السلام عليكم ورحمة الله وبركاته
*نحن اربع بنات وابي وامي الله يحفظهم عندي اختي الثانية ديما تحس بالنقص والكره منا نحنا وخاصة من ماما الله يخليهالنا اختي هذي الثانية تكره اسمها بالرغم من اسمها فاطمة وهو اسم بنت الرسول صلى الله عليه وسلم وتقول لماما وعلاش سميتيني بهذا الاسم الغير لائق هي عمرها 18 سنة وتقرا في الجامعة سنة ثانية بيولوجيا . ما نقدرش نوصفلكم المعاملة اللي يعاملوها بيها بابا وماما اي حاجة تطلبها كاشتا من آخر الدنيا يجيبوهالها وتاني هي تغير من اختي الكبيرة
* ثاني حاجة المهمة هي انها تشتم ماما يعني كيما نقولوا نحنا تسبها وحد السب واحد ما يقدر يسمعو ولا يهدروا ضرك حبيتكم تدبروا عليا وتقولولي وش ندير ليها قريب نجن ونهبل ماما ليل ونهار وهي تبكي وما تقولش لبابا الامور اللي تقولهملها اختي هذي ماما راي مرضت من اختي بلييييييييييييييييييز عاونوني
سمحيني على الكلمة اختي
لكن اختك لازملها اعادة تربية …مش ممكن انها تكون متعلمة وتقرا فالجامعة ومثقفة وتقوم بامور كيما هكذا
يجب ان تكون التربية قبل التعليم
يا أختي شيراااااااااااااااااااااااااااز والله عيينا ماما كون تشوفيها ضرك والله غير تبكي وكلامك راهو صحيح اختي
اختي شيراز انت عندك ***** خلي نتكلم معاك شوية
|
المشاركة الأصلية كتبت بواسطة لميس 28
 يا أختي شيراااااااااااااااااااااااااااز والله عيينا ماما كون تشوفيها ضرك والله غير تبكي وكلامك راهو صحيح اختي
|
علاش تبكي امك ..والله امر محير ما وصلنا اليه ..انا لوكان نعلي صوتي على امي تقطعلي راسي 
تعبير مجازي..لكن فيه طرق اخرى ممكن تغضب مني وماتكلمنيش وحتى تستطيع انها تضربني ..هي امي ومن حقها هذا ….وكي ماقدرتش عليها امك علاش ماخبرتش ابوها ربما عندو حل معاها 
ياك راهي بنت والبنت ضعيفة حسب رايي مشي كيما الولد يدير رايو
حبيت تسقسيك برك ، الاب وين راهو الدور نتاعو ، ما يزقيش عليها كامل ، لازم الاب اهنا يتدخل …بالاك الطفلة راهي تشوف في روحها حاجة ناقصة فيها بالنسبة ليكم … تقبلي تحياتي
السلام عليكم أختي الكريمة ….
أولا نحن بصدد الكلام عن شخص مجنون لا يعلم ماذا يفعل و هو المراهق يعني أختك مراهقة ….تاني شيء هاذي الطفلة لازم تتكلمي معاها على إنفراد و تفهمي واش من وراها و أنا نقولك واش كاين …
1- إما لها ضديقات سوء هن لي مؤثرين عليها ….
2- على علاقة بشاب و يكون مسيطر عليها و تخاف منو و تحبو و لهذا مشاكلها معاه هم السبب يعني تبرد قلبها في الدار لأنها غير قادرة تلقى شخص في الدار يفهمها و يسمعها بإهتمام .
3- ربما عندها مشكل نفسي و هكذا أنا نبرهنلك أختي بأن أختك لا تخرج عن هذه الحالات متهنية أختي …
لهذه الأسباب أسمعيني مليح ….
1- حاولي و لا تيأسي باه تنجذب الفتاة ليك و تحكيلك ……
2-قومي بعملية تحقيق سري مع بعض صديقاتها و حاولي توزنيهم أو تعرفي من واراء سوء المعاملة ….
3- بعدها إذا هناك شاب أو أي حكاية غرامية أظن نحن بصدد إستعمال أمرين أحلاهما مر ….
يعني إما تكوني ذكية و تستعملي هذا الشخص للضغط عليها و ردها للصواب في معاملة والديها ….ربما تنجح العملية
أو حاولي أن تقنعيه بأنه على شفى حفرة من النار لو كملت معاه و هكذا تتألم يوم و يومين لكن تعود الأمور لمجاريها بإذن الله …..
طريقة المعاملة كذلك حاولو ديرولها هدية بسيطة حاولو تحسوها بلي عنصر مهم في الدار المهم دللوها بذكاء . و حذر
في الأخير نتمنى أن أكون قد وفقت في الإجابة و معليش راهي يجي نهار و تندم على أفعالها …ربي يهديها
السلام عليكم
واش قلتي ختي هادي فاطمة تسب الام نتاعا وين صرات هادي وزيد راها متقفة وقارية فالجامعة والله لوكان جات ختي نقتلها وندفنها بلا جنازة
يلزم على ماماك تخبر الاب ديالها باش يشوف واش يدير معاها
ولا صقصي صحاباتها بالاك هوما راهم يعاملو امهاتهم بهده الطريقة ===وين تعرفي بالاك راها تعاند فيهم ======
والاسم نتاعا ماهوش مشكل اسم شباب وهايل برك هادي البنت خصها غسيل مخ ومتعرفش قيمة الام
شكرا تقبلي مروري
شكرا على ردودكم راكم قلتو وين راه الاب راه مريض بضغط الدم العالي وايضا الكلى لوكان تقلو ماما يرتفع ليه الضغط ويطيح افهموني يا ناس
شوفي يا أختي اختك هادي راهي حاسة بالنقص او عدم الاهتمام
واتحاول تلفتلكم الانتباه فقط لا تقولي لي كل شيء موفر لها الاشياء الماديه لا تعني شيء
فهمتي قصدي
كوني اكيدة انها لما تجلس مع نفسها فهي تحتقر نفسها لماذت تفعل هذا
وكذالك كما تدين تدان فلربما كانت تفعل والدتك لوالدتها هذا الشيء
فقولي لوالدتك أن تطلب السماح من والدتها وسترين ان أختك سيتحسن حالها
وايضا الدعاء لها بالهداية وتقربوا لله أكثر فهذا ما الا اختبار للصبر
نسئل الله الهدايا لأختك ولنا جميعا
السلام عليكم
يا أختي
اتمنى أن اكون شقيقك لاسبوع واحدفقط
ساجبرها بقوة العضلات على احترام والديك
رغماعن أنفها
أخوك …………………………..ابوخولة
تلد امة ربتها
الله يهديها و يهدينا اجمعين
أطلبى من أمك أن تدعو لها بالهداية.وتقربى من أقرب صديقة لها وأعرفي مشكلتهاوأطلبي منها أن تنصحها وأن تذكرها أن الله لا يقبل كلمة أأأف فكيف بالسب هداها الله..
نقلك حاجة روحححححححححححححووووو رقوها والله العظيم عن تجربة جربي و تشوفي و ادا ما حمتش ادعيلها ربي يهديهي و صدقيني دواها الرقية ادا كانت تصلي و تعرف ربي الا حاجة واحدة اخرى هاددي غلظة الام