السلام عليكم
تكمن مشكلة قريبتي في احتقارها لنفسها و التقليل من شأنها و شحصيتها
فهي عانت من ويلات لعرايس هي كانت صغيره يضحكو عليها و يتغامزو عليها
شاء القدر ان لا تكمل دراستها و لكن التحقت بالمدرسة القرانية لحفظ القرآن الكريم
هي منقبة الان و حافظة للقرآن كاملا ربي يبارك
غير متزوجة و عمرها 38 سنة
تقدملها واحد معدد للزوجات و معروف بتدينو و عدلو بين زوجاتو لكنها رفضت بحجة انها لا تريد العيش مع النساء ( مع ان كل واحدة ساكنة وحدها) لانها لا تحتمل نظرات النساء و استهزائهم منها ( تعقدت من النساء بصفة عامة) وعلاه ما يديش وحدة صغيرة في العمر…ايضا
و مؤخرا يود واحد مطلق التقدم لها … و راهي بدات تختلق الاعذار و تقول هذا راه مطلق لاه راه حاب يدي وحدة كبيرة كيما انا … ياك الرجال كي يعاودو الزواج اغلبهم يحبو يدو وحدة صغيرة ….. ) هنا فشلتني حقيقة ,, مازال ما رفضت بصح لكنها تختلق دايما اسباب…….
المهم راهي مستخسرة في روحها بزااف امور … هي جد متواضعو و غير مادية و اعلم لي راح يديها مش راح يتعب معاها خطراش ما شاء الله تعرف الواجب …. بصح نفسيتها محطمة
المهم انا تغيضني بزااف كي نلقاها وحدانية و تبكي … وتقول ما نقدرش ندير خطوة تحطكت نفسيتي .. شخصيتي ملغاه .. اقلبي يبكي عليها… نضل نشجع فيها و نقولها نحي هكا افكار من راسك بصح والو ,,, مطبوعة فيها
راني ديما ندعيلها ديما
كيفاه الحل معاها ؟؟
ادعولها بارك الله فيكم
الحل هو توعيتها
لاننا لا نستطيع ان نغير الناس الذي نستطيعه هو تغيير انفسنا والناس ربما تتغير بتغيرنا
ربي يكون معاها
و تخرج من هذه الأزمن النفسية
نعم إنها تعاني من ازمة نفسية يجب العلاج النفسي
نهنيها لحفظها القرآن الكريم …
وهذه ميزة لها تفتخر بها وتزيدها جمالا ….
ورأيها فيمن تقدم لها ورفضت كان صوابا ….
وهي انسانة متزنة وترى الامور بعقلية سليمة ..
ومن حقها أن تتزوج بالشخص المناسب لها ..
فليس فيها حالة نفسية ولا شي وأمورها ممتازة ..
كل مافي الأمر عليها بالصبر حتى يأتيها المكتوب …
وليتها تكون علاقات اجتماعية مع صاحباتها وجاراتها والأقرباء ..
وتزيد من ثقافتها في كتب الحديث والتفسير والسيرة النبوية وغيرها …
العلم ليس بالشهادات الجامعية فقط بل بالتعلم وهي معها افضل شهادة ..
حفظ كامل القرآن الكريم …….. تراجعه وتصلي به ليلا …
وتستأنس به وتشعر بحلاوته وجماله وروعته ……….
نسأل الله تعالى أن يوفقها وييسر أمرها ويُسعدها دنيا وآخرة …