السلام عليكم ورحمة الله تعالى وبركاته
موضوعي هو باختصار هو ان البعض في مجتمعنا يعتقد ان تقدمه في السن هو رخصة دائمة لقلة الادب او للظلم كيف ما يشاء
والحجة انا في مثل عمر والدك ……………………………..
هل كون الشخص كبير في السن من الاربعين حتى الخمسين ولا اتكلم فما فوق هذا العمر يمكن يكون عجوز خرفان ومالازمش يديروا عليه بالطبع
لكن لماذا كل من تعدى عمره الاربعين نحو الخمسين يظن انه باستطاعة اهانة اي شخص يراه اقل منه في العمر او يساوي عمر اولاده ؟
كحادثة بسيطة لي الاسبوع الماضي تلقيت دعوى من صديقة لي لحضور مناقشة مذكرتها ‘ماستر’ ركبت في الحافلة وعند طلوعي احسست بدوار وغثيان لربما ساصبح ام 
كانت تجلس في المقعد الامامي فتاة الله يجازيها تركت لي مكانها للجلوس وانا بدوري امسكت لها حقيبتها
في طريقي للجامعة لاحظت يد تتسلل الى راسي ظننت في الوهلة الاولى هي يد الفتات التي تحاول الامساك بالمقعد لانها واقفة …في المرة الثانية احسست بيد في مأخرة راسي متوجهة لي وكأنها "لكمة" وكانت قوية " استدرت وكرد فعل سريع ازحت تلك اليد التي كانت لامرأة في 45 سنة تقريبا
في المرة الثالثة تلقيت ضربة او لكمة في راسي من نفس المكان استدرت كانت تلك المرأة وكأنها لم تفعل شيئا …..قلت لا حول ولا قوة الا بالله …في المرة الرابعة نفس الشيء استدرت ونظرت اليها لعلها تعي انها لكمتني درت للجهة الاخرى نلقاها تقول " واش تشوفي معايا انتيا خير واش كاين "
هنا درت ليها وانا حتى لا اقوى على الكلام قلتلها راكي قستيني في راسي واش قاتلي = كي ماكيش حاية تتقاسي روحي احكمي طاكسي …
وانا قستك واش راح ديري قتلها معليش قستيني مرة زوج لكن اربع مرات ومتطلبيش السماح اذا انت متعمدة قاتلي انا في عرض امك تقوليلي نطلب السماح روحي نعلبو اللي رباوك "
هنا ثارت ثائرتي ناديت على الروسوفور قتله شوف معا هاد المرأة ضربتني والان تسب فيا نطقت ليا عجوز اخرى راهي كي امك تسب او تضربك معليش هنا راسي حبس قاللها الروسوفور اسكتي من اصباح وانت تهدري وهي ساكتة بقات تشتم فيا وانا وكلت ربي وكي قلتلها راني نقدر نشكي بيك وتروحي للحبس خافت وقاتلي راني هابطة وانتوما تاع …. وشتمت المنطقة اللي ساكنة انا فيها مدينة الجديدة كاين بلاضة فيها مشهورة بالمافيا انا قلت حسبي الله ونعم الوكيلغير خلصت من الدعاء نزلت وراها امرأة قوية البنية والحافلة ماشية نسمع فيها تسب فيها وتقولهاعلاش تهدري على مدينتي ……. ولعل نهايتها كانت وخيمة بضربة او عدة ضربات
انتم يا اخوتي هل حدثت معكم حادثة مثل هذه ؟ هل كون اي شخص كبير في السن يتعدى في من اقل منه في السن الواجب السكوت عنه وهو ظالم لا لشيء لانه اكبر منه في السن ؟
بصح نهاية القصة جد رائعة
أختي كاميلا الرسول صلى الله عليه و سلم يقول :" ليس منا من لم يرحم صغيرنا ويوقر كبيرنا" لكن لا يعني هذا أن يسب الإنسان أو يحق له أن يظلم لبلوغه سنا معينا لأنه سيحاسب مثلما نحاسب و لن يرفع عنه القلم لأنه كبر في السن .
لكن عليك بالصبر أختي
السلام عليكم
اذا كانوا اكبر سن ,,,,,,,,,,,الصبر ثم الصبر ثم الصبر
لااتذكر انه حدث لي امر مثل هذا ,,,,,,,,,ولو حدث ,,,,على الاغلب,,,,ساضحك
صح فطوركم
|
المشاركة الأصلية كتبت بواسطة إكليل
 أختي كاميلا الرسول صلى الله عليه و سلم يقول :" ليس منا من لم يرحم صغيرنا ويوقر كبيرنا" لكن لا يعني هذا أن يسب الإنسان أو يحق له أن يظلم لبلوغه سنا معينا لأنه سيحاسب مثلما نحاسب و لن يرفع عنه القلم لأنه كبر في السن .
لكن عليك بالصبر أختي |
راهي نالت جزائها
|
المشاركة الأصلية كتبت بواسطة optimism
السلام عليكم
اذا كانوا اكبر سن ,,,,,,,,,,,الصبر ثم الصبر ثم الصبر لااتذكر انه حدث لي امر مثل هذا ,,,,,,,,,ولو حدث ,,,,على الاغلب,,,,ساضحك صح فطوركم |
بلاء يا اختي بضح راهي نالت جزائها
لاحول ولا قوة إلا بالله
الاحترام واجب على الجميع كالصغيركالكبير
انا إذا حصلي هذا الشيء الحق نتاع ربي نراعيلو بعيني عدة مرات باش يفهم وإذا ما حبش يفهم نبعد عليه
ونقول ربي يهديه واش ندير الصح مانقدرش نتعارك مع اللي أكبر مني
لكن الوقت حالي صغار السن يسبو لي كتار اتكلم عن بعض
خاصة شباب تلقيه يسب في راجل كبير و يقلي نضربك وووووو لانه اقوي منه
هي ترجع للاخلاق لا للسن
|
المشاركة الأصلية كتبت بواسطة rose de sable s
لكن الوقت حالي صغار السن يسبو لي كتار اتكلم عن بعض
خاصة شباب تلقيه يسب في راجل كبير و يقلي نضربك وووووو لانه اقوي منه هي ترجع للاخلاق لا للسن |
لا اتكلم عن الشيوخ اتكلم عن فئة الكهول يا بنتي