لص الغسيل

حقيقة حنا نسكن في الطابق السفلي وقت القيلولة يسرقوا الملابس خطرة حكمتوا عيني عينك ناض يضحك وراح ولينا ننشروا ونقعدوا عساسين حتي ينشفوا ربي يهدي الناس

الصراحة البارح لفتة بالي هاذ الظاهرة لانو سيدة تنشر و طاحلها قميص الطفل خطفو و هرب انا نقول من الاحسن المرأة تنشر في بيتها راهم كاينين هاذوك لي ساش لينج

مشكورين على المرور

انا حسبت هذا الصوالح صرات غير لما كنت ف الجامعة
اما
باش تلحق للمنازل و يطيروا بهم في النهار القهار هذه اخر حطة

نورمال

احنا اولاد نايل قصدي ناس جلفة جامي ينشرو ملابسهم برا لانو عندنا سكنات واسعة او شقة صغيرة وفيها بالكون والحمد لله ربي يعينكم

السلام عليكم

ههههههههههههه والله ضحكتوني على خيانة القش نسمع بيها بصح جامي صراتنا مرة فاميلتي نشرو طابيات في الصيف

طاحو داوهملهم

يقولو ناس زمان اللي دالك خبالك…. يعني … اللي سرقلك شئ راح يسلكها يسلكها ههههههه

الحمد لله لاتوجد هذه الظاهرة لاننا وبكل بساطة لانسكن في العمارات والكل يملك سطحا لنشير غسيله

ولهذا نانكره سكن العمارات

اقتباس:

المشاركة الأصلية كتبت بواسطة meriama13 حنا ننشرو في السطح نتاع دارنا و مرة خرجت الطابي فوق البالكون و طاحت سرقهالنا جارنا عيني عينك هههههه و مين مالقيتهاش سقسيت ولاد الحومة قالولي فلان دخلها لدارهم استخيلو راح بابا جابها قاله لقيتها مرمية فسرتها 100 تفسير و ملقيتلهاش تفسير

ضحكني جاركم ههههه

كاين اللي يصيب زربية في الطريقة
زعما واحد كان رافد زربية في جيبو وطاحتلو بلا مايحس

الله يهدينا

ملابس ملبوسة ومغسلوة لما تتم سرقتها يا سبحان الله

صدقيني اختي اول مرة اعرف ان هذا الامر واقع لانني كنت اظنها فقط صرات في الفيلم نتاع لانسبكتور الطاهر

الفقر وما يفعل في الناس
اعتقد هذا هو السبب لولا الحاجة لما قام بعض ضعاف النفوس السرقة خاصة اذا كانت ملابس لا تباع ولا تشترى

والله اعلم هذا رايي

هههههههههههههه بقا اللباس المغسول ولاو يسرقوه الحمدللل حنا ماكانش هاد الظاهرة عندنا خلاص حنا نسكن في منزل لدينا السطح ننشرو فيه
والحل اسمحو فيه ياخي قديم ههههههه

نعم الظاهرة اصبحت متفشية لحقت السرقة حتى للملابس ربي يهدينا