بسم الله الرحمان الرحيم
واحد زميلي خاطب وحدة منذ 10 أشهر هويقرعها حتى تكمل قريتها دابزو دبزة كبيرة ماماه إتصلت بأمها لتعرف واش صرا بناتهم خاطر الإثنين ولاو يقولو فسخت الخطبة كانا غاضبين وفي أثناء حديث أم الخطيب مع أم الخطيبة قالت أم الخطيبة لأم الخطيب:ولدكم ركم سمحين فيه ومراهش قاد على زواج غضبت أم الخطيب غضبا شديدا ففسخت الخطبة رسميا من طرف الولد فهل هو على حق ؟
و الشاب حاب يفسخ الخطبة??
10 أشهر و هو خاطبها و علاجال مشكل يماه اللي تففسخ الخطبة !!!!
الله يهدي الناس علاه بنات الناس لعبة
بلاك يماها قالتها على زعاف
ذرك تمدت الكلمة خلاص و خرجت من عند الكبار موحال يرجعو انا نقول لوكان تفاهمو غير بيناتهم بلا ما ما يدخلو الوالدين فالوسط الله يجيب الخير
ادا كثرو المشاكل الفراق احسن خاصة كي توصل للاهل تدخل الكرامة و حسابات اخرى
ادا اطاع امه في هدا راه علابالو واش راه يدير بالاك سمعو هدرة كبيرة و تنقص من قيمة العائلة
و الام ديالها كان لازم توزن كلامها
و ربي يعوضو احسن
على خاطر كي يغيب الاحترام و توصل الحماة توصل لراجل بنتها و عايلتو و تعايرهم في فترة الخطبة
ما بقى والو
بعد الزواج وين يوصلو
|
المشاركة الأصلية كتبت بواسطة wafa16
 ادا كثرو المشاكل الفراق احسن خاصة كي توصل للاهل تدخل الكرامة و حسابات اخرى
ادا اطاع امه في هدا راه علابالو واش راه يدير بالاك سمعو هدرة كبيرة و تنقص من قيمة العائلة و الام ديالها كان لازم توزن كلامها و ربي يعوضو احسن على خاطر كي يغيب الاحترام و توصل الحماة توصل لراجل بنتها و عايلتو و تعايرهم في فترة الخطبة ما بقى والو بعد الزواج وين يوصلو |
معك حق اوافقك 100 بـ100 إذا بدات المشاكل قبل الزواج بعد الزواج وين توصل مالا هكذا خير قبل ما يكونو فيها اولاد و يكون طلاق ويروحو هوما في الرجلين
السلام عليكم خويا
مازالو مشاكل مع خطيبتك ربي يعينك عليها
والله هذي المرة صعيبة وثلت لوالديكم فيها كرامة وفيها يماك ضرك تحلف عليها ويماها تحلف عليك وإنتوما علاه توصلوها لاهل دابزت إنت وياها وعلاه وصلتوها كنت تجي هنا كما موالف وإحنا نلقاولك حل
ضرك نظن تأزمت خير إن شاء الله نتمنى المرة الجاية تجي تقولنا راهي فالدار وتزوجتو ريحو حالكم وريحونا هههههههه
خويا هذي راح تعييك بزاف فكر بعقلك شوي نت راح تتزوج ولا تزيد الهم لروحك ؟؟
ما تذلش روحك على جال وحدة شوف وحدة الي تهنيك و تحطك فوق راسك مش وحدة ضال تجري فيك
السلام عليكم
ام الشيرة علاش تروح تشتكي كون خلات المشكل بين بنتها وخطيبها يتحل مع الوقت واصلا التليفون هو سباب المشاكل
لوكان قبل ما يطيح الفاس في الراس يتفاهمو ولا على خاطر اذا خرجت من عند الكبار خلاص موحال الاب يرجع يخطب الطفلة هادي