول هذ العام ماظنيتش يطلع (طبعا بعيد الشر) بالاك هكا يروح و يخليك كي مايلقاش فيك الصلاح |
فكرة روعة عامله بالمثل سوف ينفر منك
انا تاني عانيت من هاد المشكل المهم متتسرعش وراقب التصرفات التاعو وزيد حباب ربي بزاف شوف كيفاه تتملص منو يجي يشكيلك اشكيلو وكرهلوا حياتو كي يحس بلي مافيكش اويروح
حذار من اصحاب الجامعة
اعرف اناس قضوا اكثر من 12 سنة في الجامعة يعيشون بمثل هته الطريقة الانتهاز في كل شيء
حذار حذار
ناس بكري قالوا النيف والخسارة
الحبل الي تطولوا قصره
سلام اخي
من الطبيعي يلصق فيك مادام انت معه تتصرف برجولة
الحل هو انك تتعامل معاه بنفس اسلوبه يعني لا مصروف لا مساعدة بالعكس حاول تبروفيتي منه في كل شيء
سيمل منك لانه لن يجد ضالته معك
لكن خوفي ان تصبح فيك عادة و ترجع تتصرف هكذا مع الجميع O_o
امزح فقط ….. ربي يوقفلك ولاد الحلال و يبعد عليك ولاد الحرام
ابعد عنو هذا هو الحل