السلام عليكم و رحمة الله
إخواني أخواتي ليس لدي حل !!
ولكنني اردت ان افصح عما يجول بخاطري عل و عسى يخفف من همومي.
مشكلتي ام زوجي……………. سيقول الكثير ام زوجك و كبيرة في السن و……. و …….. ولكن اقول انها تنغص على معيشتي لا أعيش كبقية الأزواج هدفهم تكوين اسرة تنعم فالدفئ والحنان و الهدوء أطفالي محرومون بسببها.*
ام زوجي متسلطة تتحكم بكل شيئ حتى انها تتحكم بطريقة لبس بناتي الصغار و تقول لهم لا تلبسوا السروال حرام البسوا االعباية الطويلة علما ان ابنتي الكبيرة عمرها اربع سنوات و ام زوجي عمرها 75 سنة فيها كل امراض الدنيا و تشتكي من كل شيئ و لكنها غولة تنهض من الساعة 5 صباحا حتى تنام ليلا و تبقى تجول و تراقب كل شيئ و تقول افعلي كذا و كذا و كذا و لا تبالي ان كنت متعبة او غير ذلك حتى انها هي تقرر ما ناكل * وتملي علي الوصفة . و زوجي اشترى غسالة ملابس بثمن غالي تخيلوا انه ممنوع علي ان تشغلها فهي من تضع الملابس فيها و احيانا يكون ثوب غير نظيف ترجعه لي و تقول نظيف مسيطرة لأبعد الحدودلا استطيع العيش معها نكرهاااااااا يا ناس و الله منقدر نشوف في وجها، انا متزوجة منذ سبعة سنوات في السنوات الاولى شفت الويل معها و الان بعدما هربوا منها الجميع بقيت انا معاها فالمشاكل توقفت و لكن طريقة العيش معها جحيم و الله و الله خممت في الطلاق لانه هو حلي الوحيد و لكن اشفق على زوجي تحدث معها مرارا على ان تبقى في مكانها و تذكر و تصلي فقط لكن لا حياة لمن تنادي لا تعرف معنى التعب لانها لم تتعب قط لانها كانت الكنة الوحيدة عند عجوزتها التي كانت تربي و الشغالات 3 كل وحدة تقوم بعمل و أولادها ينادوها باسمها لانه لم تربيهم هي بل كانت جدتهم بمثابة الام حتى انهم ينادوها بامي و الاخرى جافة لا تحب الا نفسها لا تهتم حتى بزوجها الذي يظل يدعي عليها حتى انه مرض ولم تهتم به و تقول انا راني مريضة معندي منديرله، اضافة الى ذلك فهي كيما نقولوا تبروفيتي في أولادها و خصوصا زوجي بحكم انه بار بها و لا يستطيع ان يقول لها لا فهي تاخذ منه بالملايين لتصرفها على نفسها من ملابس و أحذية *قولولي كيفاش ندير معاها كرهتها كرهتلي حياتي كل اليوم وانا و واقفة و حابة تلم أولادها و أزواجهم و اولادهم على حسابي المهم يجوا كل وقت للبيت و الله لي محكيتهش اكثر و اكثر*
الوقت اللي وصلنالو ولات ام الرجل غولة
مهما تكون راها ام راجلك ولازمك تتحمليها اما انك تقوليلها غولة و اوصاف اخرى اسمحيلي كون نسمع هاد الكلمات من زوجتي دقيقة ما تزيدهاش معايا
أنت غالطة من ساسك لراسك و أم زوجك ربي يطول في عمرها ويحسن خاتمتها
شوفي حماتك كي قالت على بنتك متلبسش سروال نحييها ونقول يعطيها الصحة لأنها تعرف مصلحة بناتك أكثر منك أنت أمهم ، وأنت تقولي فيها أمراض الدنيا وكأنك تعايري فيها بالمرض ، عيب عليك ، هذا ابتلاء من عند ربنا وربي يرفع عليها في ذنوب أذنبتها مش باش تجي انت وتعايريها ونتغركش صحتك ياختي قادر ربي يحط فيك مرض ماتتصوريهش لهذا احمدي ربي على الصحة ومتعايريش الناس بمرضهم، حماتك تطلب منك الخدمة في الدار ، لازم عليك ايمالا تعولي عليها هي اللي عمرها 75 سنة ، لالا لا تؤكل الكتف هكذا والله راكي غالطة، تقولي عليها غولة، حرام عليك اكبر منك سنا ودينا الحنيف علمنا نحترمو لكبار وخاصة هذه عجوز متستهالش منك هكى، وتقولي بالفم المليان نكرها ومنشوفش في وجهها ياختي هذه أم زوجك وجدة بناتك كيفاش تكرهي اللي جابت زوجك على الأقل حبيها على وجه زوجك سبحان الله، تقولي طريقة العيش جحيم راكي أنت اللي عاملتها جحيم موش حماتك حشاها ، وتقولي تبروفيتي في ولادها هيه ولادها رباتهم وكبرتهم وتعبت عليهم ، جاء الوقت اللي يرجعو 1/10000000000000000 من تعبها ةميقدروش يرجعو تأكدي يا ختي ، في النهاية نقولك اتقي الله في روحك واعملي الخير وارمي وراء ظهرك وهذه الدنيا فانية وموش دايمة لحد وبالتوفيق
وان شاء الله ربي يفرجهااا وعندي تفكري في الطلاق
ان شاء الله ربي يفرج
ههههههههههههه السراويل محرمة
عادي اختي بنهاية تبقى كبيرة بسن ولم تدرس
اولادك لا يزالون صغار وهو شانك ولا يحق لها التدخل بتربيتك لاولادك ولكن عليك الاخذ برايها ومسايرتها لان هذا واجب
اعلم انك مختنقة منها ولكن فلتصبري ولتتحمليها مهما يكن فهي بمثابة والدتك
فهي التي ربت وسهرت وأعطتك أعز ما تملك واعذريها إذا طمعت في جرعة زائدة من الحنان، فقدري ظروفها خاصة عند الكبر وكوني حليمة ورفيقة بوالده.
لقد قلتي:
زوجي تحدث معها مرارا على ان تبقى في مكانها و تذكر و تصلي فقط لكن لا حياة لمن تنادي
اذا مدام راجلك راهو معاك ديري وش تحبي حاجة ساهلة ختي
ولادتك لبسيهم وش تبغي نتي وواحد مايدبر عليك
والقش كي تجي تغسليه هزي القش ولوحيه في المشينة ومشيها علاه حتان تزيدي تسقسيها؟؟؟
ومن فوق هذا قلتي *حابة تلم أولادها و أزواجهم و اولادهم على حسابي*
معليش تقدري تحمليهم ختي شوي يخي ماتضلش تلم فيهم فما كل نهار اصبري وفرات
ماعليك غير تصبري وطولي بالك وتنحي من بالك فكرة الطلاق لخاطر راح تحطمي ولادك قبل ماتحطمي روحك
وهي عجوز كبيرة في السن عامليها كي الوالدة تاعك والحكاية فرات
عندك ثلاثة حلول ممكنة:
1- الاول الطلاق: أنا لا أنصحك أبدا بذلك انه أبغض الحلال كما أنكي سوف تدمرين حياتك و حياة زوجك و اولادك.
2- ثانيا الهروب من منزلها :أنا لا أنصحك أبدا بذلك ……. تطلبين من زوجكي ان يجعل لكي منزل خاص …..يروح يكري مثلا……لن تستفيدي من هذا الحل الا مشاكل اخرى.
3- ثالثا الصبر: انه يبدو حلا غير مجدي كما انكي سوف تقولين انني صبرت سبع سنوات بزاف عليا راني حابة نعيش حياتي…..لكن انا انصحك بالصبر و الاحتساب….احتسبي لله كل يوم تنغس فيه لكي حياتك و سوف يفتح لكي الله أبواب الخير من كل الجهات
ربي يعطيك الخير
يا اختي ربي ايعينك اعليها لازم تتحملي في جال راجلك والاولاد وهي ربي يهديها ويحنن قلوبكم على بعض اما بالنسبة للاخوة لي ردوا انا نقولكم متكنوش مثالين زيادة لي يدو في النار ماشي زي لي يدو ف الماء
راني حاسة بيك وبكل كلمة حكيتيها
عشت مع امي المعانات وحكاتلي ماما
تخيلي ماما تزور جداتي تقلها انا مريضةوانتوما تجوني نهار كامل ديرولي فوضة
قالت ماما خلاص نزورها المساء تروح مع بابا المساء وتروح في نفس الساعة تخيلي وش قالتلها مجي العشية من قلة النية
والله تحكيلي ماما وتقولي سنسن الجمر عشتهم معاها 9 سنوات لكن والله واالله عمرها مترد الكلمة لجداتي وتقادرها وتخاف منها وتكبر بيها وتعرضها كي نقلها يا ماما دارت فيك تقلي راهي ام راجلي انا صغيرة نصبر عليها
اصبرييييييييي عليك بالصبر هي كبيرة وانت صغيرة متقوليش نكرهها راهي ام زوجك وجدة اولادك تحبي انتي غدوة مرت ولدك تقلك نكرهك
مهما كانت هي سيئة انت اصبري وعامليها بالحسنى عليك بالصبر واحسني اليها
ان شاء الله ربي يفرجهااا
اختي انت قلتي بلي المشاكل اللي معاها نقصو خلاص جوزيلها هاد التفاهات
و كوني دكية قصدي شاوريها في امور و ما تشاوريهاش في امور اخرى
حكاية بنتك و الا لحوايج هادوما ما عندهاش الحق ادخل روحها لانو بنتك عندها 4 سنين
و الغسالة راجلك اشراها و راجلك راه يصرف في الدار امالا تحبي تغسلي و الا تحبي تعاودي لغسيل دبري راسك
اما حكاية تشد بلاصة و ما تبوجيش هادي شوية صعيبة على خاطر العجائز في اخر عمرهم ما يحبوش يستسلمو للمرض و الموت لهدا تحب دائما تراقب و تامر و تعس كيما قلتي و انا جداتي للزوج فيهم هاد الطبيعة مام ماشي في ديارهم صحيح انها اتعبك في الخدمة و ما تخليكش ترتاحي لكن كيما قلتلك راهي عجوزة 75 سنة ما تقدريش تقوليلها نوضي تخدمي
و ما كان ما دخلك ادا قامت براجلها و الا لالا ما تدخليش بيناتهم
المصروف انا نقلك تصرف و تزيد و تبروفيتي كيما تحب
ادا راجلك قايم بيك و بولادو و ما خلاكمش للشر
لازم يصرف على يماه اللي ولداتو و كبراتو و علماتو و دخل يخدم باش ما تشوفش الصوردي تاعو
خليها تتفشش كيما تحب و غدوة ولادك انتي يردولك خيرك
اما انك اجي تحاسبي يماه على مصروفها هنا انتي الغالطة
عجوزة تع 75 ما بقالهاش خليها تعيش السنين اللي قعدولها في رفاهية
والا على العرضات من حقها تشوف عايلتها دايرة بيها و من حقهم هوما يجو يشوفوها
سكنتي مع لعجوزة و هدا خيارك امالا ديري في بالك بلي الدار ماشي دارك وحدك راهي دار الغاشي و من حقهم يجو و يطلو عليها كيما يحبو
و انت اخدمي قيسك و على قدك و كي تعياي قولي عييت و اللي ما عجباتوش حاجة يديرها بيديه
الله يهدي ما خلق
كم من أم فرقت أسرة
لا حول ولا قوة إلا بالله
|
المشاركة الأصلية كتبت بواسطة الفاتحة
 أنت غالطة من ساسك لراسك و أم زوجك ربي يطول في عمرها ويحسن خاتمتها
شوفي حماتك كي قالت على بنتك متلبسش سروال نحييها ونقول يعطيها الصحة لأنها تعرف مصلحة بناتك أكثر منك أنت أمهم ، وأنت تقولي فيها أمراض الدنيا وكأنك تعايري فيها بالمرض ، عيب عليك ، هذا ابتلاء من عند ربنا وربي يرفع عليها في ذنوب أذنبتها مش باش تجي انت وتعايريها ونتغركش صحتك ياختي قادر ربي يحط فيك مرض ماتتصوريهش لهذا احمدي ربي على الصحة ومتعايريش الناس بمرضهم، حماتك تطلب منك الخدمة في الدار ، لازم عليك ايمالا تعولي عليها هي اللي عمرها 75 سنة ، لالا لا تؤكل الكتف هكذا والله راكي غالطة، تقولي عليها غولة، حرام عليك اكبر منك سنا ودينا الحنيف علمنا نحترمو لكبار وخاصة هذه عجوز متستهالش منك هكى، وتقولي بالفم المليان نكرها ومنشوفش في وجهها ياختي هذه أم زوجك وجدة بناتك كيفاش تكرهي اللي جابت زوجك على الأقل حبيها على وجه زوجك سبحان الله، تقولي طريقة العيش جحيم راكي أنت اللي عاملتها جحيم موش حماتك حشاها ، وتقولي تبروفيتي في ولادها هيه ولادها رباتهم وكبرتهم وتعبت عليهم ، جاء الوقت اللي يرجعو 1/10000000000000000 من تعبها ةميقدروش يرجعو تأكدي يا ختي ، في النهاية نقولك اتقي الله في روحك واعملي الخير وارمي وراء ظهرك وهذه الدنيا فانية وموش دايمة لحد وبالتوفيق |
يا ختي بلعقل كليتيها المرأة لوكان نتي راكي في مكانها والله ديري كثر واش دارت او تهدري كثر واش هدرت
ما يحس بالجمرة غير لي كواتو في عوض تنصحيها طايحة عليها غير نتي نتي نتي. ماشي هكدا لي ينصحو انسان غلطت صح. قوليلها وين غلطتي او فسريلها الموضوع ادعيها ربي يصبرها والله غير معيشة لي يعيشها او بحكم ختي. عايشة نفس العيشة نفس المشكل حتى ظننت انها هي لي كتبت. كي تجي لدارنا او تشوفي ختك كيفاش كانت قبل الزواج او بعد الزواج تبكي الدم عليها ماشي ساهلة المرأة جات تفرغ قلبها خفف عليها شوية مقاتلكش راني نحكم فيها بالعصى.
لا حل لك سوى الصبر يا اختي الكريمة …وربي يصلح احوالك.